شينحۋا اگەنتتىگىنىڭ 8 - ماۋسىمدا استانادان بەرگەن حابارى. 8 - ماۋسىمدا مەملەكەت ءتوراعاسى شي جينپيڭ استانادا رەسەيدىڭ زۇڭتۇڭى پۋتينمەن كەزدەستى.

شي جينپيڭ بىلاي دەپ اتاپ كورسەتتى: تاياۋدا مەن پۋتين زۇڭتۇڭمەن «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرى كەزىندە كەزدەسىپ، جۇڭگو مەن رەسەيدىڭ جان - جاقتى ستراتەگيالىق سەلبەستىك سەرىكتەستىك قاتىناسىنىڭ جوعارى دەڭگەيىن ساقتاۋ، ەكى ەلدىڭ جان - جاقتى سەلبەستىگىن كۇشەيتۋ جونىندە ماڭىزدى ورتاق تانىمعا كەلگەن ەدىم. كەزەكتەگى كۇردەلى دە قۇبىلمالى حالىقارالىق جاعدايدا، جۇڭگو مەن رەسەيدىڭ قاتىناسىنىڭ ويداعىداي دامۋى جۇڭگو مەن رەسەيدىڭ دامۋى مەن گۇلدەنۋى، دۇنيە ءجۇزىنىڭ بەيبىتشىلىگى مەن ورنىقتىلىعى جونىنەن كەلەلى ماڭىز الادى. 

ەكى جاق ءبىر - ءبىرىنىڭ وزەكتى مۇددەسىنە ساياتىن ماسەلەدە ءوزارا ءبىرىن - ءبىرى قولداۋدى كۇشەيتۋى، «ءبىر بەلدەۋ، ءبىر جول» قۇرىلىسىن ىلگەرىلەتۋدى ەۆروپا - ازيا ەكونوميكالىق وداعىمەن تۇيىلىستىرۋدە اناعۇرلىم ناقتى ناتيجەگە قول جەتكىزۋى، گۋمانيتارلىق اۋىس - كۇيىستى تەرەڭدەتۋى جانە جۇرت تىلەگىن توعىستىرۋى، حالىقارالىق جانە وڭىرلىك ىستەردە تىعىز سايكەسۋى جانە شىنايى سەلبەسۋى كەرەك.

شي جينپيڭ مىنانى باسا دارىپتەدى: شاڭحاي سەلبەستىك ۇيىمى جاڭا دامۋ ورايى مەن سايىسىنا ءدوپ كەلدى. جۇڭگو مەن رەسەي ءتۇسىنىسۋ مەن سايكەسۋدى كۇشەيتىپ، «شاڭحاي رۋحىن» بەرىك نەگىز ەتىپ، مۇشە ەلدەردىڭ ىنتىماعى مەن سەلبەسۋىن بەكەمدەپ، وڭىرلىك حاۋىپسىزدىك پەن ورنىقتىلىقتى قورعاپ، ناقتى سەلبەستىك تەبىنىن كۇشەيتىپ، شاڭحاي سەلبەستىك ۇيىمىنىڭ حالىقارالىق جانە وڭىرلىك ىستەردەگى ىقپالىن ۇزدىكسىز جوعارىلاتىپ، شاڭحاي سەلبەستىك ۇيىمىنىڭ اۋعانستاننىڭ ەل ءىشى بەيبىتشىلىگى مەن راقايلاسۋى بارىسىنداعى رولىن اناعۇرلىم ساۋلەلەندىرۋى ءتيىس. جۇڭگو جاق استاناداعى جوعارى دارەجەلىلەر كەڭەسىنەن كەيىن، ىلە - شالا شاڭحاي سەلبەستىك ۇيىمىنىڭ كەزەكتى ءتوراعا ەلى بولىپ، رەسەيدى قامتىعان ءارقايسى جاقپەن بولعان تەرەڭ ءتۇسىنىسۋ مەن سايكەسۋدى ساقتاپ، شاڭحاي سەلبەستىك ۇيىمىنىڭ ءار سالاداعى سەلبەستىگىن جاپپاي تەرەڭدەتىپ، شاڭحاي سەلبەستىك ۇيىمىنىڭ تىڭ دامۋىن ورتاق ىلگەرىلەتۋدى قالايدى.

پۋتين بىلاي دەدى: رەسەي مەن جۇڭگونىڭ جوعارى دارەجەلى باسشىلاردىڭ تىعىز بارىس - كەلىسىن ساقتاۋى وتە ماڭىزدى. كەزەكتەگى كۇردەلى حالىقارالىق جاعدايدا، رەسەي مەن جۇڭگو ءتۇسىنىسۋ مەن سايكەسۋدى كۇشەيتىپ، دۇنيە ءجۇزى مەن وڭىرلەردىڭ بەيبىتشىلىگىن، ورنىقتىلىعىن، حاۋىپسىزدىگىن قورعاۋى كەرەك. رەسەي مەن جۇڭگو قاتىستى جاقتارمەن بىرگە قۇلشىنىپ، شاڭحاي سەلبەستىك ۇيىمىنا مۇشە ەلدەردىڭ ىنتىماعى مەن سايكەسۋىن ىلگەرىلەتىپ، وسى ۇيىمنىڭ حالىقارالىق ىستەردە اناعۇرلىم زور ىقپال كۇرسەتۋىن ىلگەرىلەتۋى كەرەك. پۋتين جۇڭگونىڭ «ءبىر بەلدەۋ، ءبىر جول» حالىقارالىق سەلبەستىك جوعارى دارەجەلى باسشىلار تالقى مىنبەرىن ءساتتى وتكىزگەندىگىن تاعى ءبىر رەت قۇتتىقتاپ، «ءبىر بەلدەۋ، ءبىر جول» دارىپتەمەسىنىڭ كەلەلى رەال ماڭىز الاتىندىعىن، سونداي - اق حالىقارادا كەڭ كولەمدى قولداۋعا يە بولاتىندىعىن ايتتى.

ەكى ەلدىڭ باسشىسى اۋعانستان، كورەي تۇبەگى جاعدايى سياقتى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر اۋىستىرىپ، كوزقاراس ءبىلدىردى.

ۋاڭ حۋنيڭ، لي جانشۋ، ياڭ جيەچى كەزدەسۋدە بىرگە بولدى.

شينحۋا اگەنتتىگىنىڭ 9 - ماۋسىمدا استانادان بەرگەن حابارى. مەملەكەت ءتوراعاسى شي جينپيڭ 9 - ماۋسىم كۇنى استانادا تاجىكستاننىڭ زۇڭتۇڭى راحمونمەن كەزدەستى.

شي جينپيڭ مىنالاردى اتاپ كورسەتتى: جۇڭگو مەن تاجىكستان − ەتەنە دوس كورشى جانە ءبىر - بىرىنە اسا سەنىمدى ستراتەگيالىق سەرىكتەس. ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ەكونوميكا - ساۋدا، اۋىل شارۋاشىلىعى، نەگىزدىك قۇرىلعى قۇرىلىستارى، ەنەرگيا، حاۋىپسىزدىك سياقتى سالالارداعى سەلبەستىگىنىڭ ناتيجەسى قوماقتى بولدى، ب م ۇ جانە شاڭحاي سەلبەستىك ۇيىمى جۇلگەسىندە تىعىز سايكەسىپ كەلەدى. كەزەكتە جۇڭگو مەن تاجىكستان «ءبىر بەلدەۋ، ءبىر جولدى» بىرگە قۇرۋ سەلبەستىگىندە ماڭىزدى جەتىستىكتەرگە قول جەتكىزدى، كەلەسى ساتىدا سەلبەستىكتى جوعارى ورە، جاڭالىق اشۋ، كوپ ۇيەكتەنۋ باعىتىنا قاراي دامىتۋى كەرەك. ەكى جاق ەكونوميكانى، ساياساتتى سايكەستىرۋدى جانە دامۋ ستراتەگياسىن ءتۇيىلىستىرۋدى كۇشەيتىپ، ءوزارا بايلانىس جاساۋ، حابارلاسۋ قۇرىلىسىن ىلگەرىلەتۋدە تىڭ ىلگەرىلەۋشىلىككە قول جەتكىزىپ، وندىرىستىك قۋاتتى جانە جابدىق جاساۋ سەلبەستىگىن كۇشەيتىپ، اپاتتان قۇتقارۋ سەلبەستىگىن تەرەڭدەتىپ، ساۋدا مەن قارجى قوسۋ ەركىندىگىن، تيىمدىلىگىن جەبەپ، قورعانىس جانە زاڭ اتقارۋ، حاۋىپسىزدىك سەلبەستىگىن كۇشەيتۋ كەرەك. جۇڭگو تاجىكستانمەن بىرگە ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 25 جىلدىق ورايىندا، تاتۋ كورشى، دوس رۋحىن ساۋلەلەندىرىپ، ستراتەگيالىق سايكەسۋدى كۇشەيتىپ، ءوزارا تيىمدىلىك جاساۋ سەلبەستىگىن نىعايتىپ، جۇڭگو مەن تاجىكستاننىڭ ستراتەگيالىق سەرىكتەستىك قاتىناسىنىڭ اناعۇرلىم جوعارى دەڭگەيگە قاراي اياق باسۋىن ىلگەرىلەتۋدى قالايدى.

راحمون بىلاي دەدى: تاجىكستان مەن جۇڭگو − تاماشا كورشى، ابزال دوس، جاقسى سەرىكتەس. تاجىكستان تاجىكستان مەن جۇڭگونىڭ دوستىعىن قاستەرلەيدى، جۇڭگونىڭ حالىقارالىق ىستەردەگى ماڭىزدى رولىنا باسا ءمان بەرىپ، تاجىكستان مەن جۇڭگونىڭ ستراتەگيالىق سەرىكتەستىك قاتىناسىن تەرەڭدەتۋگە كۇش سالادى. ديپلوماتيالىق قارىم - قاتىناس ورناتقان 25 جىلدان بەرى، تاجىكستان مەن جۇڭگو ساياسيدا ءبىر - بىرىنە اسا سەنىمدى بولدى، ەكونوميكا - ساۋدا، عىلىم - تەحنيكا، گۋمانيتارلىق سياقتى سالالارداعى سەلبەستىگى مول جەتىستىككە قول جەتكىزدى. تاجىكستاننىڭ مەملەكەتتىك دامۋ ستراتەگياسى جۇڭگو العا قويعان تاريحي سيپاتتى «ءبىر بەلدەۋ، ءبىر جول» دارىپتەمەسىمەن بارىنشا قابىسادى. تاجىكستان وزىندىك دامۋىن «ءبىر بەلدەۋ، ءبىر جول» قۇرىلىسىمەن ءتۇيىلىستىرىپ، ءوزارا بايلانىس جاساۋ، حابارلاسۋ، ەلەكتر، اۋىل شارۋاشىلىعى، حاۋىپسىزدىك سياقتى سالالاردا سەلبەستىكتى كۇشەيتۋدى قالايدى.

ۋاڭ حۋنيڭ، لي جانشۋ، ياڭ جيەچى كەزدەسۋدە بىرگە بولدى.

مەملەكەت ءتوراعاسى شي جينپيڭ 9 - ماۋسىم استانادا ءۇندىستاننىڭ زۇڭليى موديمەن كەزدەستى.

شي جينپيڭ مىنالاردى اتاپ كورسەتتى: قازىر حالىقارالىق جاعدايدا تەرەڭ دە كۇردەلى وزگەرىستەر تۋىلدى. جۇڭگو مەن ءۇندىستان دۇنيە جۇزىندەگى 2 ءىرى دامۋ ۇستىندەگى ەل بولۋ تۇرعىسىنان زەيىن - زەردەنى سەلبەستىك ورناتۋعا كوبىرەك شوعىرلاندىرىپ، تىزە قوسا العا ىلگەرىلەپ، ءارقايسىسى ءوز ەلدەرىنىڭ دامۋىن جەبەپ، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋ، ورتاق دامۋدى ىسكە اسىرۋ جولىندا ۇلەس قوسۋى كەرەك. جۇڭگو ەكى ەلدىڭ قاتىناسىن دامىتۋعا ايرىقشا نازار اۋدارىپ وتىر، سونداي - اق ءوزارا ساياسي سەنىمدىلىكتى تەرەڭدەتىپ، دامۋ ستراتەگيالارىن ۇشتاستىرىپ، ناقتىلى ىستەر جونىندەگى سەلبەستىكتى تەرەڭدەتۋدى، حالىقارالىق ماڭىزدى ماسەلەلەر مەن وڭىرلىك ماسەلەلەردە ۇزدىكسىز سايكەسىپ، سەلبەسىپ، ەكى ەلدىڭ ستراتەگيالىق سەلبەستىك سەرىكتەستىك قاتىناسىنىڭ ۇزدىكسىز اقاۋسىز، ورنىقتى دامۋىن جەبەۋدى ءۇمىت ەتەدى. ەكى جاق جوعارى جىكتەگىلەردىڭ اۋىس - كۇيىسى مەن مەحانيزمدىك بارىس - كەلىسىن نىعايتۋى، ستراتەگيالىق قارىم - قاتىناستى كۇشەيتىپ، ساياساتتاردى ءتۇيىستىرۋدى جەبەۋى كەرەك. ساۋداعا قارجى قوسۋ جاعىنداعى سەلبەستىكتى كۇشەيتىپ، ءوندىرىس قۋاتى، كاسىپ سالاسى باقشاسى، تەمىر جول قۇرىلىسى سياقتى كەلەلى نىسانداردا ەرتەرەك العاشقى تابىسقا قول جەتكىزۋى كەرەك. وڭىرلەردى بايلانىستىرۋ مەن ورتاق دامۋدى بىرگە جەبەپ، دامۋ قۋاتتامالارىن ءتۇيىستىرۋدى كۇشەيتىپ، بانگلادەش، جۇڭگو، ءۇندىستان، بيرما ەكونوميكالىق ءدالىزى قۇرىلىسىندا نەعۇرلىم ەرتە ناقتى ىلگەرىلەۋشىلىكتەرگە قول جەتكىزىپ، ازيا نەگىزدىك قۇرىلعى قۇرىلىسىنا قارجى قوسۋ بانكەسى جۇلگەسىندە سەلبەستىك جاساۋدى كۇشەيتۋى كەرەك. جەرگىلىكتى ورىن، اقىل - پاراسات قويماسى، مادەنيەت، مەديا، ساياحات سياقتى سالالارداعى اۋىس - كۇيىستى نىعايتۋ كەرەك. ءتۇرلى سالالارداعى تىلدەسۋ مەن سايكەسۋدى كۇشەيتىپ، الاۋىزدىقتار مەن تولعاقتى ماسەلەلەردى ۇيلەسىمدى مەڭگەرۋى جانە ءبىر جايلى ەتۋى كەرەك.

شي جينپيڭ ءۇندىستاننىڭ كوپ وتپەي شاڭحاي سەلبەستىك ۇيىمىنا رەسمي مۇشە بولاتىندىعىن قۇتتىقتاپ، جۇڭگونىڭ ۇندىستانمەن شاڭحاي سەلبەستىك ۇيىمى جۇلگەسىندە سەلبەستىك ورناتۋدى كۇشەيتىپ، شاڭحاي سەلبەستىك ۇيىمىنىڭ اقاۋسىز، باياندى دامۋىن ىلگەرىلەتۋ ءۇشىن بىرلىكتە بەلسەندى قۇلشىنىس جاساۋدى ءۇمىت ەتەتىندىگىن ءبىلدىردى.

مودي بىلاي دەدى: ءۇندىستان مەن جۇڭگو بايىرعى وركەنيەتتى ەلدەر، ەكى ەلدىڭ دوستىعى ۇزاق تاريحتى باستان كەشىرگەن. الماعايىپ، كۇردەلى حالىقارالىق جاعدايدا، ءۇندىستان مەن جۇڭگونىڭ تاتۋلىعى ورنىقتىرۋ رولىن اتقارادى. ەكى جاق سەلبەستىك ورناتۋداعى كومەسكى كۇشتى ءتىپتى دە تەرەڭ اشىپ، حالىقارالىق ىستەردە ءوزارا تىلدەسۋدى، سايكەسۋدى كۇشەيتىپ، ەكى جاقتىڭ وزەكتى، كوڭىل بولەتىن ماسەلەلەرىنە قۇرمەت ەتۋى، سونداي - اق الاۋىزدىقتى ورىندى ءبىر جايلى ەتۋى كەرەك. ءۇندىستان جۇڭگونىڭ ءۇندىستاننىڭ شاڭحاي سەلبەستىك ۇيىمىنا مۇشە بولۋىن قولداعانىنا العىس ايتادى، سونداي - اق ەكى جاقتىڭ شاڭحاي سەلبەستىك ۇيىمى جۇلگەسىندە سەلبەستىك ورناتۋىن نىعايتۋىن ءۇمىت ەتەدى.

ۋاڭ حۋنيڭ، لي جانشۋ، ياڭ جيەچى كەزدەسۋدە بىرگە بولدى.

شينحۋا اگەنتتىگىنىڭ 9 - ماۋسىمدا استانادان بەرگەن حابارى. مەملەكەت ءتوراعاسى شي جينپيڭ 9 - ماۋسىمدا استانادا يسپانيانىڭ پاتشاسى فيليپ Ⅵمەن كەزدەستى.

شي جينپيڭ مىنالاردى اتاپ كورسەتتى: جۇڭگو جۇڭگو - يسپانيا قاتىناسىنا باسا ءمان بەرەدى. يسپانيا پاتشا اۋلەتىنىڭ ۇزاق ۋاقىتتان بەرى جۇڭگومەن بولعان قاتىناستى باستان - اياق باتىل قولداپ جانە بەلسەنە ىلگەرىلەتىپ كەلگەنىن القايدى. يسپانيامەن بىرگە ەكى ەلدىڭ جان - جاقتى ستراتەگيالىق سەرىكتەستىك قاتىناسىن ءتىپتى جوعارى دەڭگەيگە كوتەرىپ، ەكى ەل حالىقتارىن ءتىپتى جاقسى باقىتقا كەنەلتۋدى قالايمىز. تاراپتار جوعارى جىكتەگىلەردىڭ بارىس - كەلىسىن جيىلەتىپ،ءبىر - ءبىرىنىڭ وزەكتى مۇددەسى مەن نازار اۋدارىپ وتىرعان ماڭىزدى تۇيىندەرىن باتىل قولداۋى كەرەك. دامۋ ستراتەگيالارىنىڭ ءتۇيىلىسۋىن كۇشەيتىپ، فينانس، تەلەگراف، تۋىندايتىن ەنەرگيا، اۋىل شارۋاشىلىعى، بيو ءدارى - دارمەك، اۆياتسيا، عارىش سياقتى سالالاردا سەلبەستىكتى تەرەڭدەتۋى قاجەت. گۋمانيتارلىق اۋىس - كۇيىستى كۇشەيتىپ، جەرگىلىكتى ورىنداردىڭ بارىس - كەلىسى مەن حالىقتىق بارىس - كەلىستى ىلگەرىلەتىپ، وقۋ - اعارتۋ، ساياحات، دەنە تاربيە سياقتى سالالاردا سەلبەستىكتى كەڭەيتۋى ءتيىس. حالىقارالىق، وڭىرلىك قولامتالى ماسەلەلەردە كەڭەسۋ مەن سەلبەستىكتى ساقتاپ، ەكونوميكانىڭ جاھاندانۋىنىڭ ءتىپتى اشىق، سيىسىمدى، جاپپاي يگىلىككە كەنەلتەتىن، بىركەلكى داميتىن بەتالىسقا قاراي دامۋىن ىلگەرىلەتۋى ءتيىس. جۇڭگو يسپانيانىڭ «ءبىر بەلدەۋ، ءبىر جول» قۇرىلىسىنا بەلسەنە ات سالىسۋىن، جۇڭگونىڭ ي - ۋىنان مادريدكە دەيىنگى جۇڭگو - ەۆروپا كەزەكشى پويەزىنەن بىرگە ويداعىداي، جەتكىلىكتى پايدالانۋىن قارسى الادى. جۇڭگو ەۆروپانىڭ ءبىر تۇلعالانۋ اياق الىسىن باتىل قولدايدى. تاراپتار بەيبىت، ارتۋ، رەفورما، وركەنيەت سىندى 4 سەرىكتەستىك قاتىناستى بەلسەنە ورناتۋى كەرەك. يسپانيانىڭ ەۆروپا وداعىندا بەلسەندى رولىن ۇزبەي ساۋلەلەندىرىپ، جۇڭگو - ەۆروپا وداعى قاتىناسىنىڭ باياندى، اقاۋسىز، ورنىقتى دامۋىنا بەلسەندى ۇلەس قوسۋىن ءۇمىت ەتەمىز.

فيليپ Ⅵبىلاي دەدى: يسپانيا - جۇڭگو دوستىعىنىڭ تاريحى ۇزاق. تاراپتار ءوزارا قۇرمەت ەتۋ نەگىزىندە ەكونوميكا - ساۋدا، ساياسي، مادەنيەت اۋىس - كۇيىسى مەن سەلبەستىگىن ىلگەرىلەتۋدە بەلسەندى ناتيجەگە قول جەتكىزدى. يسپانيا جۇڭگومەن بىرگە ەكى ەلدىڭ ءوزارا ساياسي سەنىمىن بەكەمدەپ، جوعارى جىكتەگىلەردىڭ بارىس - كەلىسىن جيىلەتىپ، ءتۇرلى سالاداعى ناقتى سەلبەستىكتى تەرەڭدەتۋگە قۇلشىنۋدى قالايدى. جۇڭگو العا قويعان «ءبىر بەلدەۋ، ءبىر جول» دارىپتەمەسىنىڭ دۇنيە ءجۇزى ەكونوميكاسىن جەبەۋدە ماڭىزدى ىلگەرىلەتۋ رولىن اتقاراتىنى داۋسىز. يسپانيا «ءبىر بەلدەۋ، ءبىر جول» جۇلگەسىندە نەگىزدىك قۇرىلعىلار، ەنەرگيا سياقتى سالالارداعى سەلبەستىككە بەلسەنە ات سالىسۋدى قالايدى.

ۋاڭ حۋنيڭ، لي جانشۋ، ياڭ جيەچى كەزدەسۋدە بىرگە بولدى.

شينحۋا اگەنتتىگىنىڭ 9 - ماۋسىمدا استانادان بەرگەن حابارى. 9 - ماۋسىمدا مەملەكەت ءتوراعاسى شي جينپيڭ استانادا تۇركمەنستاننىڭ زۇڭتۇڭى بەردىمۇحامەدوۆپەن كەزدەستى. 

شي جينپيڭ بىلاي دەپ اتاپ كورسەتتى: جۇڭگو مەن تۇركمەنستان ابزال دوس، جاقسى سەرىكتەر. بۇگىنگى تاڭدا جۇڭگو مەن تۇركمەنستان قاتىناسىنىڭ دامۋ جاعدايى تاماشا. ەكى ەلدىڭ ساياسي ءوزارا سەنىمى ۇزدىكسىز ارتىپ، ناقتى سەلبەستىگى ۇزدىكسىز تەرەڭدەدى، حالىقارالىق ىستەردە تىعىز سەلبەستىكتەر جاسادى. جۇڭگو جۇڭگو - تۇركمەنستان قاتىناسىنا بارىنشا ءمان بەرەدى، ەكى ەلدىڭ ديپلوماتيالىق قارىم - قاتىناسىنىڭ 25 جىلدىعىن عانيبەت وراي ەتىپ، ءوزارا قولداۋ سەرپىنىن ارتتىرىپ، ءوزارا پايدالى سەلبەستىكتەردى تەرەڭدەتىپ، جۇڭگو مەن تۇركمەنستاننىڭ ستراتەگيالىق سەرىكتەستىك قاتىناسىنىڭ ءمانىن ۇزدىكسىز بايىتۋدى قالايدى. 

شي جينپيڭ بىلاي دەپ باسا دارىپتەدى: جاڭا جاعدايدا جۇڭگو مەن تۇركمەنستان جوعارى جىكتەگىلەر، سونداي - اق ءار جىكتەگىلەر اراسىنداعى قارىم - قاتىناستى نىعايتىپ، كومەسكى كۇشتى تولىق اشىپ، ۇزدىكسىز ىزدەنىستەر جاساپ جاڭالىقتار اشىپ، ەكى ەلدىڭ كەلەسى كەزەڭدەگى ءار سالاداعى ناقتى سەلبەستىكتەرىن بىرگە جوبالاۋى كەرەك. گۋمانيتارلىق بارىس - كەلىستى نىعايتىپ، ەكى ەل حالىقتارىنىڭ ءوزارا تۇسىنىستىگى مەن دوستىعىن كۇشەيتۋى كەرەك. ءبىز تۇركمەنستاننىڭ «ءبىر بەلدەۋ، ءبىر جول» قۇرىلىسىن ەرتەرەك قولداپ، وعان ات سالىسقانىن القايمىز، جۇڭگو تۇركمەنستانمەن بىرگە «ءبىر بەلدەۋ، ءبىر جول» اياسىندا سەلبەستىكتەر جاساپ، ەكى ەل حالىقتارىن ءتىپتى جاقسى باقىتقا كەنەلتۋدى قالايدى. 

بەردىمۇحامەدوۆ مىنالاردى ءبىلدىردى: تۇركمەنستان مەن جۇڭگو ديپلوماتيالىق قاتىناس ورناتقان 25 جىلدان بەرى، ەكى ەل قاتىناسى ايتارلىقتاي دامىدى. ەكى ەل ءبىر - ءبىرىنىڭ وزەكتى ماسەلەلەرىندە جانە حالىقارالىق ىستەردە ءبىرىن - ءبىرى قولدادى، ەكونوميكا - ساۋدا سەلبەستىكتەرىندە مول جەتىستىكتەرگە قول جەتكىزدى. تۇركمەنستان تۇركمەنستان مەن جۇڭگونىڭ ستراتەگيالىق قاتىناسىن تەرەڭدەتۋگە كۇش سالادى، جۇڭگومەن بىرگە جوعارى جىكتەگىلەر اراسىنداعى قارىم - قاتىناستى نىعايتىپ، «ءبىر بەلدەۋ، ءبىر جول» اياسىندا تابيعي گاز، تازا ەنەرگيا، ءوندىرىس قۋاتى، قاتىناس - تاسىمال نەگىزدىك قۇرىلعىلارى سياقتى سالالارداعى سەلبەستىكتى كەڭەيتىپ، وقۋ - اعارتۋ، مادەنيەت سياقتى گۋمانيتارلىق بارىس - كەلىستەردى كۇشەيتۋدى قالايدى. تۇركمەنستان - جۇڭگو قاتىناسىنىڭ اقالتەكەدەي ارقىراپ شاپشاڭ دامۋىن شىن جۇرەكتەن ءۇمىت ەتەمىن.

كەلۋ قاينارى: شينجياڭ گازەتى

http://kazakh.xjdaily.com