قۋانىش بايمۇرات ۇلى

ورتالىقتىڭ شينجياڭدى مادەنيەتپەن نارلەندىرۋ ۇنىنە ءۇن قوسىپ اۆتونوميالى رايوندىق ۇگىت ءبولىمى مەن اۆتونوميالى رايوندىق ساياحات مادەنيەت مەڭگەرمەسى ءساۋىر ايىنىڭ بىرىنەن ون بەسىنە دەيىن  ورتالىق قالا ۇرىمجىدە تۇڭعىش رەتكى شينجياڭ كوركەمونەر مەرەكەسىن وتكىزدى . بۇل تۇڭعىش كەزەكتى كوركەمونەر مەرەكەسى ءار وبىلىس- ايماقتاردىڭ كاسىپتىك كوركەمونەر ۇيىرمەلەرىنىڭ كونسەرتتىك بايقاۋى مەن كاسىپتىك مۋزىكانتتاردىڭ مۋزىكا ورىنداۋ جارىسى سىندى ەكى ۇلكەن مازمۇندا الىپ بارىلدى . بۇل شارا  ناۋرىز ايىندا دايىندىق جۇمىستارى مەن العاشقى سارالاۋ جۇمىستارى ىستەلىپ  ، ون بەس كۇن بويى شينجياڭنىڭ ءار وبىلىس- ايماقتارىنان كەلگەن جيىرما ەكى كاسىپتىك ۇيىرمە ءار جانردان دايارلاعان كوركەمونەر نومىرلەرىن ءۇرىمجى قالاسىندا ءار دارەجەلى باسشى كادىر ، كاسىپتىك ماماندار مەن ءار ۇلت بۇقاراسىنا تارتۋ ەتتى . ال ناۋرىز ايىنداعى العاشقى سارالاۋدان وتكەن مۋزىكانتتاردىڭ شەشۋشى جارىسى  ءساۋىردىڭ ءۇشى، ءتورتى ەكى كۇن  شينجياڭ كوركەمونەر تياترحاناسىندا وتكىزىلدى  .  مۋزىكا ورىنداۋ جارىسى باتىستىڭ ىسپالى تۇتىكتى مۋزىكا اسپاپتار ورىنداۋ جارىسى جانە ۇلتتىق مۋزىكا اسپاپتار ورىنداۋ جارىسى بولىپ ەكى ۇلكەن تۇردە وتكىزىلدى  ،  ال ۇلتتىق مۋزىكا اسپاپتار جارىسى مۋزىكا اسپاپ تۇرىنە قاراي  شەرتپەلى  ،  ىسپالى  ،  ۇرمالى  ، ۇرلەمەلى بولىپ ءبولىنىپ، ورىنداۋشى ادام سانىنا قاراي جەكە  ،  ەكى ادامدىق  ،  بەس ادامنان تومەن  ،  بەس ادامنان جوعارى جانە از كەزىگەتىن اسپاپتار ءتۇرى بولىپ ءبولىندى . باتىستىڭ ىسپالى تۇتىكتى مۋزىكا اسپاپتار سارالاۋ جارىسىنا جالپى ەلۋدىڭ ۇستىندە شىعارما كەلىپ بارلىعى شەشۋشى جارىسقا شاقىرىلىپتى. ال ۇلتتىق مۋزىكا اسپاپتار سارالاۋ جارىسىنا حانزۋ  ،  ۇيعىر  ،  قازاق  ،  مۇڭعىل قاتارلى ۇلتتاردان جالپى ءتورت جۇزدەن ارتىق شىعارما ورىنداۋشى قاتىناسىپ  ، سونىڭ ىشىنەن ەكى ءجۇزدىڭ ۇستىندە شىعارما ورىنداۋشى شەشۋشى جارىسقا سارالانىپتى  .  ءبىزدىڭ التاي ايماقتىق ءان- بي ۇيىرمەسىنىڭ مۋزىكانتتارى شەشۋشى جارىسقا ۇلتتىق مۋزىكا اسپاپتار تۇرىنەن سەگىز شىعارما  ،  ىسپالى تۇتىكتى اسپاپتار تۇرىنەن ءبىر شىعارما قاتىناسىپ جالپى توعىز شىعارما سيلىق ساحىناسنان ورىن الدى  .  سيلىق ساحىناسىنان كورىنگەن شىعارمالارعا ىشكەرلەي توقتالساق   :  

ءبىرىنشى بولعان ەكى شىعارما، ولار  :  ەكى ادامدىق مۋزىكا ورىنداۋ تۇرىنەن كامال ويلاعان قىزى مەن ءميرا قادىل قىزىنىڭ دومبىرا- قوبىزدا ورىنداعان تاتتىمبەكتىڭ  « سارجايلاۋ  »  كۇيى  .  

بەس داۋىستان تومەن مۋزىكا ورىنداۋ تۇرىنەن شالقار تولەۋحان ۇلى  ،  مانات ءناسي ۇلى  ،  ۇلان ەرجان ۇلى دومبىرادا ءۇش داۋىستا ورىنداعان نۇرعيسانىڭ  « ءالقيسا  »  كۇيى  . 

ەكىنشى بولعان ءتورت شىعارما، ولار  :  از كەزىگەتىن مۋزىكا اسپاپتار تۇرىنەن مانات ءناسي ۇلى شەرتەردە ورىنداعان قۋانىش بايمۇرات ۇلىنىڭ « تارتۋ  »  كۇيى  .  باعدات سانسىزباي ۇلىنىڭ سىبىزعىعا لايىقتاپ ورىنداعان « سۇيەم جۇڭگو  »  ءانى  .  بەس ادامنان جوعارى مۋزىكا ورىنداۋ تۇرىنەن شالقار تولەۋحان ۇلى  ، قارقىن باقىتبەك ۇلى   ،  ۇلان ەرجان ۇلى، كامال ويلاعان قىزى  ،  مانات ءناسي ۇلى   ، سەرىكقان ابايقان ۇلى  ،  جاعىپار التايباي ۇلى قاتارلى مۋزىكانتتاردىڭ شەرتپەلى اسپاپتاردا ورىنداعان قۋانىش بايمۇرات ۇلىنىڭ وزگەرتىپ لايىقتاعان مالگاجداردىڭ  « ناركەسكەن  »  كۇيى  . 

 انار ماۋلەن قىزى  ،  ارشىن باقىت قىزى  ، كۇنشۋاق قۇتتىباي قىزى  ،  قارقىن باقىتبەك ۇلى  ،  مانات ءناسي ۇلى   ،  ءميرا قادىل قىزى  ،  قايرات يسا ۇلى  ،  كامال ويلاعان قىزى   ،  ۇلان ەرجان ۇلى   ،  سەرىكقان ابايقان ۇلى   ،  شالقار تولەۋحان ۇلى   ،  ەربول احىمەتقان ۇلى  ، باعدات سانسىزباي ۇلى قاتارلى مۋزىكانىتتاردىڭ  شاعىن اركەستىردە ورىنداعان شالقار تولەۋحان ۇلىنىڭ « كوكتەم ءۇنى  »  كۇيى  . 

ءۇشىنشى بولعان ەكى شىعارما، ءبىرى ىسپالى ۇرلەمەلى مۋزىكا ورىنداۋ تۇرىنەن سەرىك بولات ۇلىنىڭ پيانينودا ورىنداعان ءوز كۇيى  « قىران بويىندا  »، ەندى ءبىرى كۇنشۋاق قۇتتىباي قىزىنىڭ از كەزىگەتىن مۋزىكا اسپاپتار تۇرىنەن شاڭقوبىزدا ورىنداعان حالىق كۇيى « سال قۇلا»  .

ۇزدىك ورىنداۋ سيلىعىنا يە بولعان ءبىر شىعارما  ،  ول بولسا ەكى ادامدىق مۋزىكا ورىنداۋ تۇرىنەن سەرىك بولات ۇلى مەن مانات ءناسي ۇلى پيانينو مەن دومبىرادا ورىنداعان سەرىك بولات ۇلىنىڭ « كوكتەمگى مەلوديا  » كۇيى  .

مەن وسى جولعى ۇلتتىق مۋزىكا اسپاپتار جارىسى تۇرىنە باعالاۋشى بولۋداي جاقسى ۇيرەنۋ ورايىنا يە بولىپ باسقا تۋىسقان ۇلت مۋزىكا شىعارمالارى مەن مۋزىكانتتارىنىڭ ءبىزدىڭ مۋزىكا شىعارمالارىمىزبەن مۋزىكانتتارىمىزدى سالىستىرا كەلىپ ءبىزدىڭ قانداي ارتىق كەمشىلىكتەرىمىزدىڭ بار ەكەنىن كوكەيىمە ءتۇيىپ قايتتىم  .  ارينە بۇندا مۋزىكا ورىنداۋشىلاردىڭ كاسىپتىك ساۋياسىن كورسەتۋدە مۋزىكالىق شىعارمانىڭ تەحنيكالىق قيىندىق دارەجەسى وتە ماڭىزدى رول وينايدى  ،   مۋزىكانتتارىمىزدىڭ جەكەلىك ساۋياسىنا قاراعاندا مۋزىكالىق شىعارمالارىمىزدىڭ السىزدەۋ تۇسى بايقالىپ تۇرعانداي بولدى، ياعني تەحنيكالىق ورەسى جوعارى، كولەمدى  ،  مۋزىكا اسپابىنىڭ ەرەكشەلىگىمەن ورىنداۋشىنىڭ شەبەرلىگىن جوعارى ورەدە بەينەلەيتىن شىعارمالارىمىز ازداۋ سەكىلدى  . 

 ال كاسىپتىك ۇيىرمەلەردىڭ بايقاۋىنا كەلسەك رايوننىڭ ۇقتىرۋىن العاننان كەيىن التاي ايماقتىق ءان- ءبي ۇيىرمەسىنىڭ باسشىلىق القاسى جۇيەدەن ۇيىرمەنىڭ سەكراتارى ليۋ ۋي حۋا مەن ۇيىرمە باسشىسى راحىمەتوللا قاميت ۇلى بۇل شارانى ماڭىزدى جۇمىس رەتىندە نازارادا ۇستادى  ، ارنايى شىعارماشىلىق جيىنىن اشىپ ۇيىرمە باسشىسى راحىمەتوللا قاميىت ۇلى  شەشىم قابىلداپ مۋزىكا كەشىن ۇيىمداستىرىپ، بايقاۋعا قاتىناستىرۋدى ءارى شالقار تولەۋحان ۇلى ەكەۋىمىزگە مۋزىكا كەشىنىڭ مۋزىكا نومىرلەرىن تۇراقتاندىرۋدى تاپسىردى  . ءبىز مۋزىكا كەشىنە دايىندىعىمىز بۇرىننان بار ەدى  ، جاعداي جاربەرمەي تارالعىش تىماۋ سەبەبىنەن قويىلماي قالعان  ،  ونسىزدا ناۋرىز ايىندا التايدىڭ ءار اۋداندارىن ارالاپ مۋزىكا كەشىن وتكىزۋگە دايارلىق جۇمىستارىن جاساپ اركەستىر ماشىعىمىزدى باستاپ كەتكەن ەدىك. سونىمەن مەكەمە باسشىسى راحىمەتوللا  اعا  ،  شالقار ۇشەۋىمىز دايىندىق جۇمىسى ءجۇرىپ جاتقان مۋزىكا كەشىنىڭ نومىرلەرى نەگىزىندە جانەدە نومىرلەردى تەڭشەپ ، كەيبىر مۋزىكالاردى قوسىپ ، مۋزىكالارىمىزدى تۇراقتاندىرىپ رايونعا جولدادىق ، كوپ وتپەي مۋزىكا كەشىمىزدى تۇراقتاندىرىپ نومىرلەرىمىزدى بەكىتتى  .

ءبىز جىل باسىنداعى العاشقى جوسپار بويىنشا ناۋرىزدىڭ ون سەگىزىنەن جيىرما التىسىنا دەيىن اۋدانداردى ارالاپ جالپى توعىز مايدان مۋزىكا كەشىمىزدى قويىپ مۋزىكا نومىرلەرىمىز ءار قويىلىم سايىن  ابدەن كەمەلىنە كەلىپ ،  پىسا ءتۇستى  . سونىمەن اۋدانداردى ارالاپ مۋزىكا كەشىن وتكىزۋ  ساپارىمىزدى تابىسپەن اياقتاتىپ كورەرمەن قاۋىمنىڭ قىزۋ العىسىنا يە بولىپ قايتتىق  .

   كەلە سالا رايونداعى مۋزىكا كەشىنە دايارلاعان نومىرلەرىمىزدى ۋاقىتتى قولدان بەرمەي بىرنەشە كۇن دايارلىق جاسادىقتا توعىزىنشى ءساۋىر جولعا شىقتىق  ،  ونىنشى ءساۋىر ءبىر كۇن ساحىنادا ماشىقتا بولدىق  ،  ون ءبىر  ،  ون ەكىسى ەكى كۇن ەكى مايدان مۋزىكا كەشىن ۇرىمجىدەگى وتە عىلىمي ، جۇيەلى تۇردە جاڭادان سالىنعان مۋزىكا قويۋ سارايىندا ءساتتى قويدىق  ،  بۇل التاي تاريحىندا رايونعا تۇڭعىش مۋزىكا كەشىن اپارۋىمىز ەدى  .

مۋزىكا كەشىمىز جالپى ون توعىز ءنومىر بولىپ  ،  ونىڭ ىشىندە ءۇش مۋزىكالى حور  ، قوبىز بەن شەرتەردە جەكە- جەكە ەكى كۇي  ،  ءتورت ءان ، قالعانى تۇگەلدەي اركەستىر كۇيلەرى بولدى  .  مازمۇنى وتاندى  ، ۇلتتار ىنتىماعىن  ، تىنىش باياشاتتى تۇرمىستى  ، تۋعان جەردىڭ كورىكتى كەلبەتىن جىرلاۋداي وزەكتى ويدى نەگىز ەتتىك  ،  ماسەلەن  « بەيجيىڭنەن تاراعان قۋانىشتى حابار اۋىلعا جەتتى  » ، «  سۇيەم جۇڭگو »  ،  « مەن جانە وتانىم  » اتتى شىعارمالار وتانشىلدىقتى  ، « ساحارا سازى  »  ، « جىلقىشى قىز  » قاتارلىلار تۋعان جەردىڭ تىنىس تىرشىلگىن  ،  « سوناۋ الىس اۋىلدا  »  ،  « دۋداراي  »  نومىرلەرى حالىقتىق ءتۇس العان بولىپ باي مازمۇنعا يە بولدى  .  

   كورەرمەندە ءبىرشاما كوپ بولدى  ، كاسىپتىك ماماندار مەن كورەرمەندەر جوعارى باعا بەرىپ ريزاشىلىقتارىن ايتىپ القاۋ ايتىپ جاتتى  .  سونىمەن بۇل جولعى كوركەمونەر بايقاۋىندا التاي ايماقتىق ءان-ءبي ۇيىرمەسى ۇزدىك ۇيىمداستىرۋ سيلىعى مەن ۇزدىك ورىنداۋ سيلىعىنداي ەكى ۇلكەن سيلىقتى قانجىعالاپ قايتتىق  . بۇل مۋزىكا كەشىنە التاي قارلى مەكەن كانسەرتتىك سەرىكتىگىنىڭ ءبىر ءبولىم مۋزىكانتتارىن  ،  قابا  ،  جەمەنەي  ،  التاي قالاسىنان بولىپ جالپى ون نەشە مۋزىكانت ۇسىنىس ەتىلىپ وزىمىزدەگى جيىرما ءۇش مۋزىكانتپەن قوسا اركەستر سانىمىز قىرىق  ،  ءانشىمىز ون  ،  دىريجەر ەكى، باسقادا قىزىمەتكەرلەر بولىپ جالپى الپىستىڭ ۇستىندە ادام قاتىناستىق  .  

13- ءساۋىر ءتۇستىڭ الدىندا رايوندىق مادەنيەت ساياحات مەڭگەرمەسى ارناۋلى مۋزىكا كەشىمىز جايلى تالقى جيىن ۇيىمداستىردى  ،  باسشى ماماندار مۋزىكا كەشىمىزدى جوعارى باعالادى  ءارى وسى بەتالىسىمىزدىڭ دۇرىس ەكەنىن ۇلتتىق مۋزىكالاردى كوپ ۇگىتتەۋدى  ،  اركەستىردىڭ قۇرامىن ءالى دە تولىقتاي ءتۇسۋ كەرەكتىگىن ءار قىرىنان ءسوز ەتتى  . 

بۇل رەتكى كوركەمونەر مەرەكەسىن ۇيىمداستىرۋ شي جينپيڭ جاڭا ءداۋىر جۇڭگوشا ەرەكشەلىككە يە سوتسياليزم نازارياسىن بەرىك ۇستانىپ، باس شۋجي شي جين پيڭ جولداستىڭ ۇلتتى قۇدىرەتتەندىرۋدەي نەگىزگى تاقىرىپتى مىقتى ۇستاپ ۇلتتىق مادەنيەتتى دامىتۋ، كوركەمونەردىڭ كوركەمونەرلىك مازمۇنى مەن پورماسىن دامىتۋ، جۇڭگو اڭگىمەسىن جىر ەتۋ، حالىق ءۇشىن قىزمەت ەتۋ باعىتىنان ايىرىلماۋداي باستى باعىتتى مىقتى ۇستاپ، جيىرمانىنشى قۇرىلتاي رۋحىن ىشكەرلەي ۇيرەنىپ دايەكتىلەندىرۋدىڭ ناقتى قادامى بولدى. ارينە، ۇيىرمەمىزدىڭ كورنەكتى ناتيجەگە جەتۋى التاي ايماقتىق پارتكوم اكىمشىلىك مەكەمەسىنىڭ جەتەكشىلىگىندە، التاي ايماقتىق مادەنيەت، دەنە-تاربيە، ساياحات مەكەمەسىنىڭ كاسىپتىك جەتەكشىلىگى مەن قامقورلىعىنان بولە قاراۋعا بولمايدى، وسى ورايدا ءاردارەجەلى باسشىلىق ورىندار مەن باسشىلارعا شىنايى العىسىمدى بىلدىرەمىن. بۇل جەتىستىگىمىز جوعاردا باسشىلاردىڭ قولداپ- قۋاتتاۋى، تومەندە انشىلەرىمىز بەن مۋزىكانتتارىمىزدىڭ قاجىماي تالماي توككەن تەرىنىڭ ءتاتتى جەمىسى.  الدىدا شي جين پيڭ جولداستىڭ شينجياڭ قىزىمەتى جينالىسىنداعى ءسوز رۋحى مەن جيىرمانىنشى قۇرىلتاي رۋحىن ىشكەرلەي ۇيرەنىپ، ءامالياتقا بىرلەستىرىپ، حالىق بۇقاراسىنىڭ كۇنسايىن ارتىپ وتىرعان مادەنيەت-كوركەمونەر سۇرانىسىن قاناعاتتاندىرۋعا كۇش سالامىز.  ەرتەڭىمىز بۇداندا نۇرلى، بۇداندا ناتيجەلى بولادى دەپ سەنەمىن.

2023-جىل ءساۋىر ايى