التاي ايماقتىق لەكتورلار ۇيىرمەسى قابا اۋدانىندا ۇگىت لەكسيا جاساۋ قيمىلىن قانات جايدىردى
ءادىل تۋعانباي ۇلى حابارلايدى. مامىردىڭ 17-كۇنى، التاي ايماقتىق لەكتورلار ۇيىرمەسى قابا اۋدانىندا«شي جينپيڭ باس شۋجيدىڭ جەلىلەس ماڭىزدى سوزدەرى» مەن «اۆتونوميالى رايوندىق پارتيا كوميتەتىنىڭ 9-كەزەكتى 2-رەتكى كەڭەيتىلگەن جالپى ءماجىلىسىنىڭ رۋحى» جانە «ۇشقارىلىقتى الاستاۋ ەرەجەسىنەن» ۇگىت لەكسيا جاسادى.
بۇل رەتكى ۇگىت لەكسيا قيمىلى حانزۋ ءتىلى جانە قازاق ءتىلى سىندى ەكى تىلدە بولىپ، ەكى مايداندا الىپ بارىلدى.
اۋداندىق ءتورت باسشىلىق القاسى، اۋىل-قالاشىق باسشىلارى، ورگان كادرلەرى، قىستاقتا تۇراتىن قىزمەت اترەتىنىڭ باسشىلارى، نەگىزگى ساتىداعى تىرەكتى ۇگىتشىلەر، ۇزدىك پارتيا مۇشەلەر ۋاكىلدەرى، ءدىني قيمىل ورىندار باسقارۋ، تاربيەلەۋ قىزمەت وتەۋ كوميتەتىنىڭ جاۋاپتىلارى قاتارلى 500 دەن استام ادام اتالعان لەكسياعا قاتىناستى ءارى تىڭدادى.
ۇگىت لەكسيا بارىسىندا، لەكتورلار ۇعىنىقتى ءارى جاتتىق تىلمەن شي جينپيڭ باس شۋجيدىڭ جەلىلەس ماڭىزدى سوزدەرى مەن اۆتونوميالى رايوندىق پارتيا كوميتەتىنىڭ 9-كەزەكتى 2-رەتكى كەڭەيتىلگەن جالپى ءماجىلىسىنىڭ رۋحىنداعى جاڭا وي، جاڭا مىندەت، جاڭا تالاپ قاتارلى ماڭىزدى تۇيىندەردى مانەرىنە جەتكىزە سويلەدى. سونىمەن قاتار، «ۇشقارىلىقتى الاستاۋ ەرەجەسىن» ۇگىتتەۋ بارىسىندا وڭتۇستىك جانە سولتۇستىك شينجياڭداعى ۇشقارىلىقتى الاستاۋدىڭ ءىس جۇزىندىگىمەن بىرلەستىرىپ ناقتىلى مىسالدار كەلتىرىپ «ۇشقارىلىقتى الاستاۋ ەرەجەسىنىڭ» جاۋھار مازمۇنىن اۋدانىمىزداعى ءارۇلت حالقىنىڭ جۇرەگىنە جەتكىزدى.
نەگىزگى ساتىدان كەلگەن ۇگىتشى اقىنبەك قازەز ۇلى:«وسى رەتكى ۇگىت لەكسيا قيمىلىنا قاتىسىپ تىڭداۋ ارقىلى، شي جينپيڭ باس شۋجيدىڭ جەلىلەس ماڭىزدى سوزدەرىنە، اۆتونوميالى رايونىمىزدىڭ پارتيا كوميتەتىنىڭ9 -كەزەكتى2-رەتكى كەڭەيتىلگەن جالپى ءماجىلىسىنىڭ رۋحىنا جانە ‹ۇشقارىلىقتى الاستاۋ ەرەجەسىنىڭ› ءتۇرلى بىلىمدەرىنە يە بولدىم. سونىمەن قاتار، جاڭا ءبىر تۇسىنىك، جاڭا ءبىر تانىم قابىلدادىم. مەن ءبىر ۇگىتشى بولۋ سالاۋاتىممەن بۇل مازمۇنداردى ونان ارى جاقسى ۇيرەنىپ كوكەيىمە توقىپ، حالىق بۇقاراسىنا اينىتپاي ۇگىتتەيمىن»-،دەدى.
![](/attachment/editor/image/201705/21/WWXRMaYeld3n1pVaOeND.jpg)
![](/attachment/editor/image/201705/21/yCG40KG93ppYUGp0tHex.jpg)
![](/attachment/editor/image/201705/21/nRQmnn3qFhGCqA29AvKB.jpg)
![](/attachment/editor/image/201705/21/B2pxP0H9YKhEI3RGCEFG.jpg)
![](/attachment/editor/image/201705/21/0vukF0L8mXyixE00u2Wt.jpg)
![](/attachment/editor/image/201705/21/tazkw8OcIowB9kUHoP7R.jpg)
![](/attachment/editor/image/201705/21/TzAGE0rYNP1dGZnyV8Ab.jpg)
ءتىلشىنىڭ قىزمەت ورنى:قابا اۋدانى پارتكوم ۇگىت ءبولىمى