اۆتونوميالى رايوننىڭ ۇيىمداستىرۋ جۇيەسى كادرلار قوسىنىنداعى «ەكىبەتكەيلەرمەن» كۇرەس جۇرگىزۋ جونىندە سەرت بەرۋ جينالىسىن اشتى

ماجىلىستە اقسۋ ايماقتىق پارتكومنىڭ ۇيىمداستىرۋ ءبولىمى، حوتان ايماقتىق پارتكومنىڭ ۇيىمداستىرۋ ءبولىمى، شاپشال سىبە اۆتونوميالى اۋداندىق پارتكومنىڭ ۇيىمداستىرۋ ءبولىمى، شينجياڭ ۋنيۆەرسيتەتى پارتكومى سياقتى 4 ورىن پىكىر اۋىستىرىپ، ءسوز سويلەدى. ءماجىلىس بەينە ەكران تاسىلىمەن وتكىزىلدى. ۇرىمجىدەن ايماق، وبلىس، اۋدان، قالالارعا دەيىن رايونىمىزداعى 11 مىڭنان استام ۇيىمداستىرۋ قىزمەتىندەگى كادرلار پارتياعا كىرگەندە بەرگەن سەرتتى قايتا ەسكە الىپ، توپتىق سەرت بەرىپ، كادرلار قوسىنىنداعى «ەكىبەتكەيلەرمەن» باتىل كۇرەس جۇرگىزەتىندىگى جونىندە «باس شۋجي شي جينپيڭنىڭ بەدەلىن باتىل قورعاپ، پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ، شينجياڭ قىزمەتىنىڭ باس نىساناسىن تياناقتاندىرۋعا نازاردى باتىل شوعىرلاندىرىپ، كادرلار قوسىنىنداعى «ەكىبەتكەيلەرمەن» باتىل كۇرەس جۇرگىزىپ، قوعام ورنىقتىلىعى مەن باياندى تىنىشتىقتى جۇزەگە اسىرۋ جولىندا ءوزىمدى پارتياعا، وتانعا ارناپ، پارتيانىڭ، وتاننىڭ ءۇمىتىن اقتايمىن!» دەپ سالتاناتتى سەرت بەردى.

ءماجىلىس مىنالاردى باسا دارىپتەدى: ءار دارەجەلى ۇيىمداستىرۋ تاراۋلارى قوعام ورنىقتىلىعى مەن باياندى تىنىشتىق باس نىساناسىن بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتى بەلگىلەگەن شينجياڭ قىزمەتىنىڭ باس نىساناسىن قاز - قالپىندا دايەكتى تياناقتاندىرىپ، باس نىسانا تۋىن ءتىپتى دە بيىك ۇستاپ، بەتالىسىن ءتىپتى دە دۇرىستاپ، تالابىن ءتىپتى دە ناقتاپ تياناقتاندىرۋى كەرەك. بولشەكتەۋشىلىككە قارسى كۇرەستىڭ ءتۇبىرلى قىزمەت ولشەمىن ورناتىپ، پارتيا قوسىنىن كىرشىكسىزدەندىرۋدى مىقتاپ ارقاۋ ەتىپ، جاۋمەن كۇرەس جۇرگىزۋدەگى تاباندىلىقتى، بىردەيلىكتى ساقتاپ، «ەكىبەتكەيلەردىڭ» اۋىر زالالىن اناعۇرلىم جەتە تانىپ، كۇرەس تانىمىن كۇشەيتىپ، كۇرەس ارقاۋىن شيراتىپ، بولشەكتەۋشىلىككە قارسى تۇرۋ كۇرەسى قابىلەتى مەن دەڭگەيىن ۇزبەي ءوسىرىپ، بولشەكتەۋشىلىككە قارسى تۇرۋ كۇرەسىنىڭ تىڭ جەڭىسىنە قول جەتكىزۋى قاجەت. ءوزىن پارتياعا، وتانعا ارناپ، پارتيانىڭ، وتاننىڭ ءۇمىتىن اقتاۋ وسكەلەڭ سانالىلىعىن كۇشەيتىپ، «4 تانىمدى» بەرىك ورناتىپ، ساياسي سەزگىرلىك پەن ساياسي پارىقتاۋ قابىلەتىن ارتتىرىپ، «ەكىبەتكەيلەردى» بايقاۋ قابىلەتىن ۇزبەي ءوسىرۋى ءتيىس. ادام تاڭداۋدىڭ، ادام ىستەتۋدىڭ دۇرىس بەتالىسىنا، پارتيا ىستەرىن بارىنەن دە جوعارى ورىنعا قويۋعا، كادرلاردى تاڭداپ ىستەتۋدە ورنىقتىلىقتى قورعاۋدى ءتۇيىن ەتۋگە تاباندى بولىپ، وبۇلقاسىم ءماتتۇرسىن سياقتى جاقسى كادرلاردىڭ كوپتەپ جارىققا شىعۋىنا مۇمكىندىك جاساۋى كەرەك. كادرلاردى تاڭداپ ءوسىرۋدى، باقىلاۋ - باسقارۋدى قاتايتىپ، «ساياسيدى دارىپتەمەۋدى، ءتارتىپتى دارىپتەمەۋدى، جالپى جاعدايدى دارىپتەمەۋدى، ىنتىماقتى دارىپتەمەۋدى، جاۋاپكەرشىلىكتى دارىپتەمەۋدى» باعالاۋدىڭ، باقىلاۋ - باسقارۋدىڭ ءتۇيىنى ەتىپ، ءسوزى ءبىر باسقا، ءىسى ءبىر باسقا كادرلاردى استە وسىرمەۋى، استە ءمان بەرىپ ىستەتپەۋى، باسشىلىق ورىندا ىستەپ جاتقانداردىڭ مىندەتىن تومەندەتۋ ءارى پارتيا ءتارتىبى، مەملەكەت زاڭى بويىنشا قاتاڭ ءبىر جاقتى ەتۋى قاجەت. نەگىزگى ساتى ۇيىمدىق قۇرىلىسىن كۇشەيتىپ، نەگىزدى كۇشەيتىپ، تاعاندى بەكەمدەۋگە ءتىپتى دە ءمان بەرىپ، نەگىزگى ساتى تيپتەرىن ويداعىداي ورناتۋ، نەگىزگى ساتىداعى ماسەلەلەردى شەشۋ جاعىنا ءتىپتى دە كۇش سالىپ، ياچەيكا قۇرىلىسىن، ياچەيكا رولىن ۇزبەي كۇشەيتىپ، «ەكىبەتكەيلەر» ماسەلەسىن ءتۇيىندى شەشۋى كەرەك.

ءماجىلىس مىنالاردى تالاپ ەتتى: ءار دارەجەلى ۇيىمداستىرۋ تاراۋلارى ءبولىمدى جاپپاي قاتاڭ جونگە سالۋدا تاباندى بولىپ، «شىراق ءتۇبى قاراڭعى» بولاتىن جاعدايدىڭ تۋىلۋىنان ساقتانۋى، ساياسيدا تاباندى بولۋدا ۇلگى بولىپ، تۋى ايقىن تۇردە ساياسيدى دارىپتەۋى، باس شۋجي شي جينپيڭنىڭ ۇيتقىلىق ورنىن باتىل قورعاۋى، پارتيا ورتالىق كوميتەتىمەن ءارقاشان جۇرەكتەس، تىلەكتەس بولۋى كەرەك؛ بولشەكتەۋشىلىككە قارسى كۇرەستە ۇلگى بولىپ، توڭكەرىستىك جاۋىنگەرلىك قاسيەتتەرىن ماڭگى ساقتاۋى، بولشەكتەۋشىلىككە قارسى تۇرۋ كۇرەسىندە اتويلاپ الدا ءجۇرۋى، باتىلدىقپەن سوڭىنا دەيىن كۇرەسۋى كەرەك؛ ادال بولۋدىڭ، جاۋاپكەرشىلىكتى باتىلدىقپەن ارقالاۋدىڭ ۇلگىسى بولىپ، كوكەيدە پارتيانىڭ بەدەلىن بارىنەن جوعارى ورىنعا قويىپ، جاۋاپكەرلىكتى باتىلدىقپەن ارقالاي الاتىندار ءۇشىن جاۋاپتى بولۋى، باتىلدىقپەن ءىس تىندىرا الاتىندار ءۇشىن قىزمەت ەتۋى كەرەك؛ باس نىسانانى تياناقتاندىرۋدا ۇلگى بولىپ، باس نىسانانى جەتەكشى، نەگىزگى تاقىرىپ جانە بورىش دەپ ساناۋدان جازباي، قاي - قاشان دا باعىت ايقىن، سەنىم بەكەم، ءادىس - امالدار ناقتى بولۋى كەرەك؛ پارتيا قۇرىلىسىن كۇشەيتۋدە ۇلگى بولىپ، پارتيانىڭ ۇيىمدىق باسىمدىعىن، ۇيىمدىق فۋنكتسياسىن، ۇيىمدىق قۋاتىن تولىق ساۋلەلەندىرىپ، پارتيانى باسقارۋدا، پارتيانى جونگە سالۋدا ءوزىن تۇزەپ، كۇش - قۋاتىن نىعايتۋى، پارتيا قوسىنىن كىرشىكسىزدەندىرىپ، ساياسي ەكولوگيانى تازارتىپ، پارتيا 19 - قۇرىلتايىنىڭ جەڭىسپەن اشىلۋىنا ۇلەس قوسۋى كەرەك!

اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ما شۋەجۇن جينالىسقا قاتىناستى ءارى ءسوز سويلەدى.

جاۋاپتى رەداكتورى : نۇربولات قابىل ۇلى

كەلۋ قاينارى: شينجياڭ گازەتى

http://kazakh.xjdaily.com