ۇستانىم دامۋ بەتالىسىن، دامۋ وي جەلىسىن، دامۋ ناتيجەسىن بەلگىلەيدى. جاڭالىق اشا دامۋ، سايكەستى دامۋ، جاسىل دامۋ، اشىق دامۋ، تەڭ يگىلىكتەنەتىن دامۋ سىندى جاڭا دامۋ ۇستانىمى جالپى جاعدايعا، ءتۇپ نەگىزگە، ۇزاق بولاشاققا ساياتىن ايقىن جەتەكشى باعىت رەتىندە، شينجياڭنىڭ ەكونوميكالىق دامۋدىڭ جاڭا قالىبىنا ىرىقتى تۇردە سايكەسۋىنە، دامۋدىڭ جاڭا قوزعاۋشى كۇشىن ارتتىرۋعا ءتۇبىرلى ولشەم ازىرلەدى. 

شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭنىڭ دامۋىنا ايرىقشا ءمان بەردى. ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىندە، باس شۋجي شي جينپيڭ «شينجياڭنىڭ ءتىپتى جاقسى، ءتىپتى تەز دامۋىن بۇلجىماي ىلگەرىلەتۋ» تۋرالى ماڭىزدى نۇسقاۋ بەردى. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە شينجياڭ ۋاكىلدەر ۇيىرمەسىنىڭ تالقىسىنا قاتىناسقاندا، باس شۋجي جاڭا دامۋ ۇستانىمىن دايەكتىلەندىرىپ، دامۋ ساپاسى مەن تيىمدىلىگىن ءوسىرۋدى وزەك، قامداۋ جاعىنداعى قۇرىلىمدىق رەفورمانى ىلگەرىلەتۋدى نەگىزگى ارقاۋ ەتۋگە تاباندى بولىپ، ەرەكشە باسىمدىققا يە كاسىپتەردى جەتىلدىرىپ، زورايتىپ، نەگىزدىك قۇرىلعى قۇرىلىسىن كۇشەيتىپ، ەكولوگيالىق ورتانى قورعاۋدى كۇشەيتىپ، «ۇشتە جوعارى» نىسانداردىڭ شينجياڭعا كىرۋىنە قاتاڭ تيىم سالىپ، لاستاۋدىڭ الدىن الۋ مەن ونى تىزگىندەۋ جانە قۇمايتتانۋدىڭ الدىن الۋ، قۇمايتتانۋدى تىزگىندەۋ سەرپىنىن ارتتىرىپ، اسپانى اشىق، جەرى جاسىل، سۋى تۇنىق كوركەم شينجياڭدى قۇلشىنا قۇرىپ شىعۋ كەرەكتىگىن تاعى باسا دارىپتەدى. 

باس شۋجيدىڭ ءار مەزگىلدە بەرگەن ماڭىزدى نۇسقاۋلارى وتكەن 3 جىلداعى جانە مۇنان بىلايعى ءتىپتى ۇزاق مەزگىلدەگى شينجياڭنىڭ دامۋ وي جەلىسىن، دامۋ بەتالىسىن، دامۋدىڭ كۇش سالۋ ءتۇيىنىن ايقىن كورسەتتى ءارى شينجياڭنىڭ ءتىپتى جوعارى ساپالى، ءتىپتى ءتيىمدى، ءتىپتى ءادىل، ءتىپتى باياندى دامۋدى جۇزەگە اسىرۋدا، ءسوز جوق، تاباندى بولۋعا ءتيىستى ۇستانىمىن اتاپ كورسەتتى. باس شۋجي نۇسقاعان باعىتتى بويلاي، 3 جىلدان بەرى، اسىرەسە، ج ك پ اۆتونوميالى رايوندىق 9 - قۇرىلتايىنان بەرى، قيىن دا كۇردەلى جاعداي جانە قات - قابات جاپالى ورنىقتىلىق، دامۋ مىندەتتەرى الدىندا، بۇكىل رايونىمىزدا جوعارىدان تومەنگە دەيىن قوعام ورنىقتىلىعى مەن باياندى تىنىشتىقتى ارقاۋ ەتە دامۋدى جوسپارلاپ، ەكونوميكالىق دامۋدىڭ جاڭا قالىبىنا ىرىقتىلىقپەن سايكەسىپ، جاڭا دامۋ ۇستانىمىن شىن مانىندە دايەكتىلەندىرىپ، مەملەكەتتىڭ «ءبىر بەلدەۋ، ءبىر جول» قۇرىلىسىنا بەلسەنە ات سالىسىپ، قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، حالىق تۇرمىسىنا جاناستىرا دامۋدى ىلگەرىلەتىپ، ءتۇرلى ىستەردە تىڭ ىلگەرىلەۋشىلىكتەرگە قول جەتكىزدى. 

جوعارى جىلدامدىقتى تەمىر جولدىڭ جاڭا ۆوكزالى ىسكە قوسىلدى، كەزەكشى پويەزدەردىڭ باتىسقا قاتىناۋى قالىپتى جاعدايعا اينالدى، جۇڭگو − ورتا ازيا عىلىم - تەحنيكالىق سەلبەستىك ورتالىعى نىق قاداممەن ىلگەرىلەتىلدى، ەل ءىشى - سىرتىنداعى فينانس قۇرىلىمدارى ىركەس - تىركەس ىرگە تەپتى، توڭىرەكتەگى مەملەكەتتەر مەن رايوندار دەنساۋلىقتى كۇتىمدەۋ، ەمدەلۋ جاعىندا الدىمەن شينجياڭدى تاڭدادى... تيانشاننىڭ تۇستىگى مەن تەرىستىگىندەگى ءبىرقاتار اماليات جاڭا دامۋ ۇستانىمىنىڭ جاڭا مەزگىلدەگى شينجياڭنىڭ دامۋ جولىنداعى ءامىر تاياق، باعدارشام ەكەنىن دالەلدەدى. يدەيامىز بەن ارەكەتىمىزدى جاڭا دامۋ ۇستانىمىمەن بىرلىككە كەلتىرىپ، «جاڭالىق اشۋ، سايكەستىلىك، جاسىل، اشىق، بىرگە يگىلىكتەنۋ» توڭىرەگىندە بەلسەندى ىزدەنىستەر جاساپ، ۇزدىكسىز كۇش سالىپ، تالماي ۇلەس قوسا الساق بولعانى، ۇزدىكسىز جاڭا ورىستەر اشىپ، جاڭا ناتيجەلەرگە قول جەتكىزە الامىز. 

جاڭا دامۋ ۇستانىمىن شىن مانىندە دايەكتىلەندىرۋدە، ءسوز جوق، دامۋدى مىقتى ۇستاۋ كەرەك. شينجياڭنىڭ ءتىپتى جاقسى، ءتىپتى تەز دامۋىن بۇلجىماي ىلگەرىلەتۋ − قوعام ورنىقتىلىعى مەن باياندى تىنىشتىق باس نىساناسىن تياناقتاندىرۋدىڭ ماڭىزدى تىرەگى، جاپپاي دوڭگەلەك داۋلەتتى قوعام قۇرۋدىڭ تابيعي تالابى، بۇكىل رايونىمىزداعى ءار ۇلت حالىق بۇقاراسىنىڭ كوكەي تەستى تىلەگى، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدىڭ وبيەكتيۆ قاجەتى. قوعام ورنىقتىلىعى مەن باياندى تىنىشتىق كوزدەۋ ءتۇيىنى مەن كۇش سالۋ ءتۇيىنى، دامۋ ساپاسى مەن تيىمدىلىگىن ءوسىرۋدى وزەك، حالىق تۇرمىسىن جاقسارتۋدى، حالىق تىلەگىن توعىستىرۋدى ماقسات ەتە وتىرىپ، جۇڭگولىق ەرەكشەلىككە يە، شينجياڭدىق وزگەشەلىگى بار دامۋ جولىمەن ءجۇرۋ كەرەك. «ءبىر بەلدەۋ، ءبىر جول» قۇرىلىسىنىڭ قىمباتتى ورايىن مىقتى يگەرىپ، جىبەك جولى ەكونوميكالىق بەلدەۋىنىڭ وزەكتى رايونىن ويداعىداي قۇرىپ، وزەكتى رايوننىڭ ارتىقشىلىعىن تولىق ساۋلەلەندىرۋ قاجەت. دامۋ ءتۇيىنىن رەفورمانى جاپپاي تەرەڭدەتۋگە، ەرەكشە كاسىپتەردى جەتىلدىرۋگە، دامىتۋعا، جاڭالىق اشۋ ارقىلى دەم بەرۋگە قويىپ، دامۋدىڭ ىشكى ومىرشەڭ كۇشى مەن قوزعاۋشى كۇشىن ۇزدىكسىز جالىنداتۋ كەرەك. 

جاڭا دامۋ ۇستانىمىن شىن مانىندە دايەكتىلەندىرۋدە، يدەيا مەن ارەكەت جاعىنداعى ۇندەستىككە قول جەتكىزۋ كەرەك. قاتىپ - سەمگەن تۇزىممەن وزگەرىستەرگە توتەپ بەرۋگە كەلمەيدى، نىساناعا جەتۋدىڭ ءار الۋان جولى بار. جاڭا دامۋ ۇستانىمىن شىن مانىندە دايەكتىلەندىرۋ − بۇزۋ مەن قۇرۋدى بىرلىككە كەلتىرۋ بارىسى ءارى قيىنشىلىقتاردى جەڭىپ قامال الۋ بارىسى، ول بۇكىل رايونىمىزدىڭ جوعارىدان تومەنگە دەيىن حاۋىپ - قاتەردەن قورىقپاۋ رۋحىن تاعى دا ىشكەرىلەي ۇيرەنىپ، كوڭىل قويا قولدانۋىن قاجەت ەتەدى. ءارى - ءسارى بولىپ، تارتىنشاقتاپ، كونە ويدىڭ، كونە ءادىستىڭ شىرماۋىنان قۇتىلماساق، قاساڭ كوزقاراس، ۇستانىمنىڭ توڭىرەگىندە شىر اينالا بەرەمىز. ەرلىكپەن العا تارتىپ، تىڭنان جاڭالىق اشقاندا عانا، دامۋداعى قيىن ماسەلەلەردى شەشۋگە، دامۋ ارتىقشىلىقتارىن بايىتۋعا، دامۋدىڭ قوزعاۋشى كۇشىن ارتتىرۋعا، دامۋدىڭ تىڭ جەتىستىكتەرىنە جەتۋگە بولادى. بايلىقتى قۇراۋ سياقتى كونە كوزقاراستاردى تالقانداپ، «ءبىر مۋ ءۇش فىن جەر»، «باسقامەن ءىسى بولماۋ» سياقتى يدەيالاردىڭ قالىبىنان شىعىپ، جاڭا دامۋ ۇستانىمىن ساياسات شىعارۋ، جول قاراستىرۋ، شارا بەلگىلەۋ جانە قىزمەتتى ىلگەرىلەتۋدىڭ جالپى بارىسىندا ايگىلەپ، شىن مانىندە جاڭا ۇستانىم ارقىلى شينجياڭنىڭ دامۋىنا جەتەكشىلىك ەتۋ، جاڭا ناتيجەلەر ارقىلى شينجياڭداعى ءار ۇلت حالقىنا باقىت جەتكىزۋ كەرەك. 

وتكەنگە نازار اۋدارساق، ءبىز جاڭا دامۋ ۇستانىمى ارقىلى جاڭا قالىپتى يگەرىپ، وعان جەتەكشىلىك ەتىپ، دامۋداعى جاڭا سەكىرۋدى ىسكە اسىردىق؛ بولاشاققا كوز جىبەرسەك، ءبىز ۇزدىكسىز ىشكەرىلەي ۇيرەنىپ، كوڭىل قويا قولدانىپ، ۇزاق ۋاقىت ۇلەس قوسىپ، جاڭا دامۋ ۇستانىمىنىڭ تيانشاننىڭ تۇستىگى مەن تەرىستىگىندە جاپپاي ىسكە اسۋىنا مۇمكىندىك جاساپ، ءار ۇلت حالقىنىڭ، ءداۋىردىڭ ءۇمىتىن اقتايتىن دامۋدىڭ جاڭا داستانىن جازامىز.

شينجياڭ گازەتى تورابىنان الىندى