شي جينپيڭ گەرمانيانىڭ زۇڭتۇڭى شتاينمايرعا جانە گەرمانيانىڭ زۇڭليى مەركەلگە جەكە - جەكە تەلەگرامما جولداپ كوڭىل ايتتى

لي كىچياڭ گەرمانيانىڭ زۇڭليى مەركەلگە كوڭىل ايتۋ تەلەگرامماسىن جولدادى

شينحۋا اگەنتتىگىنىڭ 17 - ماۋسىمدا بەيجيڭنەن بەرگەن حابارى. مەملەكەت ءتوراعاسى شي جينپيڭ 17 - ماۋسىمدا گەرمانيانىڭ زۇڭتۇڭى شتاينمايرعا جانە گەرمانيانىڭ زۇڭليى مەركەلگە جەكە - جەكە تەلەگرامما جولداپ، گەرمانيانىڭ بۇرىنعى زۇڭليى حەلمۇت كوولدىڭ قايتىس بولعانىنا كوڭىل ايتتى. شي جينپيڭ جۇڭگو حالقى اتىنان جانە ءوز اتىنان حەلمۇت كوولدىڭ قايتىس بولعانىنا قايعىلى ازا ءبىلدىرىپ، كوولدىڭ تۋىستارىنان شىنايى حال سۇرادى.

شي جينپيڭ كوڭىل ايتۋ تەلەگرامماسىندا بىلاي دەدى: كورنەكتى ساياساتكەر سالاۋاتىمەن، كوول مىرزا گەرمانيانىڭ قايتادان بىرلىككە كەلۋى مەن ەۆروپانىڭ ءبىر تۇلعالانۋ قۇرىلىسىن ىلگەرىلەتۋ ءۇشىن ماڭىزدى ۇلەس قوستى، ونىڭ تاريحي ەڭبەگىن دۇنيە ءجۇزى حالقى ەستەن شىعارمايدى. ول ەجەلدەن جۇڭگو - گەرمانيا، جۇڭگو - ەۆروپا ديالوگى مەن سەلبەستىگىن ىلگەرىلەتۋگە، جۇڭگو - گەرمانيا قاتىناسىنىڭ دامۋىنا بەلسەندىلىكپەن قۇلشىنا ۇلەس قوستى ءارى جۇڭگو حالقىنىڭ وتاننىڭ بۇكىلدەي بىرلىككە كەلۋىن جۇزەگە اسىرۋىنا تۇسىنىستىكپەن قارادى جانە قولداۋ كورسەتتى، جۇڭگو حالقى بۇل كونەكوز دوسىن ۇمىتپايدى.

شي جينپيڭ بىلاي دەپ باسا دارىپتەدى: جۇڭگو ۇكىمەتى مەن جۇڭگو حالقى جۇڭگو - گەرمانيا حالىقتارى اراسىنداعى دوستىقتى قاستەرلەيدى، گەرمانيامەن بىرگە جۇڭگو - گەرمانيا قاتىناسىنىڭ ءتىپتى دە جارقىن بولاشاعىن جاساۋعا پەيىل.

شينحۋا اگەنتتىگىنىڭ 17 - ماۋسىمدا بەيجيڭنەن بەرگەن حابارى. مەملەكەتتىك كەڭەستىڭ زۇڭليى لي كىچياڭ 17 - ماۋسىم كۇنى گەرمانيانىڭ زۇڭليى مەركەلگە گەرمانيانىڭ بۇرىنعى زۇڭليى حەلمۇت كوولدىڭ باقىتقا قارسى قايتىس بولعانى جونىنەن كوڭىل ايتۋ تەلەگرامماسىن جولداپ، جۇڭگو حالقى اتىنان جانە ءوز اتىنان حەلمۇت كوولدىڭ قايتىس بولعانىنا قايعىلى ازا ءبىلدىردى.

لي كىچياڭ كوڭىل ايتۋ تەلەگرامماسىندا بىلاي دەدى: كوول مىرزا گەرمانيانىڭ تاڭداۋلى باسشىسى ءارى جۇڭگو - گەرمانيا قاتىناسىنىڭ بەلسەندى ىلگەرىلەتۋشىسى جانە جۇڭگو حالقىنىڭ كونەكوز دوسى، ول جۇڭگو مەن گەرمانيانىڭ اۋىس - كۇيىسى مەن سەلبەستىگىن ىلگەرىلەتۋ جاعىندا ماڭىزدى ۇلەستەر قوستى، ءبىز مۇنى ۇمىتپايمىز.

لي كىچياڭ مىنالاردى اتاپ كورسەتتى: گەرمانيا − جۇڭگونىڭ ەۆروپاداعى جان - جاقتى ستراتەگيالىق سەرىگى، ەكى ەلدىڭ قاتىناسى مەن سەلبەستىگى ۇزبەي جاڭا ىلگەرىلەۋشىلىكتەرگە قول جەتكىزىپ كەلەدى. ەكى جاقتىڭ تىزە قوسا قۇلشىنۋىندا، جۇڭگو - گەرمانيا قاتىناسى مەن دوستىعىنىڭ، ءسوزسىز، ونان سايىن دامي تۇسەتىنىنە سەنەمىن.

شينجياڭ گازەتى تورابىنان الىندى