شينجياڭنىڭ اقپارات قۇرالدارىن توعىستىرا دامىتۋى تىڭ ساتىعا كوتەرىلدى

گازەتىمىزدىڭ جالپىلىق اقپارات قۇرالدارى ءتىلشىسى چىن يۇڭ 12 - ايدىڭ 23 - كۇنى ۇرىمجىدەن حابارلايدى. 12 - ايدىڭ 23 - كۇنى شينجياڭ ۇيعۇر اۆتونوميالى رايونىنىڭ انار بۇلت توعىسپالى اقپارات قۇرالدارى تەحنيكالىق تۇعىرى جەلىگە رەسمي قوسىلدى، قاتىستى جالپىلىق اقپارات قۇرالدارىنىڭ حابارلارى تيانشان سايتى، تيانشان سايتى ميكروبلوگى، اۋدان - قالا قول تەلەفون كلەنتى سياقتى تۇعىرلارعا ءبىر كنۋپكامەن جاريالانادى. ”انار بۇلت“تىڭ جەلىگە قوسىلۋى شينجياڭنىڭ اقپارات قۇرالدارىن توعىستىرا دامىتۋدىڭ تىڭ ساتىعا كوتەرىلگەندىگىن كورسەتەدى.

انار بۇلت تۇعىرىن قۇرۋ − اۆتونوميالى رايوندىق پارتكومنىڭ باس شۋجي شي جينپيڭنىڭ اقپارات قۇرالدارىن توعىستىرا دامىتۋدى ىلگەرىلەتۋ، نەگىزگى اعىمداعى قوعامدىق پىكىردى زورايتۋ، قۇدىرەتتەندىرۋ جونىندەگى ماڭىزدى بايىمداۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا ورتالىق كوميتەتىنىڭ اۋدان دارەجەلى توعىسپالى اقپارات قۇرالدارى ورتالىعى قۇرىلىسى جونىندەگى شەشىمدەرىن تياناقتاندىرۋ جونىندە جاساعان كەلەلى ورنالاستىرۋى. اۆتونوميالى رايوننىڭ ۇگىت قىزمەتىندە ”بۇكىل شينجياڭدا ءبىر جەلى، بۇكىل شينجياڭدا ءبىر بۇلت“ بولۋىن ىسكە اسىرۋىنداعى ماڭىزدى تۇعىرى جانە اۋدان دارەجەلى توعىسپالى اقپارات قۇرالدارى ورتالىعىنىڭ اينالىمىنا، دامۋىنا تىرەك بولاتىن حاۋىپسىز تەحنيكالىق تۇعىر رەتىندە ”انار بۇلت“ اۆتونوميالى رايوننىڭ اقپارات قۇرالدارى توعىسۋىنىڭ ىشكەرىلەي دامۋىن ىلگەرىلەتۋگە كۇش سالىپ، اۋدان دارەجەلى توعىسپالى اقپارات قۇرالدارى ورتالىعىن نەگىزگى اعىمداعى قوعامدىق پىكىر شەبى، امبەباپ قىزمەت وتەۋ تۇعىرى جانە الەۋمەتتىك اۋماق ينفورماتسيا جۇيەسى ەتىپ قۇرۋعا قۇلشىنىپ، شينجياڭنىڭ قوعام ورنىقتىلىعى مەن باياندى تىنىشتىعىن پارمەندى رۋحاني كۇشپەن جانە قوعامدىق پىكىر تىرەگىمەن قامدايدى.

انار بۇلت تۇعىرىن اۆتونوميالى رايوندىق پارتكوم ۇگىت ءبولىمى باس بولىپ ءبىر تۇتاس ورنالاستىرعان، جوعارى ولشەممەن قۇرىلعان ولكە دارەجەلى اقپارات قۇرالى بۇلتتىق تۇعىرى ءارى ىشكى وڭىرلەردىڭ ولكە دارەجەلى تۇعىرى قۇرىلىسىنىڭ تاجىريبەلەرىنەن ۇلگى الىپ، تەبىندەۋ ارتىقشىلىعىن تولىق ايگىلەپ، ەلىمىزدەگى وزىق ولكە دارەجەلى توعىسپالى اقپارات قۇرالدارى تۇعىرى قاتارىنان ورىن الدى.

شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى) تۇعىر قۇرىلىسىنىڭ ىسكە قوسىلۋىنا جاۋاپتى بولعان. تانىستىرۋعا قاراعاندا، ”انار بۇلت“ بۇلتتىق ەسەپتەۋ، ۇلكەن ساندىق مالىمەت، جاساندى زەردە، جىلجىمالى ينتەرنەت سياقتى جاڭا تەحنيكا، جاڭا قولدانبا ارقىلى گازەت، راديو، تەلەۆيزور، سايت جانە جىلجىمالى تەرمينال مازمۇندارىن جارىققا شىعارۋدى، تاراتۋدى ءبىر تۇلعالاندىرعان جالپىلىق اقپارات قۇرالدارى زەردەلى بۇلتتىق تۇعىرى. ”انار بۇلت“تىڭ جەلىگە قوسىلۋى بۇكىل رايونىمىزداعى اقپارات قۇرالدارىنىڭ ينفورماتسيا مازمۇنىنىڭ، تەحنيكالىق قولدانىلىمىنىڭ، تۇعىر تەرمينالىنىڭ، باسقارۋ ءتاسىلىنىڭ بىرگە توعىسۋىن، ءوزارا ۇلاسۋىن ىسكە اسىرۋدى تىرەكپەن جانە كەپىلمەن قامدايدى. اۆتونوميالى رايونداعى ءار دارەجەلى پارتيا اقپارات قۇرالدارى ”انار بۇلت“تى تياناق ەتىپ، بۇكىل شينجياڭدى قامتىعان، بۇكىل ەلدى شارپىعان ءبىر تۇلعالانعان تاراتۋ جۇيەسىن قۇرادى.

”انار بۇلت“ ”N+85+1“ اينالىم جۇيەسىن قۇرۋعا كۇش سالادى: ”1“ دەگەنىمىز شينجياڭ گازەتى مەكەمەسى (شينجياڭ گازەتشىلىك تاراتۋ مەدياسى <توبى> شەكتى سەرىكتەستىگى)، ”85“ دەگەنىمىز اۆتونوميالى رايونداعى 85 اۋدان دارەجەلى توعىسپالى اقپارات قۇرالدارى ورتالىعى،”N“ دەگەنىمىز باسقا دا اقپارات قۇرالدارى نەمەسە ۇكىمەتتىڭ، كاسىپورىنداردىڭ ۇگىت قۇرىلىمى. ”انار بۇلت“ بىرىنشىدەن، ”N+85+1“ وزگەشە رەداكسيا ءبولىمىن قۇرىپ، ىرگە تەپكەن اقپارات قۇرالدارىن ءتۇرلى جابدىقتارمەن جانە بىرگە يگىلىكتەنەتىن بايلىق قامباسىمەن قامداپ، ءوندىرۋ، تاراتۋ قۋاتىن جاپپاي جوعارىلاتادى؛ ەكىنشىدەن، ”N+85+1“ كلەنت كەستەسىن جاساپ، ءارقايسى كلەنتتى ەرەكشەلىككە يە ەتىپ قانا قويماي، سەلبەسىپ بىرگە يگىلىكتەنۋىنە مۇمكىندىك جاساپ، ىقپالىن ارتتىرادى؛ ۇشىنشىدەن، ”N+85+1“ ۇكىمەت ىستەرى بويىنشا قىزمەت وتەۋگە كىرۋ ەسىگىن ورناتىپ، ءارقايسى پارتيا، ۇكىمەت تاراۋلارىنىڭ تەحنيكالىق تۇعىرىن تۇتاستىرىپ، ”بۇقارانىڭ بارماق قىزمەت وتەۋ ورتالىعىن“ قۇرادى.

مۇنان بىلاي، انار بۇلت تۇعىرى 5G، زات اينالىمى تورى، بلوكچەين سياقتى وزىق تەحنيكالىق دامۋ اۋقىمىن ۇزدىكسىز قاداعالاپ، تەرەڭدەي ساباقتاسقان، جان - جاقتى تۇتاسقان ءبىر تۇلعالانعان زەردەلى تاراتۋ جۇيەسىن قۇرىپ، اقپارات قۇرالدارىنىڭ شينجياڭدى ۇگىتتەۋدەگى، شينجياڭعا قىزمەت وتەۋدەگى، ابونتتاردىڭ شينجياڭدى ءتۇسىنۋىنىڭ، شينجياڭدى قىزۋ ءسۇيۋىنىڭ وزگەشە كىرەر ەسىگىنە اينالادى.