شينحۋا اگەنتتىگىنىڭ 17 - ماۋسىمدا گۋاڭجوۋدان بەرگەن حابارى. بريكس ەلدەرىنىڭ 2017 - جىلدىق سپورت جينالىسى 17 - ماۋسىم كەشتە گۋاڭجوۋدا باستالدى. مەملەكەت ءتوراعاسى شي جينپيڭ قۇتتىقتاۋ حاتىن جولداپ، سپورت جينالىسىنىڭ اشىلۋىن قىزۋ قۇتتىقتادى، سپورت جينالىسىنا كەلگەن ءار ەلدىڭ قۇرمەتتى قوناقتارىن، سپورتشىلارىن، جاتتىقتىرۋشىلارىن شىنايى قارسى الاتىنىن ءبىلدىردى.

شي جينپيڭ مىنالاردى اتاپ كورسەتتى: ءبىز بريكس ەلدەرى باسشىلارىنىڭ بيىل قىركۇيەكتە شيامىندا اشىلاتىن ءماجىلىسى ورايىندا بريكس ەلدەرى اراسىنداعى گۋمانيتارلىق اۋىس - كۇيىستىڭ، سەلبەستىكتىڭ جاڭا ناتيجەلەرگە قول جەتكىزىپ، بريكس ەلدەرى سەلبەستىگىنىڭ حالىق تىلەگى نەگىزىنىڭ بەكەمدەلە ءتۇسۋىن ءۇمىت ەتەمىز.

شي جينپيڭ مىنالاردى باسا دارىپتەدى: دەنە تاربيە ىستەرىن دامىتۋدا بريكس ەلدەرىنىڭ ءارقايسىسى وزىندىك ەرەكشەلىككە يە. بۇل رەتكى سپورت جينالىسى سپورتشىلاردىڭ باسەكەلىك ورەسىن جوعارىلاتۋدا، ءداستۇرلى سپورت تۇرلەرىن جالپىلاستىرۋدا، دەنە تاربيە ىستەرىنىڭ دامۋىن ىلگەرىلەتۋدە، حالىقتاردىڭ دوستىعىن جەبەۋدە بەلسەندى رول اتقارادى. سپورتشىلاردىڭ ءوز ەرەكشەلىكتەرىن ساۋلەلەندىرىپ، ورەسىن ايگىلەپ، تاماشا ناتيجەگە قول جەتكىزۋىن ءۇمىت ەتەمىن.

شينجياڭ گازەتى تورابىنان الىندى