قۋات اسىلبەك
1
كەلە جاتقان كوكتەم بە؟
شۇعىلالى شىقتى كۇن.
ەلىتەدى ەسكەن جەل،
جۇرەگىمنىڭ تۇكپىرىن.
كەلە جاتقان اسىلىم،
جاڭبىرما الدە العاشقى.
مۋزا بولعان عاشىعىم،
ماۋسىمدارعا الماستى.
ءساۋىر ايى سەزىنەم،
كەۋدەسىنەن كۇي اعىپ.
پەندەلەردىڭ كوزىمەن،
قاراعاننان ۇيالىپ.
كوكتەم ەكەن قۇلشىنار،
شۇعىلاڭا باياعى.
قويادى تەك جىلقىلار،
« تەۋىپ-تەۋىپ اياعىن ».
2
سىرىمدى جاتقا سەزدىرمەي،
كەلدىڭبە كوكتەم!
كەلدىڭبە ەي.
ولەڭسىز وتكەن كۇندەرىم،
وگەيسىپ قالدى كوردىڭ عوي.
تۇسىنبەي قالار ول نەگە؟
توسىپ ال مەنى كومبەدە.
اق پاراقتارى ارىمنىڭ،
ساقتاۋلى سىرلى بولمەدە.
كوكتەمسىز جۇرەك ءانسالما،
ساعىندى سەنى قالقامدا.
ساعىندى سەنى تاۋ بىتكەن،
ۇمىتپەن قاراپ ءار تاڭعا.
قايتەمىن ەندى ويلانىپ،
ساپارعا شىقتىم سايلانىپ.
كوكتەمدە تۋعان اقىننڭ،
باھادۇرىنا اينالىپ.
3
كوزىڭە سەنىڭ جاس تولعان،
بۇلتتار-اۋ كوشسەڭ كوشەبەر!
مەنىمەن بىرگە ماس بولعان،
باقشالار، تۇنگى كوشەلەر.
سەن كوشىپ بارساڭ تەرىستىك،
قارسى الار ەدى ەلجىرەپ.
جاپ- جاسىل سوناۋ ەگىستىك،
جاپ- جاسىل سوسىن بار جۇرەك.
سۇيەيتىن كوكتەم باسىمدى،
بۇل ءومىر سوندا ءتاتتىءومىر.
وزەندەر قازىر اشۋلى،
بوز تورعاي قازىر اق كوڭىل.
كورىندى مەنىڭ كوزىمە،
جىلداردىڭ سوڭعى جوتاسى.
بوز تورعاي دوستىڭ سوزىنە،
جازىلعان تاعدىرنوتاسى.
ويىمنان سول ءان كەتپەيدى،
كۇن شىققان شاقتا ەرتەمەن.
ومىرشەڭ وركەن كوكتەيدى،
تامىرى تەرەڭ ولكەدە.
سۇيەيتىن كوكتەم باسىمدى ،
بۇل ءومىر سوندا تاتتىءومىر.
وزەندەر قازىر اشۋلى،
بوز تورعاي قازىر اق كوڭىل.
بىزدەردە سەنى ويلادىق،
«شاقىرعان شاقتا باق مىناۋ».
اپپاق قازدارعااينالىپ،
ولەڭ بوپ سەندە جەتتىڭ- اۋ.
4
- تەز ورال دەپ،- حات جازدىم..ساعان ەركەم!
سەنى كۇتكەن جاناشىرازبا مۇندا.
سارالا قاز، ءان شىرقاپ كەلەدى ەرتەڭ،
كەلەدى ەرتەڭ، ءساۋىرىم سازدى اۋىلعا.
سيلاپ بەرىپ تۇكسيگەنءتۇندى ماعان،
ءوتتى قاڭتار، جەتتى ەندى نۇرلى ارايىم!
وڭ قولىمدا جادىراپ كۇلدى قالام،
جىرلايمىن دەپ قۋاتتىڭ تۋعان ايىن.
جۇرەگىمنىڭ تۇبىنە جۋىقتاعان،
سارالاقاز داۋىسى..اسپانءانى.
ەركە قىزبەن جىل قۇسى ۇمىتپاعان،
ءساۋىردەن بىتپەس ەرتەك باستالادى.
ءوزىم بىلەم تاپپايمىن سول كەسكىندى،
جالعىز كەلىپ تۇرعان جوق كوكتەم بۇگىن.
ارت جاعىما قالدىرىپ كەلمەس كۇندى،
ۋاقىت عانا وتكىزدى وكتەمدىگىن.
-سەن تەز ورال.. ايتتىم مەن،
سىرىمدى انىق،
وڭ قولىما قالامدى قايتا الىپ ءبىر.
كۇن باتىستا ءبىر ساعىمءدىرىل قاعىپ،
كۇن شىعىستا قىزىل وت شايقالىپ تۇر.
5
ۇيقىمنان ويات مەنى..قاناتتى قۇس،
كوكتەمنىڭ سالەمىن ال..ارقامداعى.
قالجىڭداپ قاراعانداي..اي- اق كۇمىس،
ءوزىن كورگەن اقىنعا بالكونداعى!
مەنىڭ باسقان ءىزىمدى ساناپ تۇرار،
وزگەدەن بوتەن مۇلدە بىزدەگى الەم!
قايتا ورالدى قوشتاسقان قاناتتىلار،
قايتا ورالدى قوشتاسقان كۇزدەگى ولەڭ.
جىلعا جاۋاپ ايتا الماي كوپ اداسقام،
قۇپيا، جۇرەگىمنىڭ شىندەگى.
تابانىمدا- توپىراق،
توبەدە اسپان!
ءبىر سىرىمدى ءالى كۇن تۇسىنبەدى.
ىزدەپ بارىپ دوسقاايتتىم جىر وقىعان،
جاسىرماي ەشتەڭەسىن-ءوز قالپىندا.
شىعا الماي ءوزى جاققانءسوز وتىنان،
دوس، دۇشپان ايتاالمادى قالدى ارتىمدا.
ىزدەپ بارىپ قىزعاايتتىم قارا كوزدى،
سۇلۋلىعىن جۇرەتىن شاشىپ گۇلدەپ.
ءبىر اڭگىمە باستادى ول بالا كەزگى،
سول سىرىڭا عالامات عاشىقپىن دەپ.
جۇرگەن جەرىم تۋعان جەرجىلى- شۋاق،
ەركىن وسكەن تاۋلاردىڭ كەربۇعىسى.
ءبىرى قاراپ الدىمنان ءبىرى سىناپ،
ءتاتتى ەرتەكتىڭ كىمگە ايتتىم ەندىگىسن.
قالجىڭداماي سەن ايتشى..اي-اق كۇمىس،
اينالامنان ازىرگە كەتكەن جىگەر.
و، مىنە قايتا ورالدى قاناتتى قۇس،
ءبىر بىلسە سول سىرىمدى كوكتەم بىلەر.
加载评论内容,请稍等......