− باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ءسوزىنىڭ　 رۋحىن ىشكەرىلەي ۇيرەنۋ، دايەكتىلەندىرۋ، تياناقتاندىرۋ جونىندە (5)

　پارتيانىڭ 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى كەدەيلەردى سۇيەمەلدەۋ، وركەندەتۋ قىزمەتىنە باسا ءمان بەرىپ، كەدەيلەردى سۇيەمەلدەۋ، وركەندەتۋ ءىسىن «ءتورتتى جاپپاي ورىنداۋ» ستراتەگيالىق ورنالاستىرۋىنا ەنگىزىپ، ءبىرىنشى 100 جىلدىق كۇرەس نىساناسىنداعى ماڭىزدى قىزمەتتەردىڭ ءبىرى رەتىندە كورنەكتى ورىنعا قويىپ ىلگەرىلەتتى. 

شينجياڭدا كەدەيلەردىڭ سانى كوپ، كەدەيلىك دارەجەسى تەرەڭ، كەدەيلىكتەن قۇتىلدىرۋدان قامال الۋدىڭ مەملەكەت بويىنشا نەگىزگى مايدانىنىڭ ءبىرى. باس شۋجي شي جينپيڭ مەملەكەتتىك 12 - كەزەكتى حالىق قۇرىلتايىنىڭ 5 - ماجىلىسىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى جاپپاي تياناقتاندىرىپ، وڭتۇستىك شينجياڭدى كەدەيلىكتەن قۇتىلدىرۋدان قامال الۋدىڭ نەگىزگى شايقاس مايدانى ەتىپ، اۋىل - قىستاقتاردىڭ بەيقۇت ۇيلەرى جانە مالشىلاردى وتىرىقتاندىرۋ ينجەنەريالارىن، قالا - قالاشىقتارداعى قول جەتىمدى بەيقۇت ءۇي ينجەنەرياسىن ويداعىداي اتقارىپ، ەگىن، مال شارۋاشىلىق وڭىرلەرى مەن شەكارالىق وڭىرلەردىڭ نەگىزگى الەۋمەتتىك قىزمەت كورسەتۋ جۇيەسىن كەمەلدەندىرىپ، ءار ۇلت حالقىن ءتىپتى جاقسى تۇرمىسقا كەنەلتۋ ءۇشىن قۇلشىنۋ قاجەتتىلىگىن باسا دارىپتەدى. 

باس شۋجيدىڭ قامقور كوڭىلدەن شىققان ماعىنالى ءسوزى اۆتونوميالى رايوننىڭ كەدەيلىكتەن قۇتىلدىرۋدان قامال الۋ ىستەرىنە قۋاتتى رۋحاني كۇش بەردى. وتكەن بىرنەشە جىلدا، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، اۆتونوميالى رايونداعى ءار دارەجەلى پارتكوم مەن ۇكىمەتتەر ورتالىق كوميتەتتىڭ كەدەيلىكتەن قۇتىلدىرۋدان قامال الۋ شايقاسى جونىندەگى شەشىم - ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، كەدەيلىكتەن قۇتىلدىرۋدان قامال الۋدى ماڭىزدى ساياسي مىندەت جانە ءبىرىنشى حالىق تۇرمىسى ينجەنەرياسى رەتىندە جوبالاپ، ىلگەرىلەتىپ، كەدەيلىكتەن قۇتىلدىرۋدان قامال الۋ شايقاسىن جەڭىستى جۇرگىزۋدىڭ اتوي دابىلىن قاقتى.

ۇسىنىلىمدى مولايتىپ، كەدەيلىكتەن قۇتىلدىرۋدان قامال الۋدىڭ ولقىلىقتارىن تولىقتىردى

وڭتۇستىك شينجياڭداعى 3 ايماق، ءبىر وبلىستىڭ ەكولوگيالىق ورتاسى نازىك، ەكونوميكالىق، قوعامدىق دامۋ دەڭگەيى تومەن، شينجياڭ، ءتىپتى، مەملەكەت بويىنشا كەدەيلەردى سۇيەمەلدەۋ، وركەندەتۋ قىزمەتىندەگى ەڭ اۋىر قيىنشىلىقتاردىڭ ءبىرى. پارتيا ورتالىق كوميتەتى مەن مەملەكەتتىك كەڭەس وڭتۇستىك شينجياڭ قىزمەتىنە ەجەلدەن باسا ءمان بەرىپ كەلەدى، اسىرەسە، ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە وڭتۇستىك شينجياڭنىڭ دامۋىنا ەرەكشە شارالار ارقىلى قولداۋ كورسەتۋ ايقىن اتاپ كورسەتىلدى. ج ك پ اۆتونوميالى رايوندىق 9 - قۇرىلتايىندا دا وڭتۇستىك شينجياڭنىڭ ولقىلىقتارىن تولىقتىرىپ، وڭتۇستىك - سولتۇستىك شينجياڭنىڭ پارقىن ازايتۋ انىق باسا دارىپتەلدى. 

3 جىلدان بەرى، بۇكىل ەلدىڭ، بۇكىل شينجياڭنىڭ كۇشى جۇمىلدىرىلعان سۇيەمەلدەۋ - كومەكتەسۋ ارەكەتى وسى جەردە شوعىرلى تۇردە قانات جايدىرىلدى: قازىنادان اۋىستىرىپ تولەۋدىڭ تەبىنى ارتتىرىلدى، توقىماشىلىق جانە كيىم - كەشەك ونەركاسىبىنىڭ دامۋىنا قولداۋ كورسەتىلدى، بەيقۇت ءۇي سالىپ، حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ جانە قالا - قالاشىقتارداعى قول جەتىمدى تۇرعىن ۇيلەر ينجەنەريالارى بويىنشا ءبىر ميلليون 650 مىڭنان كوبىرەك ءۇي سالىندى، دەنساۋلىقتى تەگىن تەكسەرۋدىڭ قامتىمى 0كە جەتتى، قالا، اۋىل تۇرعىندارىنىڭ زەينەتكەرلىك، قالا - قالاشىق تۇرعىندارىنىڭ نەگىزدىك زەينەتكەرلىك، نەگىزدىك ەمدەلۋ جانە جۇمىسسىزدىق قامسىزداندىرۋلارى قامسىزداندىرىلۋعا ءتيىستى ادامدى نەگىزىنەن تولىق قامتىدى، قالا، اۋىل تۇرعىندارىنىڭ نەگىزدىك زەينەتكەرلىك قامسىزداندىرۋىنا قاتىسۋ مولشەرى %95تىڭ ۇستىنە كوتەرىلدى... سۇيىسپەنشىلىككە، مەيىر - شاپاعاتقا تولى حالىققا تيىمدىلىك جاساۋ ساياساتتارى وڭتۇستىك شينجياڭدا شوعىرلى تۇردە اتقارىلدى. 

بۇگىنگى كۇندە، اۆتونوميالى رايونىمىزداعى كاسىپ، سالا، تاراۋلار وڭتۇستىك شينجياڭداعى 3 ايماق، ءبىر وبلىسقا كومەكتەسۋدىڭ ارناۋلى جوباسىن جانە كەدەيلىكتەن قۇتىلدىرۋدان قامال الۋ جوباسىن ازىرلەدى، سولتۇستىك شينجياڭداعى ەكونوميكاسى مىقتى 30 اۋدان (قالا، رايون) مەن مەملەكەت دارەجەلى 3 ەكونوميكالىق اشۋ رايونى وڭتۇستىك شينجياڭنىڭ 3 ايماق، ءبىر وبلىسىنداعى 27 كەدەي اۋدانمەن (قالا) كەدەيلەردى سۇيەمەلدەۋ بويىنشا بىرلەسكەن مەحانيزم ورناتتى، وڭتۇستىك شينجياڭنىڭ 3 ايماق، ءبىر وبلىسىنداعى «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇراتىن قىزمەت اترەتتەرىنىڭ كەدەيلەردى دالمە - ءدال سۇيەمەلدەۋ جاۋاپكەرشىلىگى ايقىندالدى ءارى تياناقتاندىرىلدى، قوعامدىق كۇشتەر ارقىلى كەدەيلەردى سۇيەمەلدەۋ بايلىقتارىن ءتۇيىندى تۇردە وڭتۇستىك شينجياڭداعى 3 ايماق، ءبىر وبلىسقا بەيىمدەۋ، اۆتونوميالى رايوننىڭ حالىق تۇرمىسى شىعىستارىن وڭتۇستىك شينجياڭداعى 3 ايماق، ءبىر وبلىسقا ءتىپتى كوپ بەيىمدەۋ سياقتى ساياساتتار شىعارىلدى، بۇكىل قوعام وڭتۇستىك شينجياڭدى نازارعا الىپ، ءار جاقتى كۇش وڭتۇستىك شينجياڭنىڭ كەدەيلىكتەن قۇتىلدىرۋدان قامال الۋىنا جۇمىلدىرىلعان جاعداي قالىپتاسۋ ۇستىندە. 

اۆتونوميالى رايوندىق كەدەيلەردى سۇيەمەلدەۋ قىزمەتىنە باسشىلىق ەتۋ كەڭسەسىنىڭ ساندى دەرەكتەرى كورسەتكەندەي، 2013 - جىلدان 2016 - جىلعا دەيىن، اۆتونوميالى رايون بويىنشا كەدەيلەردى سۇيەمەلدەۋگە قازىنادان 21 ميلليارد 930 ميلليون يۋان ارنايى قارجى بولىنگەن. 3 جىلدان بەرى، اۆتونوميالى رايونداعى كەدەي قىستاقتاردىڭ %71ىندە مەكتەپكە دەيىنگى «قوس ءتىلدى» تاربيە ورىندارى، %68ىندە ەمحانا قۇرىلىپ، 31 مىڭ 600 كەدەي وتباسىن ەمدەۋمەن قامتاماسىز ەتۋ ماسەلەسى شەشىلدى، قالا، اۋىل ءبىر تۇتاس جوسپارلانعان، جالپى حالىقتى قامتىعان نەگىزدىك زەينەتكەرلىك قامسىزداندىرۋى مەن نەگىزدىك ەمدەلۋ قامسىزداندىرۋ ءتۇزىمى ورناتىلدى، كەدەي حالىقتىڭ اۋىل - قىستاق جاڭاشا سەلبەسىپ ەمدەلۋىنە قاتىناسۋ مولشەرى0كە، سالماقتى اۋرۋلار بويىنشا قامسىزداندىرۋدى ساتىپ الۋ مولشەرى 0كە جەتتى. ءتىپتى كوپ كەدەي كەدەيلىك مالاقايىن سىپىرىپ تاستاپ، باقىتتى تۇرمىس كەشە باستادى. 

　كەدەيلەردى دالمە - ءدال سۇيەمەلدەپ، كەدەيلىكتەن قۇتىلدىرۋدان قامال الۋدىڭ ناقتى ونىمدىلىگىن جوعارىلاتتى

شي جينپيڭ ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، كەدەيلەردى سۇيەمەلدەۋ بويىنشا قارجىلىق ۇسىنىلىم تەبىنىن كۇشەيتىپ، ەگىن، مال شارۋاشىلىق وڭىرلەرىنە، شەكارالىق وڭىرلەرگە، ەرەكشە قيىنشىلىعى بار ادامدارعا ءتۇيىندى تۇردە بەيىمدەلىپ، كەدەيلەردى دالمە - ءدال سۇيەمەلدەۋ مەحانيزمىن ورناتىپ، كەدەيلەردى ءتۇيىندى، تۇبەگەيلى تۇردە وتباسىندا سۇيەمەلدەۋدى اتاپ كورسەتكەن بولاتىن. وڭتۇستىك شينجياڭنىڭ دامۋى جونىندە، مەملەكەتتىك دارەجەدە جوعارى دەڭگەيلى جوبا جاساپ، ەرەكشە ساياسات قولدانىپ، قالىپتاسقان قاعيدالاردى تالقانداپ، ەرەكشە ىستەردى ەرەكشە تىندىرۋ كەرەك. 

جىل باسىنان بەرى، ياركەن اۋدانى تاعارچى اۋىلى قۇمارىق قىستاعىنىڭ تۇرعىنى ناسىر وسماننىڭ وتباسىندا ەلەۋلى وزگەرىس بولدى، اۋلاسىنىڭ ءبىر بۇرىشىنان سالىنعان قوي قورا ناسىر وسماننىڭ كەدەيلىكتەن قۇتىلىپ، اۋقاتتانۋعا بەت بۇرۋىنا ءۇمىت شۋاعىن شاشتى. «جىل باسىندا قىستاق قوي بەرگەن بولاتىن، بيىل مەن قوي ءوسىرۋ ارقىلى تابىسىمدى مولايتىپ، ەرتەرەك كەدەيلىكتەن قۇتىلۋعا قۇلشىنامىن»، - دەدى ناسىر وسمان. 

ياركەن اۋداندىق كەدەيلەردى سۇيەمەلدەۋ قىزمەتىنە باسشىلىق ەتۋ كەڭسەسىنىڭ مەڭگەرۋشىسى جۇي بىنچۋاننىڭ ايتۋىنشا، 2016 - جىلى ياركەن اۋدانىنداعى اۋىل - قالاشىقتار اۋلالاردان اۋدانى 2799 شارشى مەترگە جەتەتىن 4052 شاعىن كۇمبەزدى جىلىجاي سالدىردى، «ادام مەن مالدىڭ اراسى بولىنگەن» باعىمشىلىق الاڭى مەن سەلبەستىك كووپەراتيۆىنەن 202سىن قۇردى، جىلى قورانىڭ اۋدانى 305 مىڭ 200 شارشى مەترگە جەتتى، 48 شارۋالار شاتتىعى ساياجايى تۇگەلدەي پايدا تابا باستادى. ياركەن اۋدانى ەگىنشىلەردىڭ ەركىنە تولىق قۇرمەت ەتە وتىرىپ، ءتۇرلى دامۋ ۇلگىسىن قولدانۋ ارقىلى، ەگىنشىلەردى اۋلادان قولونەر شەبەرحاناسى، كەستەشىلىك كووپەراتيۆى سياقتىلاردى اشۋعا ىنتالاندىرىپ، شاعىن اۋلانى كەدەيلىكتەن قۇتىلدىرۋدان قامال الۋدىڭ كەڭ ورىسىنە اينالدىردى. 

سوڭعى جىلدارى، اۆتونوميالى رايونىمىز وبيەكتىنى تانۋ، نىسانداردى ورنالاستىرۋ، قارجىنى پايدالانۋ، شارالاردى وتباسىنا دەيىن تياناقتاندىرۋ، قىستاقتارعا دەيىن ادام جىبەرۋ، كەدەيلىكتەن قۇتىلدىرۋدان ناقتى ناتيجەگە جەتۋ سياقتى «6 جاققا دالمە - ءدال كۇش سالۋ» جاعىندا كەشەندى شارالار قولدانىپ، دالمە - دالدىكتى كەدەيلەردى سۇيەمەلدەۋ قىزمەتىنىڭ تۇتاس تىزبەگىمەن ساباقتاستىرىپ، كەدەيلەردى سۇيەمەلدەۋ بويىنشا كوزبوياۋشىلىق جاساۋدان، سيفرلاردى ويدان جاساۋدان ساقتاندى. 

اۆتونوميالى رايون 2016 - جىلدى «ارحيۆكە كىرگىزىلىپ، كارتچكا بەرىپ، دالمە - ءدال پارىقتاۋ جىلى» دەپ ۇيعارىپ، جاپپاي تەكسەرۋ، دالمە - ءدال تەكسەرۋ، ايقاسپالى تەكسەرۋ ارقىلى ءىرى دەرەكتەر بويىنشا ىزدەۋدى جولعا قويدى، ءسويتىپ، شينجياڭ بويىنشا كەدەي حالىقتى پارىقتاۋدىڭ دالدىگى %95.92تىڭ ۇستىنە شىقتى. وسى نەگىزدە، رەفورما جوبالارىن قاراپ - بەكىتۋ جانە قارجى ورنالاستىرۋ تاسىلدەرى ارقىلى، قازىنالىق ارناۋلى سۇيەمەل قاراجاتتى اۋدان - قالاعا تولىعىمەن توتە اۋدارىپ، نىسانداردىڭ قاجەتكە ۇيلەسۋى مەن قارجىنىڭ دالمە - ءدال پايدالانىلۋىن ىلگەرىلەتتى. 

كەدەيلىكتەن قۇتىلدىرۋدان قامال الۋدىڭ ناقتى ناتيجەسىن كورنەكتىلەندىرىپ، ناتيجەنىڭ شىن مانىندەگى دالدىگىن ىسكە اسىرۋ ءۇشىن، اۆتونوميالى رايون كەدەيلىك مالاقايى الىنباقشى بولعان 7 اۋدان مەن كەدەيلىك تىزىمىنەن شىعارىلاتىن 1286 قىستاق، ءبىر ميلليون 390 مىڭ كەدەي حالىقتى كەدەيلىكتەن قۇتىلدىرۋ بويىنشا قاتاڭ تۇردە تەكسەرىپ وتكىزىپ الىپ، كەدەيلىكتەن قۇتىلدىرۋ ساپاسىنىڭ ورنىقتىلىعىنا كەپىلدىك ەتتى. 

2016 - جىلدىڭ سوڭىنا دەيىن، تۇتاس رايونىمىزداعى ارحيۆگە كىرگىزىلىپ، كارتچكا بەرىلگەن كەدەيلەر سانى 2013 - جىلدىڭ سوڭىنداعى 2 ميلليون 610 مىڭ ادامنان ءبىر ميلليون 220 مىڭ ادامعا ازايدى، 35 كەدەي اۋدانداعى اۋىل - قىستاق تۇرعىندارىنىڭ ادام باسىنا تۋرا كەلەتىن قولداعى تابىسى 8055 يۋانعا جەتىپ، 2012 - جىلعىدان 2965 يۋان ارتتى، جىلدىق ورتاشا ارتۋى .2 بولدى، وڭتۇستىك شينجياڭنىڭ 3 ايماق، ءبىر وبلىسىنداعى اۋىل - قىستاق تۇرعىندارىنىڭ ادام باسىنا تۋرا كەلەتىن قولداعى تابىسى 7868 يۋانعا جەتىپ، 2012 - جىلداعىدان 3066 يۋان ارتتى، جىلدىق ورتاشا ارتۋى %1.13 بولدى.

باياندى مەحانيزم ورناتىپ، كەدەيلەردى سۇيەمەلدەۋدىڭ «قان جاساۋ» قۋاتىن جەتىلدىردى

تاياۋدا چاقىلىق اۋدانىنىڭ ۋاششارى قالاشىعىنداعى تاسساي جۇمىستاندىرۋ بازاسىنا بارعانىمىزدا وسى ارادا شىلان اعاشىن بۇتاۋ تەحنيكاسىن ۇيرەنىپ جاتقان حوتان قالاسى لاسكۇي قالاشىعىنىڭ ديقانى ازەز ءباردىنى كەزدەستىردىك، قىسقا مەرزىمدىك كۋرسقا قاتىناسقان 39 جاستاعى ول وسى زامانعى اۋىل شارۋاشىلىعى وندىرىسىنەن پايدالانا الاتىن جاڭاشا ديقانعا رەسمي اينالعان، ونىڭ جىلدىق كىرىسى دە بارىنشا جوعارىلاعان.

ول بىلاي دەدى: حوتانداعى اۋىلداستارىمنىڭ ادام باسىنا تۋرا كەلەتىن ەگىستىك جەر اۋدانى 3.1 مۋعا جەتپەيدى، ادام كوپ، جەر از، تۇرمىسىمىز ەرەكشە جۇپىنى. قازىر ءوزىم چاقىلىق اۋدانىنىڭ شىلان ءوندىرۋ، وڭدەۋ كاسىپورنىمەن سەلبەستىك ورناتتىم، سەرىكتەرىممەن بىرگە 180 مۋ جەردەگى شىلان اعاشىن باپتاۋ جۇمىسىنا جاۋاپتى بولدىم، ءار جىلى اتىزدا 8 اي قىزمەت ىستەيمىن، كىرىسىم 40 مىڭ يۋانعا تايايدى، باسقا ۋاقىتتاردا سىرتقا شىعىپ جۇمىس ىستەيتىن بولسام، جىلدىق كىرىسىم 40 مىڭ يۋاننان اسىپ كەتەدى.

ج ك پ اۆتونوميالى رايوندىق 9 - قۇرىلتايىنان بەرى، تۇتاس رايونىمىزدىڭ اۋىل - قىستاقتارىنداعى ارتىق ەڭبەككۇشتەردى باسقا سالاعا ويىستىرىپ جۇمىستاندىرۋ قىزمەتى كورنەكتى ورىنعا قويىلدى. وڭتۇستىك شينجياڭنىڭ 3 ايماق، ءبىر وبلىسىن ءتۇيىندى رايون، جاقىن ماڭنان جۇمىستاندىرۋدى نەگىزگى ءتاسىل ەتىپ، اۋىل - قىستاقتارداعى ارتىق ەڭبەككۇشتەردىڭ جۇمىستانۋىن كوپ ارنا، كوپ ءتاسىل ارقىلى ىلگەرىلەتۋدىڭ ارقاسىندا، تۇتاس رايونىمىز ىلگەرىندى - كەيىندى وڭتۇستىك شينجياڭنىڭ قالا، اۋىلدارىنداعى 5000 ارتىق ەڭبەككۇشتى سولتۇستىك شينجياڭدا، شىعىس شينجياڭدا ورتا تازالىعى جۇمىسىن ىستەۋگە، 10 مىڭ ادامدى مەملەكەت مەنشىگىندەگى كاسىپورىنداردا قىزمەت ىستەۋگە ۇيىمداستىرىپ، «6 ءبىر توپتى» ارنا ەتكەن، 3 جىلدا 100 مىڭ ادامدى شينجياڭ كولەمىندە باسقا سالاعا ويىستىرىپ جۇمىستاندىرۋ قىزمەتىن اتقارىپ، اۋىل - قىستاقتارداعى ارتىق ەڭبەككۇشتەردىڭ جۇمىس ىستەپ اقشا تابۋىنا مۇمكىندىك جاراتۋعا كۇش سالدى.

كەدەيلىكتىڭ تامىرىنا بالتا شاۋىپ، «قان جاساۋ» قۋاتىن جەتىلدىرۋ ءۇشىن، 3 جىلدان بەرى، اۆتونوميالى رايون جەتەكشى كاسىپتەردى جەتىلدىرۋدى وڭتۇستىك شينجياڭنىڭ ەكونوميكاسىنىڭ دامۋىن، حالىق تۇرمىسىنىڭ جاقسارۋىن، قوعامنىڭ ورنىقتىلىعىن ىلگەرىلەتۋدەگى نەگىزگى كۇش سالۋ باعىتى ەتىپ، وزگەشە باسىمدىققا يە كاسىپتەردى كۇش سالا جەتىلدىردى. توقىماشىلىق، كيىم - كەشەك كاسىبىن مىسالعا الار بولساق، اۆتونوميالى رايوندىق دامۋ جانە رەفورما كوميتەتىنىڭ ساندى مالىمەتىندە كورسەتىلگەندەي، 3 جىلدان بەرى ورتالىق پەن اۆتونوميالى رايوننان 2 ميلليارد 752 ميلليون يۋان ارناۋلى قارجى ورنالاستىرىلىپ، توقىماشىلىق، كيىم - كەشەك كاسىبىنىڭ تۇراقتى مۇلكىنە 24 ميلليارد 617 ميلليون يۋان قارجى قوسۋعا جەتەكشىلىك ەتىلگەن. 3 جىلدا وڭتۇستىك شينجياڭدا توقىماشىلىق، كيىم - كەشەك كاسىپورىندارىنان جاڭادان 884ى قوسىلىپ، بۇكىل شينجياڭدا جاڭادان قوسىلعان توقىماشىلىق، كيىم - كەشەك كاسىپورىندارى سانىنىڭ %58ىن ۇستادى؛ جاڭادان 132 مىڭ 500 ادام كاسىپتەندىرىلدى، بۇل بۇكىل شينجياڭداعى توقىماشىلىق، كيىم - كەشەك كاسىبىندە جاڭادان كاسىپتەندىرىلگەندەردىڭ %53.4ۇستايدى.

كەدەيلىكتەن قۇتىلدىرۋدان قامال الۋ شايقاسىنىڭ اتوي دابىلى قاعىلدى، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسكە قول جەتكىزۋ كەزەڭىنە، كەدەيلىكتەن قۇتىلدىرۋدان قامال الۋدىڭ كۇش سالۋ كەزەڭىنە اياق باسقان ساتتە، تۇتاس رايونىمىزدىڭ جەر - جەرى كەدەيلىكتەن قۇتىلدىرۋدان قامال الۋ قىزمەتىنىڭ ىشكەرىلەي دامۋىن ۋاقىت كۇتىپ تۇرمايدى دەگەن كوكەي تەستىلىك سەزىممەن ىلگەرىلەتتى. تۇتاس رايونىمىزداعى ءار دارەجەلى پارتكومداردىڭ، ۇكىمەتتەردىڭ قۇلشىنۋىندا، رايونىمىز كەدەيلىكتەن قۇتىلدىرۋدان قامال الۋ قىزمەتىندە بىردە - ءبىر كەدەي ءوڭىردى، بىردە - ءبىر كەدەي بۇقارانى قاعىس قالدىرماي، ءسوز جوق، حالىق رازى بولاتىنداي جاۋاپ قايتاراتىن بولادى.

كەلۋ قاينارى : شينجياڭ گازەتىنەن