نۇرمامەت ماحات

نەگىزگى ساتى پارتيا ياچەيكاسىنىڭ ومىرشەڭدىك كۇشىن ارتتىرۋعا كۇش سالدى

اۆتونوميالى رايون «ەكىنى ۇيرەنۋ، بىردە تولىمدى بولۋ» ۇيرەنۋ - تاربيە قيمىلىن ورىستەتكەننەن بەرى، نۇرمامەت ءىس جۇزىندىك قيمىلى ارقىلى ءوزىنىڭ مىزعىماس پارتيالىلىق سەنىمى مەن كورنەكتى قىزمەت قابىلەتىن، تاڭداۋلى قىزمەت ستيلىن ايگىلەدى، ول 51 - پولكتەگى ءار ۇلت كادرلارى مەن جۇمىسشى - قىزمەتشىلەردى، بۇقارانى ىنتىماقتاستىرىپ، ولارعا جەتەكشىلىك ەتىپ، قىزمەت تاسىلىندە تىنباي جاڭالىق اشىپ، نەگىزگى ساتى پارتيا ۇيىمىنىڭ ومىرشەڭدىك كۇشىن ارتتىرىپ، كوپ ۇلت قونىستانعان پولك - الاڭى سان سالالى ىستەرىنىڭ دامۋداعى تىڭ داستانىن جازدى.

القانى نىعايتىپ، قوسىنعا جەتەكشىلىك ەتىپ، پارمەندى جاۋىنگەرلىك قامال قالىپتاستىردى

51 - پولك − كوپ ۇلت قونىستانعان پولك - الاڭ، پولك - الاڭنىڭ «كوش باسشىسى» رەتىندە، نۇرمامەت ماحات باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحىن مۇقيات ۇيرەنىپ، القانى مىقتى يگەرىپ، قوسىنعا جەتەكشىلىك ەتۋدەي پارتكوم شۋجيىنىڭ ماڭداي الدى مىندەتىن مىزعىماي مىقتى يگەرىپ، ىشكى جاقتاعى كەڭەستىك جۇمىس ەرەجەلەرى مەن تارتىپتەرىن ونان ارى كەمەلدەندىرىپ، پارتكومنىڭ شىعارعان ۇندەۋىن بۇلتارتپاي اتقارىپ وتىردى.

دارىندى − جۇمىس تىندىرۋ مەن شارۋاشىلىق قۇرۋدىڭ تەتىگى. پولك - الاڭنىڭ كادرلار قوسىنى قۇرىلىسىن قايتكەندە مىقتى يگەرۋگە بولادى؟ نۇرمامەت ماحات مىناداي ءبىر تۇيىنگە تياناقتادى: از ۇلت روتا، اترەتتەرىندە «5 ءبىر ينجەنەريانى» اتقارۋ ءۇشىن، ءبىر حانزۋ ياچەيكا شۋجيى، ارميادان كاسىپ اۋىستىرعان ءبىر كادر، ءبىر از ۇلت ايەل كادرى، ءبىر ستۋدەنت، ءبىر ساياسي قىزمەتكەر بولۋ كەرەك. 

3 جىلدان بەرى، پولك - الاڭ ءار سالادان ىلگەرىندى - كەيىندى 196 دارىندى ەنگىزدى. نۇرمامەت ماحات كادرلاردى تاربيەلەۋ، باۋلۋ قىزمەتىنە باسا ءمان بەردى، پولك - الاڭ ياچەيكا شۋجيى مەن زاپاس كادرلاردى ءتۇيىن ەتىپ، بيڭتۋان پارتيا مەكتەبى، كوممۋنيستىك جاستار وداعى روتاسى، «قوس تىلدە» باۋلۋ، مىندەتكە قويۋ سياقتى تاسىلدەر ارقىلى، 1800دەن استان پارتيالى كادر باۋلىپ جەتىلدىردى. پارتكوم القاسىنداعىلار مەن ورگانداعى ءبولىم، كەڭسەلەر قىزمەت ورنى پارتيا ياچەيكاسىنا جەتەكشىلىك ەتۋ، پارتيا ياچەيكاسى پارتيالى كادرلارعا جەتەكشىلىك ەتۋ، پارتيالى كادرلار جاي پارتيا مۇشەلەرىنە جەتەكشىلىك ەتۋ، پارتيا مۇشەلەرى بۇقاراعا جەتەكشىلىك ەتۋ سىندى «تورتتە جەتەكشىلىك ەتۋ» مەحانيزمىن بەلسەنە اتقاردى، سونىمەن قاتار پارتيا مۇشەلەرىن دامىتۋ قىزمەتىنە باسا ءمان بەرىپ، روتا - اترەتتەگى پارتيا مۇشەلەرىن سالا، ساتى بويىنشا باسقارۋ ءادىسى جونىندە بەلسەندى ىزدەنىس جاسادى. 3 جىلدان بەرى، 51 - پولك جالپى 200دەن استام پارتيا بەلسەندىلەرىن باۋلىپ، پارتياعا 106 مۇشە قابىلدادى.

2014 - جىلى 51 - پولك 6 ميلليون يۋان قارجى شىعارىپ، 10 - روتا، 12 - روتا، 13 - روتادان قۇرالعان قالا - قالاشىق جاراسىمدى الەۋمەتتىك اۋماعىن قۇردى. رولى جاعىندا «2 باعىتتا» قىزمەت وتەپ، بايلىقتان بىرگە يگىلىكتەندى. كولەمى جاعىندا «ەكى جاقتىلى» باسقارىپ، ءتۇزىلىستى وزگەرتپەدى، مەحانيزم جاعىندا پارتيا قۇرىلىسىن «بىرگە قۇرىپ»، ۇتىمدى ارناعا ءتۇسىردى، بۇرىنعى روتا - اترەت پارتيا ياچەيكالارى مەن كادرلار قوسىنىن وزگەرتپەي ساقتاپ، «بىتىراڭقى قونىستانۋ، جۇمىستى شوعىرلى ىستەۋ، ءبولۋ، بىرىكتىرۋ» دەي تىڭ جاعداي قالىپتاستىردى.

حالىق تۇرمىسىنا تيىمدىلىك جاساپ، كاسىپتەنۋدى جەبەپ، نەگىزگى ساتىداعى ءار ۇلت بۇقارا ءۇشىن قىزمەت ەتتى

پولك - الاڭنىڭ جەرى از، ادامى كوپ بولۋ، از ۇلت بۇقاراسىنىڭ كاسىپتەنۋى قيىنعا ءتۇسۋ جاعدايىن قايتكەندە شەشۋگە بولادى؟ نۇرمامەت ماحات بۇرىنعى اۋىل شارۋاشىلىعى ارقىلى كاسىپتەنۋدى جەبەۋدەي كونە كوزقاراسقا بۇرىلىس جاساپ، كاسىپتەنۋدىڭ جاڭا جولىن بەلسەنە قاراستىردى. 2014 - جىلى 51 - پولك «قوس 3000» سىندى كىرىستى ارتتىرۋ، كاسىپتەندىرۋ جوسپارىن اتقارىپ، كوكونىس جىلىجايىن سالۋ، كىلەم توقۋ فابريكاسىن اشۋ، ەڭبەككۇش شىعارۋ سياقتى تاسىلدەرمەن، 3000 كەدەي وتباسىنىڭ كىرىسىن 3 جىلدا ارتتىرۋ شاراسىن قولدانىپ، 3000 جاس جانە ورتا جاستاعىلاردى باسقا كاسىپكە ويىستىرىپ، كاسىپتەندىردى.

2014 - جىلى تامىزدا 2015 - جىلى قاڭتاردا، 51 - پولكتەگى از ۇلت ارتىق ەڭبەككۇشتەرىنەن 2 توپتا 113 ادامدى گۋاڭدۇڭ ولكەسىنىڭ دۇڭگۋان قالاسىنداعى لۇجوۋ اياق كيىم كاسىبى شەكتى سەرىكتەستىگىنە جۇمىسقا ورنالاستىردى، سونداي - اق زاۆودقا كادر ورنالاستىرىپ زاۆودتىڭ باسقارۋ جۇمىسىنا سايكەستى. وسى جاس جانە ورتا جاستاعى از ۇلت جۇمىسشىلارى كاسىپورىندا جۇمىسقا ورنالاسقاننان كەيىن، ۇيىمشاڭدىقتارى مەن تارتىپشەڭدىكتەرى كۇشەيىپ، حانزۋ ءتىلى ورەسى مەن مادەنيەت ساپاسى جوعارىلادى. نۇرمامەت ماحات پولك - الاڭنىڭ امالياتىنا ۇيلەسەتىن ارتىق ەڭبەككۇشتى ويىستىرۋدىڭ تىڭ جولىن تاۋىپ، بيىل جانە كەلەر جىلى ارتىق ەڭبەككۇشتەردەن تاعى 2000ىن وزگە سالاعا ويىستىرۋدى العا قويدى، مۇندا 2017 - جىلى 1096 ادام، 2018 - جىلى 1030 ادام وزگە سالاعا ويىستىرىلادى.

2012 - جىلدان قازىرگە دەيىن، 51 - پولك جالپى ءبىر ميلليارد 118 ميلليون يۋان قارجى شىعارىپ، قامتاماسىزداندىرۋ سيپاتىندا (ارزان باعادا مايعا بەرىلەتىن ءۇي) 10412 تۇرعىن ءۇي سالدى، جەر اۋدانى 922 مىڭ 200 شارشى مەتر. 130 ميلليون يۋان قارجى شىعارىپ، قوعامدىق ىستەردى دامىتۋعا جۇمسادى، مەكتەپ، شيپاحانالاردى ۇزدىكسىز كەڭەيتتى، سونىمەن قاتار ءبىر ميلليون 200 مىڭ يۋان قارجى توپتاپ بيڭتۋان 3 - ديۆيزياسىنان تۇڭعىش قارتتار كۇتىمحاناسىن سالدى.

نەگىزدى بەكەمدەپ، ورنىقتىلىقتى ساقتاپ، قوعام ورنىقتىلىعىن قورعادى

ورنىقتىلىق − دامۋدىڭ العى شارتى جانە نەگىزى. نۇرمامەت ماحاتتىڭ جەتەكشىلىگىندە، 51 - پولكتا جوعارىدان تومەنگە دەيىن باس نىسانانى مىقتاپ ارقاۋ ەتىپ، نەگىزدى ۇزدىكسىز بەكەمدەپ، قوعام ورنىقتىلىعىن قورعادى.

يدەولوگيا سالاسىندا بولشەكتەۋشىلىككە قارسى تۇرۋداي كەزەكتەگى قاتاڭ جاعدايعا مەڭزەس، 51 - پولك ۇگىت، ساياسي - زاڭ، ايەلدەر بىرلەستىگى، كوممۋنيستىك جاستار وداعى، بىرلىكساپ، ءدىن ىستەرى، ساقشى بولىمشەلەرى سياقتى تاراۋلاردى ورنىقتىلىقتى قورعاۋ اۋماعىنا ەنگىزىپ، بەلگىلى مەرزىمدە جاعدايدان مالىمەت بەرۋ ءماجىلىسىن اشىپ، قىزمەتكە تالداۋ جاساپ، اقىلداسىپ، ورنالاستىرىپ، «ۇشقارىلىقتى الاستاۋ» قىزمەتىنىڭ ناقتى تياناقتاندىرىلۋى مەن ءونىمدى بولۋىنا شىنايى كەپىلدىك ەتتى.

نۇرمامەت ماحات بيڭتۋان پارتكومنىڭ قاتىستى تالاپتارىنا ساي، دارىندىلار جانە حالىق جاساعى ارتقى شەپ بازاسىن قۇردى. 51 - پولك تولىق ورتادان جوعارى ماعلۇماتقا يە جاستاردان ۇيىمداسقان جاستار روتاسىن قۇرىپ، 150 جاستى كاسىپتەندىردى. جاتتىعۋ ارقىلى، كاسىپ كۇتىپ جۇرگەن جاستار «قوس ءتىل» بىلەتىن، تەحنيكادان حابارلى، مادەنيەتتى، قابىلەتتى، ساياسيدى دارىپتەيتىن بيڭتۋاننىڭ تىڭ جاساقتارى بولىپ جەتىلدى.

«ءبىز 51 - پولكتەگى ءار ۇلت بۇقاراسىنا جەتەكشىلىك ەتىپ، پارتيانىڭ سوزىنە قۇلاق اسىپ، پارتياعا العىس ايتىپ، پارتياعا ىلەسەمىز»، - دەدى نۇرمامەت ماحات. سول ءۇشىن 51 - پولك شەبەرلىككە باۋلۋ كۋرسىن اشىپ، از ۇلت كادرلارى مەن حانزۋ كادرلارىن كەزەكپەن مىندەتكە قويۋ، كادرلاردى كەدەي وتباسىلارىنا جاۋاپتاندىرۋ سياقتى شارالار اتقارىپ، جۇرت تىلەگىن ونان ارى توعىستىرىپ، پارتيا مەن بۇقارانىڭ، كادرلار مەن بۇقارانىڭ بايلانىسىن ونان ارى نىعايتتى.