بۇراندا شەگە

ارعىن زەينەلقان ۇلى

قاستەردىڭ جاقىنان بەرى كوڭىلى سەمىرە قالعان، ويىتكەنى ول ءبولىم باستىعى بولىپ وسىرىلگەن ەدى. ول ءوزىن اسىرا مولشەرلەدى، ءوز باسىن جاڭا مەكەمەدە كەم بولسا بولمايتىن بۇراندا شەگە دەپ ەسەپتەدى، ءوزى بولاماسا،  مەكەمە قىزمەتى تۇرالاپ،قىزمەتكەرلەردىڭ توز-توزى شىعاتىنداي سەزىندى.  سونىمەن ول، تىزبەكتى  جوبالار بەلگىلەدى، كەڭسەنىڭ ورتاسىن جاقسارتۋدان ءتارتىپ، قىزمەت  جۇلگەسىن كەمەلدەندىرۋگە دەيىن قامتىلدى، ءتىپتى تاعى ءبىر نەشە تارماق جاڭا بەلگىلەمەلەردى دە تىڭنان ويلاپ دۇزىپ شىقتى، وزىنشە بۇل مەكەمەنىڭ قىزمەت بەت-بەينەسىن تۇبەگەيلى وزگەرپەك ەدى.

كاسىپتەستەرى ءبولىم باستىعى  قاستەردىڭ قىزعىندىلىعىنا ريزاشىلىقپەن قارادى، دەسەدە كومەسكىدە وقشاماعان كوزعاراستاردا بولماي قالعان جوق. كۇلە سويلەگەن نۇرگۇل اپاي" ءبولىم باستىعى قاستەر راسىندا مەكەمەمىزدىڭ ۇيتقىسى عوي، ول بولماماعان جاعدايدا قالاي ىستەرىمىزدى دە بىلمەس ەدىك." دەيدى، ەمەۋرىنىندە جاسىرىنىپ  كەرمەك كەكەسىن جاتىر. " سولاي،دەسەدە ماعان « دامدەندىرگىش» قۇساپ سەزىلە بەرەدى، كوپ سەبىلىپ كەتسە تاماقتىڭ ءدامى بۇزىلىپ كەتەدى." دەدى تالاپ اعاي قوستاپ، سودان ەكەۋى ءوز ارا جىمىيىسىپ الدى.  

سودان ءبىر كۇنى،  ءبولىم باستىعى قاستەر  سىرقاتتانىپ قالىپ، ءبىر جۇماعا ۇرحسات الىپ كەتتى،  كوپشىلىك مەكەمەنىڭ قىزمەتتى بىلىعىپ كەتەرمە ەكەن دەپ الاڭدادى.  ابىروي بولعاندا،  ادامدى تاڭ قالدىرعانى،  قىزمەت وعان بولا توقتاپ قالعان جوق،  كەرىسىنشە ءبولىم باستىعى قاستەردىڭ شەكتەن تىس قىستىرىلىپ الۋىنان قۇتىلىپ،  كوپشىلىك مىندەتتەرىن بۇرىنعىداندا جوعارى ونىمدىلىكپەن ورىندادى.  كوپشىلىك مىنانى اڭعاردى،  ءاسىلى ءار ءبىر ادام وزىندىك رولىن ساۋلەلەندىرە السا،  قوسىننىڭ سەلبەستىگى دە نعايىپ، ءار ءبىر قادامى ءساتتى بولادى ەكەن. 

ءبولىم باستعى قاستەر  مەكەمەگە ورالعان سوڭ، بايقاعانى ءوزىڭ جوقتىعىنا بولا مەكەمەنىڭ قىزمەتتى اقساماعان ەكەن،  كەرىسىنشە جاپا تارماعاي  جاقسى ءجۇرىلىپ جاتىپتى.  ول ەندى، «مەن وسى ءوزىمنىڭ  مەكەمەدەگى ورنىمدى وتە جوعارى مەجەلەپ  العامىن جوق پا؟»-دەپ قايتالاي ويلانا باستادى.  سودان باستاپ،  ءبولىم باستىعى قاستەر بارعان سايىن كىشپەيىل بولا باستادى،  ول،  شىنايى باسشىلىق كۇش ءوزىڭنىڭ ماڭىزدىلىعىڭدى تىم زور ساناۋمەن ەمەس ،  قايتا كوللەكتيۆ رولدى ساۋلەندىرىپ،  كوللەكتيۆتىڭ سەلبەسۋىن ىلگەرلەتۋ ارقىلى قولعا كەلەتىندىگىن ءتۇسىنىپ جەتتى. 

اۆتوردىڭ قىزمەت ورىنى:التاي قابا اۋداندىق پارتكوم بىرلىكساپ مەكەمەسى