مۇراتقان مەسەيقان ۇلى
ەلەسىڭدى ەستەن شىعارسام . . .
جولىمىز نەگە كۇدىر بوپ كەتتى ەركە قىز،
جازمىشتان الدە تابىستىق پا ەكەن ەرتە ءبىز .
ماحاببات گۇلىن قۋارتىپ الدىق ابايسىز،
گۇل باعىمىزعا مەزگىلسىز كەلىپ ەرتە كۇز .
ساعىنىش بولىپ ساناما سىڭگەن سارى قىز،
بىرگە ەمەس پە ەدى شىعاردا ءبىزدىڭ جانىمىز .
سونان دا بولار كۇن كەشىپ ايتەۋ كەلەمىز،
قوسىلا دا الماي،قوشتاسا دا الماي ءالى ءبىز .
سۇيگەنىم ەدىڭ ال بۇگىن بولدىڭ قۇربى قىز،
قۇربى قىز قازىر ەكەۋىمىزدە مۇڭلىمىز .
ءومىر جولىنان تالداپ الىپپىز ءبىر-ءبىر ىز،
تومپەشكە بالاپ ماحاببات سىندى شىڭدى ءبىز .
ەكى باعىتقا جول العانمەنەن قالقام ءبىز،
تۇسىمدە سەنى كورىپ كەلەمىن ءار تاڭ جۇز .
اش ءبورى كوڭىل كەزىپ كەتەدى سەن جاققا،
بورىدەي ءبىراق قالدىرعان جوقپىن ءار تاۋعا ىز .
سەنى كورۋگە قينالا تۇرىپ قۇمارتام،
مازالا مەنى تۇسىمە كىرىپ جۇر ءار تاڭ .
جۇرەگىم سوقپاي قالا ما بالكىم كىم ءبىلسىن،
ەگەردە سەنىڭ ەلەسىڭدى ەستەن شىعارسام .
加载评论内容,请稍等......