سەرجان قابەت ۇلى 1965-جىلى قاراشا ايىندا قابا اۋدانىندا تۋىلعان . اۆتور قازىرگە دەيىن ءجۇزدىڭ ۇستىندە ولەڭ ، ءبىرقانشا اڭگمە ، ادەبي ماقالالاردى جازىپ جاريالادى . ادەبي اۋدارمادا بوي كورسەتكەن ونىڭ ، <<قان بەرۋ >> اتتى كومادياسى ، <<سەرجان جىرى>>، <<قۇتتى بولسىن قادامىڭ >> اتتى ءان تەكستەرى رايوندىق ، ايماقتىق كاسىپتىك بايقاۋلاردا جاسامپازدىق سيلعىن ؛ <<قۇتتى قوناق >> اتتى كومادياسى ايماقتىق 13- كەزەكتى اقىندار ايتىسندا 2-دارەجەلى جۇلدەنى ەنشىلەگەن . اۆتور قازىر قابا اۋداندىق ساناق مەكەمەسىندە ىستەيدى ، التاي ايماقتىق جازۋشىلار قوعامىنىڭ مۇشەسى،جاس قانات تورابىنىڭ ادەبي جەتەكشىشى .
ــ رەداكسيادان
جامال اپايدىڭ كەڭىردەگىنەن اس وتپەي ، تاماق جەسە قىزىل وڭەشىن تىرناپ ازاپتاعالى دا اپتادان استى ، ءبىراق جان بالاسىنا سەزدىرمەي كەلەدى ، باياعى جانسەبىلدىگىنە باسىپ جۇرگەنى بولماسا”اس ادامنىڭ ارقاۋى “-دەمەكشى شاينامادان قالعالى از ۋاقىت بولسادا كوزدەرى ىشىنە تارتىپ، ەكى ۇرتى ويازداي قالعان ەدى ، بۇل كەسەلدىڭ ايتىپ كەلگەن اجال ەكەنىن ول كىسى ىشتەي سەزىپتە جۇر، ەكى جىلدىڭ الدىندا مارحۇم شالىنا جابىسقان ايقباس اۋىرۋدىڭ باسىدا وسىلاي باستالعاندى ، جارقتىق شالى سودان ەكى- اق اي جولداس بولىپ ، سوڭعى وسىيەتىندە جالعىز ۇلدىڭ باس قۇراۋ ءىسىن وزىنە اماناتتاپ ، كەلمەس ساپارعا اتانعان بولاتىن . ەندى مىنە مارحۇمنىڭ اماناتىنىڭ ورندالۋىنادا اللا بۇيرسا ازاق ۋاقىت قالدى، ءبىر جۇمادان كەيىن قىستاۋلىققا كوشىپ بارادى، بارا سالا كەلىن تۇسىرمەك ، وسىنداي كەزدە اۋىردىم دەپ ارسىل- گۇرسىل جاتىپ السا ، كەلگەلى تۇرعان كەلەلى ىسكە كەسە كولدەنەڭ بولماي ما ، وندا جالعىز ۇلدىڭ الداعى كۇنى نە بولماق، شالىنىڭ اماناتى قايدا قالماق ، مارحۇمنىڭ الدىنا قالاي بارماق ، ودان قۇداي ساقتاسىن دەپ ويلاعان جانسەبىل انا بەلىن شارت بۋىنىپ ، قانىنا بىتكەن قايسارلىعىنا تىزگىن بەردى ، جالعىز ۇلعا سىر بىلدىرمەي تاڭنان تۇرىپ سىيىر سۇتىنەن داتكە قۋات قىلىپ بىرەر قالاق ۇرتاپ ءنار العان بولادى دا بولادى تويدىڭ باكىن - شۇكىن كۇيبىڭىنە وتىرادى. شەشەسىنىڭ از ۋاقىتتىڭ ىشىندە اشاڭ جۇزىنەن قان تايىپ ، ەسكىرە قالعان جامالىن كورىپ اۋىرپ قالدى ما دەپ كۇدىكتەنگەن جانات نەشە رەت :
- شەشە وڭىڭىز قۋارىپ ، كوزڭىز كىرتيە قالىپتى، سىرقاتتانىپ جۇرگەن جوقسىز با؟ مىنا كۇيبىڭدى قويا تۇرىپ جوعارى ورىنعا بارىپ ، جاقسىلاپ تەكسەرتەيىكشى ، جان امان بولسا ، قالعان ءىس اقىرىن- اقىرىن بىتبەيمە ، كەلىن تۇسىرەم دەپ جۇرىپ دەنساۋلىعىڭىزدان ايىرىلىپ قالماڭىز، ايتتىرىپ قويعان قالىڭدىق قايدا بارادى دەيسىز ، بولماسا توي ۋاقىتىن شەگەرمەيمىزبە دەگەن بولاتىن ، ونداي دا جامال اپاي ۇلىنا قاباعىن شىتىپ:
- قوي بالام ، قايداعى ءسوزدى ايتپاس بولار ، كەلگەلى تۇرعان كەلىننىڭ كەۋدەسىنەن يتەرەتىن مەنى جىن سوقتى دەيمىسىڭ ؟ الىپ بارا جاتقان دەرت جوق ، باياعى باسىمنىڭ كونە قۇياسىدا ۇستاپ جۇرگەن ، ويعا تۇسكەن سوڭ ورنىنا كەلەدى دە امانشىلىق بولسا دەپ تويتارىپ تاستاعان.
سوندادا ءبىر كۇدىك كوڭىلىنە تۇينشەك كۇيى كەتكەن جانات جامال اپايدىڭ تاپسىرىعىمەن ويعا كەرەك- جاراق العالى تۇسكەندە ، وندىرىس قىستاعىنا ۇزاتىلعان اپەكەسى جاينانىڭ وتباسىنا ارنايى ات باسىن بۇرىپ ، اپەكەسىنە ءوز كۇمانىن ايتقان، وزىدە بارىپ حابارلاسقالى وتىرعان اپەكەسى، بۇل حاباردى ەستىسىمەن قولدى اياققا توقتاماي باۋىرىن اتتاندىرا سالىسىمەن ، قىستاق باستىعىنىڭ قوڭىر توبەلىن سۇراپ مىنىپ اسىعىس اتقا قۇندى. مىنە جۇردەك جانىۋاردىڭ ەلپەك جۇرىسىمەن كۇزەۋلىگى قارا ادىردا وتىراتىن ءتوركىنىنىڭ اۋىلىنا سالىپ ۇرىپ كەلەدى، قوڭىر توبەلدە جاينانىڭ البارىندى كوڭىل كۇيىن سەزگەندەي قامشى سالدىرماي ويقاستاي باسادى . ” شەشەم بايقۇس شىنىمەن سىرقاتتانىپ قالدىما ؟ قايسى كۇنگى تۇسىم جامان ەدى ، تۇسىمدە شەشەم ەكى جىلدىڭ الدىندا اكەمنىڭ جىلدىعىنا سويعان اقكوك اتقا مىنىپ اپپاق كويلەك كىيىپ ، اقساي وزەنىنەن ارعى جاعاعا وتىپ بارادى ەكەن دەيمىن ، وزەن سۋى كوبىك شاشىپ دولدانا جاعانى ۇرادى جانات ەكەۋىمىز بەرگى جاعادا شەشە بەرى قايت ، وزەن تاسىپ جاتىر دەپ ايعايلاپ جاتىرمىز ، بىراق شەشەم ەستىيتىن ەمەس ، ارعى جاعادا بۇلدىراپ قول بۇلعاپ تۇرعان اكەمنىڭ ەلەسى كورىنەدى ، ايعايلاپ جاتىپ شوشىپ ويانعان ەدىم ، سوندا اللانىڭ بەرگەن ايانى بولعانى ما؟ جو ..جوق ، قوي تۇس تۇلكىنىڭ بوعى دەگەن ، ونداي كۇندى ارى قىلسىن “ دەپ سەلت ەتە قالعان جاينا ات ۇستىنەن الدىعا قاراي ەڭكەيىپ بارىپ قوڭىر توبەلدىڭ جالىنان اسىرا تۋ..تۋ..تۋ.. دەپ الدە نەشىە رەت تۇكىرىپ جىبەرىپ ەرتوقىمعا دۇزەلىپ وتىردى دا تاعىدا سول تىزگنىن بەرمەس ويدىڭ مەڭگەرۋندە كەتتى ”ءبىر ايدىڭ الدىندا عانا ول كىسىلەر ورتا جايلاۋدا وتىرعاندا بارىپ، تويدىڭ دايىندىعىنا كومەكتەسىپ، كورپە جاستىعىن تىگىسىنپ قايتقانىمدا جاپ جاقسى ەدى عوي ، شەشەم بايقۇس بۇل دۇنيەدەن نە قىزىق كۇردى ، زارىعىپ بارىپ كورگەن ەكى بالانى جەتكىزەمىن دەپ ەتىگىمەن سۋ كەشكەندەي ، جاز جايلاۋ قىس قىستاۋدەپ البارىندى بولۋمەن كەلەدى، كارتەيگەندە اكەمنەن ايىرىلىپ ونىڭ كۇيىگىن ءبىر تارتى ، ەندى ەندى ەل ساناتىنا قوسىلىپ، اكە تۇتىنىن تۇتەتەتىن جالعىز ۇلدىڭ قىزىعىن كورەمبە دەپ جۇرگەندە امان بولسا ەكەن بايقۇس ، ءاي ءالى بالا عوي جاناتتىكى باياعى سول شىيكى كۇمان شىعار ايتپەسە ءبىر ايدىڭ ىشىندە ول كىسىگە نە زوبالاڭ كەلە قالدى دەيسىڭ ، بالكىم تويدىڭ كۇيبىڭىمەن جۇرىپ شارشاعاندىكى بولار دەگەن سياقتى ىيت جىعىس ويدىڭ جەتەگىنە مالتىققان جاينا اۋىلعا تاياعنىندا اڭعارماي قالدى .
كوز كورىم جەردە شەشەسىنىڭ قارا قوسىدا قاراۋىتىپ كورىنە باستادى، جاينانىڭ جۇرەگى الىپ ۇشىپ كەلەدى . كىيگىز ۇيدىڭ ەسىگى اشىلىپ شەشەسى تىسقا شىعىپ ، ءوزى كەلە جاتقان كوش جولىنا كۇنساپ قاراپ تۇر .
- اسىل انا - اي دەگەن شىركىن، ۇرپاعى ءۇشىن بوز تورعايشا شىرىلداپ ، ايداعارمەن ارباساتى قۇدىرەت سىزدەردەن عانا كورىلەتىن ەرلىك ەكەن- اۋ سىرا ، شەشەم بايقۇس ءسوزسىز مەنىڭ كەلە جاتقانىمدى كورىپكەل كوڭىلىمان اڭعارعان - اۋ شاماسى دەپ ءوز- وزىنەن كۇبىر ەتكەن جاينا قوڭىر توبەلدى تەبىنىپ قويدى ، انادايدا تۇرعان اناسى كوزىنە ەڭكىش تارتىپ ، شوگىپ كەتكەندەي سەزىلدى ، ىرگەگە تاياي بەرە كورگەندى انادان تالىم الىپ ، اتا سالتىن ارداقتاپ وتكەن يبالى قىز ات تىزەىنىن ىركىپ ، جايىمەن كەلىپ بەلدەۋگە شىلبىر ىلدى .
- قارعام - اۋ جاڭا جۇرەگىم بىردەمەنى سەزگەندەي بولعان سوڭ تىسقا شىققانىم وسى ەدى ، جارىعىم سەن ەكەنسىڭ عوي جايناش ، بۇل نە جۇرىس، جايشىلىقپا بالام -دەپ كەلىپ قىزىنىڭ ماڭدايىنان ىيسكەدى ، شەشەسىنىڭ سىنىق جۇزىن كورگەن جەردەن ءبىر تىقىردىڭ شىنىمەنەن كەلگەنىن اڭعارا قويعان سوڭعىلا قىزى؛
- قۇداياۋ قايران شەشەم- اي سىزگە نە بولعان ، سىرقاتتانىپ قالعانسىز- اۋ تەگى ، نەگە ايتپاعانسىز دەپ كەلىپ از ۋاقتتا اجارى تايىپ ارىقتاعان اناسىن قۇشاقتاي الىپ اعىل - تەگىل كوز جاسىن ءتوگىپ ءتوگىپ جىبەردى.
- قوي بالام قورققانعا قوس كورىنەدى دەگەن ، تۇكتە بولعان جوق ، باياعى كونە سىرقاتىمدا ، جامان ىرىم باستاما قارعام ، كوز جاسىڭدى تىيشى ، الىپ باراجاتقان ەشتەمە جوق ، الدىمەن ۇيگە كىرىپ بەل سۋىتشى ، ۇزاق جول قاڭعىرىعىڭ تۇتەپ كەلگەن شىعار ، جاڭا عانا وتقا شاۋگىم قويعام ، دەگەن جامال اپاي قىزىن ۇيگە باستادى. ۇيگە كىرگەن سوڭ دا شەشەسىنىڭ قولىنان ايىرلماعان قالپى ىرگەدەگى سىرماققا تىزە بۇككەن قىزى:
- شەشە جاسىرماڭىزشى ، از ۋاقىتتىڭ ىشىندە وسىنشالىق جۇدەگەن بارما ؟ ءسوز جوق سىرقاتتانىپ جۇرسىز ، قازىراق سىزدى شىيپاحاناعا الىپ جۇرەمىن ، دايارلانىڭىزشى تەزىرەك ، ءوز جانىڭىزدى ايالامايتىن قالاي ادامسىز ءوزى دەپ تاعى دا جىلاپ جىبەردى ، ەندىگى جەردە جامال اپاي قاتقىل كەتتى:
- قوي دەگەن سوڭ قوي بالام ، اكەڭ بۇگىن ولىپ وتىرعان جوق، شەشەڭدە وتىر مىنە الدىڭ دا كورسەتپە ماعان الداعى جاسىڭدى ، ايتىپ كەلگەن اجال بولسا امالدا جوق، الىپ قالساڭ انا مارحۇم اكەڭ وتىرماسپا ەدى ءتورىمىزدى تولتىرىپ .
- سوندا سىزدىڭ سىرقاتىڭىزدى كورىپ- ءبىلىپ تۇرىپ ، قاراپ وتىر دەيسىز بە؟ تار قۇرساعىڭىزدى جارىپ شىققان ۇرپاعىڭىزبىز عوي ، وتقا قاراپ وتىرعامىز جوق ، قارىزدانىپ - قاۋعالانساقتا ءبىر سىزدى داۋالاتا الماساق نەسىن ۇرپاق بولدىق دەگگن قىزىنا شاي دايارلاپ جۇرگەن جامال اپاي قۋ قىزدان قۇپىيالىعىن جاسىرا المايتىنىن بىلدى دە ەندى سابىرمەن ءسوز باستادى :
- قارعام سەنەن جاسىرمايىن ، جاسىرعانمەن دە سەن قىز قويمايسىڭ، بۇل كەسەل جابىسقالى كوپ بولمادى ، باياعى مارحۇم اكەڭنىڭ سىرقاتىمەن ۇپ- ۇقساس ، بۇل ايتىپ كەلگەن اۋىرۋ ، اكەڭدى دە الىپ قالامىز دەپ ، الپارىسىپ اپارماعان شىيپاحانا قالدى ما؟ ءبارى ءبىر ايىرلىپ تىندىق ، ەندى قىزىم سەنەن وتىنەرىم كەلىن تۇسىپ وڭ جاققا وتىرعانشا انا ارتىڭنان ەرگەن جالعىز باۋىرڭا سىر بىلدىرۋشى بولما .
- قويىڭىزشى شەشە ، جالىنايىن ، دۇنىيە مال، جان بولاما ؟ قايتىپ جاسىرىپ شىدايمىن ، بالا پارىزى قايدا قالدى ، بىزدە دە ، جاناتتادا قۇدايعا شۇكىر وزىندىك تىرشىلىك بار ، عىلىم كۇننەن كۇنگە دامىپ كەلەدى، شىيپا تابىلار ، قازىر زامان جاقسى عوي ، بولماسا ورتالققا دەيىن اپارامىز دەگەن ، قىزىنىڭ قۇلىنان ەمىرەنە اقىرىن ىيسكەگەن جامال اپاي وتىنگەن رايمەن :
- بالام اللا ءوزى بەرگەن جانىن ءوزى الادى ،
كوڭىلىڭدى تۇسىنىپ - اق وتىرمىن ، ءبىراق بۇل بەكەر شابىنۋمەن تىنادى عوي ، اكەڭدى دە ۇرمجىگەدەيىن سۇيرەپ كورسەتتڭدەر شىيپا بودى ما؟، جارقتىقتىڭ سەندەرگە وكپەسى جوق ، سەندەردىڭ ول كىسىدە قارىزدارڭ جوق ، مارقۇم اكەلەرىڭ رايزا، اللا ريزا قىزىم ، مەن ءوز كەسەلىمدى وزىم بىلىپ وتىرمىن ، شەشەڭنىڭ سوڭعى تىلەگى ، اكە ارۋاعىنىڭ اماناتى مەنىڭ اۋىرىمدى انا جالعىز باۋىرڭا قازىرشا ەشتەمە دەمە ، ايتپەگەندە ول قوتيىن ەكى سوزگە كەلمەي بار مالدى ساتىپ ، مەنى دوعدىرعا سۇيرەيتىنى مۋندا تۇر ، وندا توي قايدا قالماق، مەن اكەلەرڭنىڭ قاسىنا قاي بەتممەن بارام، انا ۇشىن ۇرپاقتىڭ باقىتىنان باسقا قانداي قۋانىش بولماق، تىرى جان تاعىدا تىرشىلىن كورمەيمە ، باۋىرىنا قازان اسقالى وتىرعان انا ارتىڭنان ەرگەن جالعىزدىڭ الدىندادا ازدى- كوپتى ايدايتىن بىردەمە قالسىن ، سويت بالام، كوز جاسڭدى تىي بەلىڭدى بەكىت دەگەن شەشەسىنە كوزى بوتالاي قالعان جاينا تاعى دا بىردەمە دەمەكشى بولىپ وقتالا بەرىپ ەدى جامال اپاي الاقنىمەن ونىڭ اۋزىن باسىپ :
- بولدى بالام ، ۋادە وسى بولسىن ، اكە ارۋاعى رازى بولىپ ، شەشەڭ الاڭسىز اتتانسىن دەسەڭ اناڭنىڭ اقتىق تىلەگىن اداعىل ، اقىلىڭ بار ەدى عوي دەپ سوڭعى شەشىمىن بىراق تۇيىپ تاستادى، ەندى ءبىردەمە دەسە اپتەن بەكىنگەن انا جۇرەگىنە قاياۋ سالام با دەپ ويلاعان جاينا امالسىز انا الدىندا انت بەرىپ تىندى . جاينا ەندىگى جەردە انا جەتەگىنە ىلەسىپ امالسىز اڭگىمەنى الداعى تويدىڭ دايىدىعى تۋرالى قىسىر كەڭەسكە بۇردى، اۋزىنا اس سالۋعا زاۋقى سوقپاسادا انا كوڭىلىن اۋلاۋ ۇشىن باپەن قايناتقان قويۋ شايدى ۇرتاي وتىرىپ انا - مىنانى ايتىپ ءبىر تالاي وتىرىپ بارىپ ورنىنان تۇرىپ ىدىس، اياقتى جىيستىرپ تاستاپ ، شەشەسىن قۇشاقتاي كەلىپ قايتا وتىردى دا ، بەتىن انا بەتىنە تىيستىرە وتىرىپ :
_ ونداي بولسا شەشە مەنىڭدە ءبىر تىلەگىم بار ، قازىردەن باستاپ سىزدىڭ مىندەتڭىز تەك عانا دەمالۋ بولسىن ، تۇيدىڭ ەندىگى قالعان جۇمىستارى مەنىڭ موينىمدا بولادى ، مەن قازىر دەرەۋ اتتانامىندا ەرتەڭ تاڭەرتەڭ قايتا ورالامىن ، وسىعان ماقۇلدىق بەرىڭىز دەپ ءوتىندى ، اناسى رازى بولعان بەينەمەن قىزىنا كۇلمسىرەي بۇرلىپ ، باسىن يزەپ عانا ماقۇلدىق تانىتتى .
جاينا شايدان كەيىن اتتانىپ كەتتىدە ، ارت جاعىن ورنالاستىرىپ تاستاپ ەرتەسى تاڭەرتەڭ ەرتەمەن قايتا ورالدى ، ول انا تىلەگى بويىنشا باۋىرنىنىڭ الدىندا سىر بىلدىرمەي جايراڭداپ جۇرگەن سىماق بولعانىمەن ، ىشتەي قايعىمەن قان جۇتىپ ازەر شىداپ جۇر ، اپەكەسىنىڭ جايدارلى بەينەسىن كورگەن اڭعال باۋىرى انا اۋىرۋى تۋرالى كۇدىكتەن ادا - كۇدە ارىلىپ ، مال- جانىن تۇگەندەپ كوشىۋدىڭ قامىمەن ابىگەر ، شەشە كورگەن تون پىشەر دەپ سىمەر انادان كورە قالعانى بار پىسىق قىز ، قالعان ىينە - جىپ جۇمىسىن شەشەسىنىڭ كوڭىلىندەگىدەي ەتىپ جايعاستىرىپتا بولدى، قىزىنىڭ قىيمىلىن باعىپ وتىرعان انا ارتىنا قالار ۇرپاقتارىنا كوڭىلى تولىپ جانى جاي تاپتى .
ايتۋلى ۋاقىت جەتىپ ، قىستاۋعا كوشەتىن كۇنى تاڭەرتەڭ ، قايسى كۇنگى اقىلداسۋ بويىنشا جاينانىڭ كۇيەۋى ءبىر كۇنگە سۇرانىپ العان دۇسىنىڭ كىشكەنە ماشىيناسىمەن وسىندا جەتتى دە ، جامال اپايدىڭ استىنا جۇمىساقتاپ كۇرپە سالىپ جاينا ول كىسىمەن بىرگە ماشىيناعا وتىردى ، جانات جەزدەسى ەكەۋى ارتتاعى مالدى ايداپ تۇسەتىن بولىپ سوڭىندا قالدى ، جەزدەسىدە جاينانىڭ تاپسىرىعى مەن جاناتقا انا - مىنانى ايتىپ قالجىڭداعان بولىپ جۇرىپ ، ارتىنىپ تارتىنىپ بولىپ جولعادا شىقتى . قىستاۋلىققا جەتكەن سوڭ ، تۋىس تۋعاندار ويدان قىردان جىيلىپ ، قۇدا جاقپەن كەلسكەن كۇن تارتىپ بويىنشا ءوز جورالعىسمەن تويدا ارقا- جارقا وتىپ جاتىر ، بايقۇس جامال اپايدىڭ قۋانىشىندا شەك جوق ، جانىنا باتقان اۋىرۋدى ءبىر مەزەت تاس تۇيىن ۇمىتقان ، تىلەۋگە كەلىپ قۇتتى بولسىن ايتقان جۇرتپەن جارقىلداي امانداسىپ ”ءامىن ايتقانىڭ كەلسىن“ دەپ قۇراق ۇشىپ جۇر ، تۇسكە تاياپ كەلىندە كەلدى، وت اۋىز اسابالاردىڭ باسقارۋىمەن كەلىنىڭ بەتى اشىلىپ جامال اپاي ۇزاقتان ساقتاعان القا مۇنشاعىن بۇلاشاق يەسىنە اماناتاپ، كەلىنىن ماڭدايىنان سۇيىپ قاڭسىعان تاڭدايى جىبىگەندەي بولدى ، اشىق قول انا ۇرپاعىنىڭ تويىنان ەشتەمەسىندە تارتپادى، تويشىل قاۋىم مىناۋ قويان جون داستارقاننىڭ سالاۋاتىنا رازى قوش بولىپ اتتانىپ جاتتى ، سۇيتىپ مارحۇم ۇسەن اقساقالدىڭ شاڭىراعىندا ايتاقلسىن ەستەن كەتپەس ءبىر توي ءوتتى . ەرتەسى تىرشىلىك قامىمەن اسىققان تۋىس تۋعانداردى دا رازى قوش قىلىپ اتاندىرىپ جۇرگەن جامال اپايدىڭ سىنىق جۇزىنە قان جۇگىرە قالعان ، قيمىلى دا شىيراقى سەزىلدى، بالكىم مارحۇم شالىنىڭ اماناتىن ادا ەتكەنىنە كوڭىلى سەمىرىپ جۇر- اۋ شاماسى، ادام اياعى سايابىرلاپ وتباسىندا نەگىزىنەن وزدەرى عانا قالعان كەز ، تۇس الەتىندە ادەيى كەلىنىڭ قولىنان دام تاتپاققا بالا- شاعالارىن باستاپ شايعا وتىردى، جاينانى قولىنان تارتىپ وڭ جاعىنا الدى ، كەلىنىدە كوزقاراقتى اۋىلدىڭ بالاسى ەدى ، جاڭا تۇسىپ وتىرمىن دەپ كەرگىمەي ، قازان وشاققا وزدىگىنەن ارالاسىپ كەتكەن ، ءوز قولىمەن قايناتقان شايىن ادەپپەن كوتەرىپ كەلىپ، بۇساعا جاقتان ءبىر دىزەلەپ ورىن الدى دا ، شىنى سىڭعىرىن شىعارماي ، بايىپپەن عانا شاي قۇيا باستادى ، جامال اپاي كەلىننىڭ تۇڭعىش قۇيعان شايىن ” ءبىسىمىللا “ دەپ قولىنا الىپ اقىرىن ءبىر ۇرتتاعان بولىپ ورنىنا قويدى دا بالا - شاعالارىنا قىدىرتا كوز تاستاپ الىپ ءسوز باستادى.
- ءيا بالالارىم ، ورنىندا بار وڭالادى دەگەن وسى، اتا- انانىڭ باقىتىدا، بايلىعىدا ۇرپاعى ەمەسپە ،ۇلدى ۇياعا قزدى قىياعا قودىردىم ، ەندى و دۇنيەدەگى اكەڭدەدە ، مەندەدە ارمان جوق ، ادام مىڭ جاسامايدى ، ۇرپاعىمەن مىڭ جاسايدى دەگەن ، مىنە سول ۇرپاق سەندەرسىڭدەر ، الداعى كۇندە كىشىڭ ۇلكەنڭدى سىيلاپ ، ۇلكەنىڭ كىشىڭدى ايالاپ وزارا تاتۋ تاتى ، ءبىر ءبىرىڭە سۇيەۋ بولىڭدار قاراقتارىم دەپ جامال اپاي شىنىسىن قولىنا الدى، قىز كۇيەۋ مىناۋ شەشەلەرىنىڭ اقتىق وسىيەتى ەكەنىن ىشتەرىنەن سەزىپ ، ەت باۋىرى ەزىلىپ وتىرعانىمەن ، قۇپىيالىقتان حابارى جوق جانات بۇنى تەك ۇلكەندەردىڭ جايشىلىقتا ايتىپ وتىراتىن كوپ اقىلىنىڭ ءبىرى دەپ عانا قابىلدادى . جاينا ءوزىن شەشەسىنىڭ نە ۇشىن جانىنا وتىرعىزىپ العانىن ەندى ءبىلدى ، ءوزىنە اقىرىن كۇلىمسىرەي قاراعان اياۋلى اناسى ، وتىرىك ۇرتاپ وتىرعان شايىن ۇلى مەن كەلىنگە بايقاتپاي، ونىڭ ورتالاپ قالعان شىنىسىنا تولىقتاپ قۇيىپ قۇيدى ، ۇيتكەنى تاماعىنان سۋ وتپەي قالعانىنادا بىرەر كۇن بولىپ ەدى ، سوندادا سىر بىلدىرمەي وتىر ، جاينا ىشتەي جەمىرىلىپ وتىرسادا ، شەشە تىلەگىن بۇزالماي تۇنشىعىپ تىندى . ” شىركىن انا جۇرەگى - اي ، دۇنيەدە انا جۇرەگىنەن ۇلى ، انا جۇرەگىنەن مەيىرىمدى ، انا جۇرەگىنەن جۇمىساق نارسە جوعاۋ سىرا ، قاراشى ۇرپاقتىڭ جانىن جاسىتىپ ، جۇرەگىن اۋىرتپاۋ ۇشىن ، ولاردىڭ بولاشاعى دەپ ، ءوز جانىنا باتقان جاراقاتىن جاسىرىپ ، از كۇن بۇلسادا كۇلىپ وتسىن دەپ وتىرعانىن “ دەپ ىشتەي ويعا كەتىپ وتىرعان جاينا شەشەسى ءالگى ارەكەتىن قايتا قايتالاعاندا بارىپ داستارقان باسىنا ورالدى، داستارقانداعىلار شايىن ءىشىپ بولعان تۇستا، جامال اپاي بوساعان شىنىسىنىڭ بەتىن باسىپ، كەلىنىە مەيىرلەنە قاراپ :
- ءجا بالام راقىمەت ، جاستارىڭ ۇزاق، مال- جاندى ، باقتتى سەمىيا بولىڭدار دەپ باتاسىن بەرىپ سال كەيىن سىرعىپ وتىردى. بەسىن ۋاقىتى بولا جاينا كۇيەۋىن ۇيدە قالعان بالا- شاعاعا قاراۋعا اتتاندىردى دا ، ءوزى بارعان سايىن السىرەپ بارا جاتقان، از كۇندىك قوناق اياۋلى اناسىنىڭ جانىندا بولۋعا ءبىرجولا قالىپ قويدى ، سودان كۇندىز تۇن شەشەسىنىڭ جانىندا بولىپ قارايلاستى ، امال نە ءبىر جۇما وتەر وتپەستەن جامال اپاڭدى دڭكەلەتكەن ايىقپاس كەسەل الىپ ۇرىپ توسەك تارتىپ جاتىپ قالدى ، جاينا شەشەسىنىڭ سۋ ىشەرلىگىنىڭ از قالعانىن ىشتەي سەزىپ جۇر ، ال جانات بۇلسا اناسى توسىن جىعىلعان زامان جانى مۇرنىنىڭ ۇشىنا كەلىپ، ول كىسىنى ، اۋدانداعى شىيپاحاناعا الا جۇگىرمەك بولدى، بىراق اناسى ۇل مەن كەلىندى جانىنا شاقىرىپ ، سىبىرعا جاقىن ۇنمەن جايما شۇاقتاپ عانا ، الاڭداماڭدار ، تۇكتە ەتپەيمىن ، تويدا ەتتەن ۇشىنعان ۇقسايمىن ، انا قارىپ مۇلدانى شاقىرىپ دەم سالدىرساڭدار بولدى دەپ ۇسىعان كۇندىرگەن ەدى، سۇدان نە نارى ەكى- اق كۇن ەرۋ بولعان اياۋلى انا ، قاراشا ايىنىڭ ەڭ سوڭعى جۇماعا قاراعان كۇنى كەش ، بالالارىن قاسىنا شاقىرىپ الىپ ، كۇلمسىرەپ قاراپ از جاتتى دا يەگىن ءبىر قاعىپ ماڭگىلىك ۇيقىعا كەتە باردى .
( سوڭى )
加载评论内容,请稍等......