شينجياڭ جۇڭتاي (توبى) شەكتى سەرىكتەستىگى ساتىپ العان اعاش قويمالجىڭى شيكىزاتىن تولتىرا تيەپ گەرمانيانىڭ دۇيسبۇرگ قالاسىنان جولعا شىققان كەزەكشى پويەز 16 - مامىر كۇنى جۇڭگو - ەۆروپا كەزەكشى پويەزىنىڭ جينالۋ ورتالىعىنا (تومەندە قىسقاشا جينالۋ ورتالىعى دەپ اتالادى) جەتتى. سودان كەيىن، اتاۋلى سەرىكتەستىك وندىرگەن pvc ءونىمى ۇرىمجىدە كەدەن، تەكسەرۋ - كارانتيندەۋ راسمياتىن ءبىر جولاتا ءبىتىرىپ، تاس جول، تەمىر جول، تەڭىز جولى بىرلەسپە تاسىمالى ارقىلى ءۇندىستان سياقتى وڭتۇستىك ازيا ەلدەرىنە جەتكىزىلدى. ءساۋىر ايىنا دەيىن جينالۋ ورتالىعىنان بيىلدىڭ وزىندە جۇڭگو - ەۆروپا كەزەكشى پويەزىنەن 150 پويەز قاتىنادى.

جۇڭگو - ەۆروپا كەزەكشى پويەزىنىڭ ءجيى قاتىناۋىنا جۇڭگونىڭ «ءبىر بەلدەۋ، ءبىر جول» بويىنداعى ەلدەرمەن ەكونوميكا - ساۋدا سەلبەستىگىنىڭ ۇزدىكسىز تەرەڭدەۋ جاعدايى ارقاۋ بولعان. جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭدا ساۋدا، زات جەتكىزۋ ورتالىعىنىڭ قۇرىلىسى «سىرتقا ەسىك اشۋ جولىنىڭ» جەتەكشىلىگىندە جاڭا دامۋ ورايىنا كەنەلدى.

ساۋدا، زات جەتكىزۋ ورتالىعىنىڭ قۇرىلىسى تەز دامۋ ارناسىنا قادام باستى

2017 - جىلدىڭ باسىندا، اۆتونوميالى رايون «جىبەك جولى ەكونوميكالىق بەلدەۋى وزەكتى رايونى ساۋدا، زات جەتكىزۋ ورتالىعىنىڭ قۇرىلىس جوباسىن(2016 - جىلدان 2030 - جىلعا دەيىن)» (قىسقاشا جوبا دەپ اتالادى) رەسمي باسىپ تاراتىپ، رايونىمىزدىڭ ساۋدا، زات جەتكىزۋ ورتالىعى قۇرىلىسىنىڭ دامۋ ستراتەگياسى جانە نىساناسى، كەڭىستىك ورنالاسۋى، جۇيە قۇرىلىسى، ءتۇيىندى ينجەنەرياسى، قامتاماسىزداندىرۋ شاراسى سياقتىلاردى ايقىندادى.

جوباعا نەگىزدەلگەندە، رايونىمىز «ءبىر وزەك، 9 رايون، كوپ ءتۇيىن» ساۋدا، زات جەتكىزۋ ورتالىعى كەڭىستىك جوباسىن جۇزەگە اسىرادى. «ءبىر وزەك» دەگەنىمىز ءۇرىمجى ساۋدا، زات جەتكىزۋ وزەكتى شەڭبەرىن قالىپتاستىرۋدى، «9 رايون» قاشقار - قىزىلسۋ، ىلە - بۇراتالا، قارامايلى - كۇيتۇن - شيحۋ، كورلا، قۇمىل، التاي - بەيتۇن، تارباعاتاي، اقسۋ، حوتان سياقتى 9 ۇلكەن ساۋدا، زات جەتكىزۋ كاسىپ شوعىرى رايونىن ءتۇيىندى قۇرۋدى مەڭزەيدى. «كوپ ءتۇيىن» دەگەنىمىز ءمالىم وڭىرلىك قاتىناس شارت - جاعدايىن جانە ەرەكشە كاسىپ باسىمدىعىن ازىرلەگەن ءتۇيىندى قالا - قالاشىقتارعا سۇيەنە وتىرىپ، ساۋدا، زات جەتكىزۋ ءتۇيىنىن جەتىلدىرىپ جانە قۇرىپ، كوپ ءتۇيىندى سۇيمەندىك جۇيەنى قالىپتاستىرۋدى مەڭزەيدى.

ايبىندى جوبانى ورنالاستىرۋدا ساۋدا، زات جەتكىزۋ ورتالىعى قۇرىلىسىنىڭ بەلگى سيپاتتى ينجەنەرياسى − ءۇرىمجى حالىقارالىق قۇرلىقتىق پورت رايونى قۇرىلىسى جەدەل ىلگەرىلەتىلدى. 2015 - جىلى قاراشادا ءۇرىمجى حالىقارالىق قۇرلىقتىق پورت رايونى نىسانى جاپپاي ىسكە قوسىلدى، ول كوپ ۇلگىدەگى بىرلەسپە تاسىمال كەدەندىك باقىلاۋ - باسقارۋ ورتالىعى، جۇڭگو - ەۆروپا كەزەكشى پويەزىنىڭ جينالۋ ورتالىعى، باگاڭ تاس جول، تەمىر جول بىرلەسپە تاسىمال ورتالىعى، ءۇرىمجى حالىقارالىق اۆياتسيا پورتى سياقتى نىسانداردى قامتيدى. اتاۋلى نىسان قۇرىلعاننان كەيىن، وزەكتى رايوننىڭ قاتىناس تورابى ورتالىعى، ساۋدا، زات جەتكىزۋ ورتالىعى قۇرىلىسىندا نەگىزگى كوتەرىمدىلىك رول اتقارادى.

كەزەكتە كوپ ۇلگىدەگى بىرلەسپە تاسىمال كەدەندىك باقىلاۋ - باسقارۋ ورتالىعى ماڭدايشالىق اسىپ تيجارات جۇرگىزدى، شينجياڭ ەلەكترون وتكەلى رەسمي ىسكە قوسىلدى، ءۇرىمجى تەمىر جول وتكەلى اشىق ۇستالدى.

بيىلدىڭ العاشقى 5 ايىندا، ەل ءىشى - سىرتىنداعى ءىرى تيپتى ساۋدا، زات جەتكىزۋ كاسىپورىندارىنان 30ى ءۇرىمجى حالىقارالىق قۇرلىقتىق پورت رايونىنىڭ جۇڭگو - ەۆروپا كەزەكشى پويەزىنىڭ ءۇرىمجى جينالۋ ورتالىعىنا ىرگە تەپتى. كەزەكتە تۇتاس رايونىمىزدا مەملەكەتتىك A دارەجەلى زات جەتكىزۋ كاسىپورنى 40قا جەتىپ، باتىس سولتۇستىك وڭىردە 2 - ورىندى يەلەدى.

جوباعا ساي، الداعى جەردە رايونىمىز 18 زات جەتكىزۋ باقشا رايونىن، 13 زات جەتكىزۋ ورتالىعىن، 22 ساۋدا بازارى نىسانىن، 11 كەشەندى باجىسىز رايوندى، 3 باجىسىز زات جەتكىزۋ ورتالىعىن جانە 2 شەكارا سىرتى ساۋدا، زات جەتكىزۋ باقشا رايونىن ءتۇيىندى قۇرادى.

حالىقارالىق ەكونوميكا - ساۋدا سەلبەستىگى زات اينالىمى ورتالىعى قۇرىلىسىنا بەرىك نەگىز قالادى

كەزەكتە ەلىمىزدىڭ «ءبىر بەلدەۋ، ءبىر جول» لەنياسى بويىنداعى ەلدەرمەن اراداعى ساۋداسى كۇننەن - كۇنگە جيىلەپ، ساۋدا بارىس - كەلىسى ونان سايىن تەرەڭدەپ، تاۋار اينالىمى قىزمەتىنە اناعۇرلىم كەڭ ءورىس اشىپ بەردى. لەنيا بويىنداعى مەملەكەتتەرمەن جانە وڭىرلەرمەن اراداعى ەكونوميكا - ساۋدا سەلبەستىگى ساۋدا زات اينالىمى ورتالىعى قۇرىلىسىنا بەرىك نەگىز ازىرلەپ بەردى. 

قورعاس جين - ي حالىقارالىق ساۋدا (توبى) شەكتى سەرىكتەستىگىنىڭ القا باستىعى يۇي چىڭجۇڭ سىرتقى ساۋدامەن كوپ اينالىسقان جان، ول قىسقا عانا بىرنەشە جىلدا ەڭ العاشقى جىلدىق تيجارات سوماسى 1000دوللارلىق بولشەك ساتۋ ساۋداگەرىنەن جىلدىق تيجارات سوماسى 260 ميلليون دوللارلىق جەمىس - جيدەك، كوكونىس ەكسپورت ەتەتىن ءىرى ساۋداگەرگە اينالدى. بۇگىن دە ونىڭ تيجارات كولەمى جەمىس - جيدەك، كوكونىس ەكسپورتىمەن عانا شەكتەلىپ قالماي، جەمىس - جيدەك، كوكونىس ەگۋ، ساتىپ الۋ، مانەرلەپ ەكسپورت ەتۋ، حالىقارالىق قامبادا ساقتاۋ زات اينالىمى سياقتى سالالاردى شارپىدى.

يۇي چىڭجۇڭنىڭ تانىستىرۋىنشا، بەرتىنگى بىرنەشە جىلدا بۇل سەرىكتەستىكتىڭ شەتەلدىك كليەنتتەرىنىڭ تاپسىرىسى جىلدان - جىلعا مولايىپ، ونىمدەرى ورتا ازياداعى 5 ەلدە، سونداي - اق رەسەيدە ساتىلعان. يۇي چىڭجۇڭ: سالىستىرمالى تۇردە ايتقاندا، بەرتىنگى 2 جىلدا رەسەيلىك كليەنتتەردىڭ ۇستاعان سالماعى بارىنشا ارتتى، - دەدى.

اۆتونوميالى رايونىمىزدىڭ ساۋدا، زات اينالىمىنىڭ دامۋ ورتاسى ونان ارى كەڭەيدى، كەزەكتە شينجياڭ توڭىرەكتەگى 7 ەلمەن ەكى جاقتى اۆتوكولىك تاسىمال كەلىسىمىنە قول قويىستى. اۆتونوميالى رايونىمىزدا قازىر حالىقارالىق تاس جول جولاۋشى - زات تاسىمال لەنياسىنان 107سى بار، بۇكىل ەل بويىنشا %43تى ۇستايدى. 

بيىل 1 - توقساندا شينجياڭنىڭ يمپورت - ەكسپورت ساۋدا سوماسى 33 ميلليارد 350 ميلليون يۋانعا جەتىپ، سول تۇستاعىدان %70تەن استام ارتتى.

جۇڭگونىڭ شينجياڭى دۇنيە جۇزىندەگى 155 مەملەكەتپەن جانە رايونمەن ەكونوميكا - ساۋدا بارىس - كەلىسىن جاساستى، 15 مەملەكەت پەن رايون شينجياڭعا قارجى قوسىپ، شارۋاشىلىعىن وركەندەتتى. «ءبىر بەلدەۋ، ءبىر جول» شينجياڭدى ەسىك اشۋ اياسىن كەڭەيتۋگە جەتەلەيتىن قۇدىرەتتى قوزعالتقىشقا اينالدى.

سىرتقا ەسىك اشۋدىڭ اياسىن كەڭەيتىپ، كاسىپ سالاسى بويىنشا سەلبەستىك ورناتۋدى نىعايتتى

14 - مامىر تۇستەن بۇرىن، «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار كەڭەسىنىڭ اشىلۋ سالتىندا، ءتوراعا شي جينپيڭ ارناۋلى تاقىرىپتىق لەكسيا سويلەپ، «ءبىر بەلدەۋ، ءبىر جولدى» سىرتقا ەسىك اشۋ جولى ەتىپ قۇرىپ شىعۋدى العا قويدى.

سىرتقا ەسىك اشۋدىڭ اياسىن ءتىپتى دە كەڭەيتىپ، ساۋدا، زات جەتكىزۋ ورتالىعى قۇرىلىسىن جەدەلدەتۋ ءۇشىن، اۆتونوميالى رايون ىلگەرىندى - كەيىندى «شينجياڭنىڭ ساۋدا ىستەرىن دامىتۋدىڭ <13 - بەسجىلدىق> جوباسىن»، «جىبەك جولى ەكونوميكالىق بەلدەۋىنىڭ وزەكتى رايونىنداعى ساۋدا، زات جەتكىزۋ ورتالىعى قۇرىلىسىنىڭ جوباسى (2016 − 2030)»، «شينجياڭنىڭ ساۋدا، زات جەتكىزۋ كاسىبىن دامىتۋ جوباسى (2015 − 2020)» سياقتى ءبىر قىدىرۋ جوبالاردى العا قويدى.

جوعارى دەڭگەيدە جاسالعان جوبالار كاسىپورىنداردىڭ حالىقارامەن سەلبەستىك ورناتۋىنا جول اشىپ بەردى. حالىقارالىق سەلبەستىك ءوندىرىس قۇرامدارىنىڭ ءتارتىپتى جىلجۋىن جەبەپ، بايلىقتى ءونىمدى ورنالاستىرۋدى ىلگەرىلەتتى.

ەرەكشە ترانسفورماتور شەكتى جارنا سەرىكتەستىگى رايونىمىزداعى «سىرتقا ويىسۋدى» نەگىز ەتكەن كاسىپورىندارىنىڭ ۋاكىلى بولۋ تۇرعىسىنان ولاردىڭ جوعارى، جاڭا تەحنيكالىق ونىمدەرى ىلگەرىندى - كەيىندى ا ق ش، ءۇندىستان، رەسەي، برازيليا سياقتى 60تان استام مەملەكەت پەن وڭىرلەرگە شىعارىلىپ، تاجىكستان، قىرعىزستان، فيليپپين سياقتى 31 مەملەكەت پەن ءوڭىردى ەلەكتر تورى، ەلەكتر كوزى قۇرىلىسىن قامتىعان ءبىر توپ نىساندى كوتەرەگە الىپ جۇرگىزۋ سىندى قىزمەت وتەۋمەن قامدادى. 2016 - جىلدىڭ سوڭىنا دەيىن، ەرەكشە ترانسفورماتور سەرىكتەستىگىنىڭ شەتەلدە كوتەرەگە العان ەلەكتر كۇشى نىسانىنىڭ جالپى سوماسى ون نەشە ميلليارد دوللارعا، سالىنۋ ۇستىندەگى قۇرىلىسى 5 ميلليارد دوللاعا جەتتى.

2016 - جىلى شينجياڭداعى كاسىپورىنداردىڭ شەتەلدە ارحيۆ تۇرعىزىلىپ قارجى قوسقان نىسانى 6عا جەتتى، مۇندا جۇڭگو 410 ميلليون دوللار قارجى شىعاردى. 2016 - جىلعا دەيىن، شينجياڭدا تۇرىپ شەتەلگە قارجى قوسقان كاسىپورىننىڭ سانى 550گە جەتتى، مۇندا جۇڭگونىڭ كەلىسىم جاساسىپ قارجى قوسقان جالپى سوماسى 8 ميلليارد 123 ميلليون دوللارعا جەتتى، سول نىساندار 40تان استام مەملەكەت پەن وڭىرگە تارالعان.

اۆتونوميالى رايوننىڭ ءبىر تۇتاس ورنالاستىرۋىنا ساي، ساۋدا، زات جەتكىزۋ كاسىبى اۆتونوميالى رايوننىڭ تۇراقتى مۇلىككە قارجى قوسۋ بويىنشا بەلگىلەگەن 10 ءتۇيىندى سالاسىنىڭ ءبىرى، 2017 - جىلى تۇراقتى مۇلىككە 67 ميلليارد 800 ميلليون يۋان (بيڭتۋانننىڭ 17 ميلليارد 200 ميلليونىن قامتيدى) قارجى قوسىپ، 2016 - جىلداعىدان %50.6ارتتىرۋ جوسپارلاندى.

كەلۋ قاينارى : شينجياڭ گازەتىنەن