شاي شىنىمەن ەكى شىنى كۇرىش، ءتورت تال ءسابىز، بەلگىلى مولشەردە ەت(ەت كوبىرەك بولسادا بولادى)، جارتى باس پىياز.

وسىلاردى تايارلاپ بولىپ كۇرىشتى سالقىن سۋدا جۋامىز، ەتتى تۋرايمىز(ۇلكەن جاپىراقتاپ تۋرالادى)، ءسابىزدى جىڭىشكەلەپ تۇراپ، باس ءپىيازدى قالىپتى تۋرايمىز. وسى جۇمىستار ىستەلىپ بولعان سوڭ، قازانعا ءبىر شىنى مولشەرىندە سۋ ماي(مالدىڭ مايىن ارالاستىرعان ماي بولسادا بولدى)قۇيامىز، مايدى قىزدىرىپ بولعان سوڭ، تايارلانعان ەتتى قۋىرامىز، ودان ءسابىزدى سالىپ مايعا ابدەن قۋىرىپ(كۇيىپ كەتپەۋ كەرەك) بولعان سوڭ، پىيازدى سالىپ بىراز ارالاستىرپ بارىپ، ءبىر شىنى سۋ قۇيامىز. سۋ قايناعان سوڭ تۇز سالىپ ، تۇزدىڭ شىققان-شىقپاعانىن تاتىپ كورىپ، ونان جۋىلعان كۇرىشتى سالامىز. بۇنى ارالاستىرماي ءسابىزدى استىنا قالدىرىپ، كۇرىشتى بەتىنە سالىپ، سۋى تارتىلعانشا قايناتامىز. ودان قازاننىڭ بەتىن جاباردا تازالاپ جۋىلعان مەيىزدەن از مولشەردە كۇرىشتىڭ بەتىنە سەۋىپ قويساق تىپتى جاقسى، پالاۋدىڭ ءدامىن كەلتىرە تۇسەدى. قازاننىڭ بەتىن مىقتاپ ، اۋاسىن شىعارماي تىمشالاپ جاۋىپ تاستايمىز. بۇل كەزدە وتتى وتە كۇشتى قويىۋعا بولمايدى.سودان بۇنى 25مىينوت مولشەرىندە بىقتىرامىز. ەگەر كۇرىشىڭىز ودان كوپ بولسا 30مىينوت بىقتىراسىز. ۋاقىت بولعاندا بەتىن اشىپ ، پالاۋدى ارالاستىراسىز. سونىمەن بۋى  بۇرقىراعان  پالاۋ  الدارىڭىزدا  دايىن بولادى .

كوپ  ساندى  ادامدار پالاۋعا  سۋىق  ءساي  قوسىپ جەۋدى  ۇناتادى .ونداي  بولسا ، سۋىق  ءسايدى قالاي جاسايمىز .

تومەندەگىدەي :

قىياردىڭ بىرنەشە تالىن ، قابىعىن ارشىپ بولعان سوڭ شەدەۋمەن ۇرىپ بوساتىپ الىپ، ءوز ۇناتقان قاجەتىمىزگە قاراي تۋرايمىز دا تالەنكەگە سالىپ ۇستىنە جەتەرلىك تۇز سەۋىپ، ازىراق سىركە سۋ قۇيىپ، ۋ سارىمساقتان ءبىر باستى جانشىپ ارالاستىرامىز دا تالەنكەگە سالامىز .