جاۋىن ءالى قۇيىپ تۇر

بارلىق ايدارشالاراشۋ

جاۋىن ءالى قۇيىپ تۇر

حۋاڭ جياۋلان

قازاقشاعا اۋدارعان : سەرجان قابەت ۇلى

جارق ەتىپ نازاعاي اسپاندى ءتىلىپ ءوتتى، ىلە-شالا شارق ەتىپ كۇن كۇركىرەدى. نوسەر شەلەكتەپ تۇر،اسپان مەن جەر ايىرعىسىز...

كۇيەۋى اسىپ-ساسىپ باسىن جاستىقتان جۇلىپ الدى، جۇرەگىدە كەۋدەسىن تەسەرمەندەي بولىپ اتقالاقتاپ تۇر. ول دەرەۋ شىراق جاعىپ، قاسىنداعى ايەلىن جۇلقىپ وياتتى. ءبىر اۋناپ بارىپ باسىن كوتەرگەن ايەلى: « نە بولدى؟ ۇيگە سۋ كىرىپ كەتتى مە؟»دەپ سۇرادى.

- مەن اكە،شەشەمىزدەن الاڭداپ تۇرمىن...

- ۇيقىسىراپ وتىرمىسىڭ؟اتام مەن اپامنىڭ ءبىزدىڭ جاڭا باسپانامىزدا ەكەنىن ۇمىتتىڭ با؟ ءبىز ول كىسىلەردىڭ كونە شاڭىراعىندا وتىرمىز. ەگەر قۇلايتىن بولسا، وسى ءۇي قۇلار ەدى. ءبىزدىڭ ول ءۇيىمىز بەرىك قوي،-دەدى. كۇيەۋى:

- بەرىك ەكەنى بەرىك، دەسەدە ول ارانىڭ جەر ءدۇزىلىسى ويپاڭداۋ، ەگەر ءۇي ىشىنە سۋ كىرەتىن بولسا، قالجىڭدايتىن شارۋا ەمەس... ،دەپ ەدى، ايەلى:

- ءۇيدىڭ الدىندا توپىراقتان تۇيگەن قامساۋ بار، ارتىندا سۋ ىعىستىراتىن ارنا بار... قالاي سۋ كىرەدى؟ ۇيىقتا ، ۇيىقتا،-دەدى.

كۇيەۋى باسىن جاستىقتان جۇلىپ الدى، جۇرەگىدە كەۋدەسىن تەسەرمەندەي بولىپ اتقالاقتاپ تۇر. بۇل جولى، ايەلىن ويتاپاسادا، ونىمەن بىرگە باسىن كوتەرىپ:

- ساعان ءسىرا نە بولدى؟ ادامعا ۇيقى بەرەسىڭ بە جوق پا؟ -دەپ ەدى. كۇيەۋى:

- مەن سوندادا الاڭداپ تۇرمىن...شال كەمپىر بولسا جەتپىستى جەلكەلەگەن ادامدار، الدا-جالدا ۇيدى سۋ باسىپ كەتسە، ولار قالاي قاشىپ شىعا السىن...

- وندا، سەن بارىپ كورىپ كەلەسىڭ بە؟

- ماقۇل، كورىپ كەلەيىنشى،-دەگەن كۇيەۋى دەرەۋ كيىنىپ، توسەكتەن ءتۇستى. ايەلى:

- سوندا مەنى جالعىز وسىندا تاستاپ كەتەسىڭ بە؟ قوي مەندە بارايىن،-دەدى ايەلى.

جاڭبىرلىقتارىن كيىپ، قول شىراقتى العان ەكەۋى، نوسەرلى جاڭبىردىڭ اراسىنا سۇڭگىپ كەتتى.

ەرلى-زايىپتى ەكەۋى جىعىلىپ - ءسۇرىنىپ ءجۇرىپ، شال،كەمپىر وتىرعان ۇيدىڭ الدىنا كەلىپ ەدى، ءباز-باياعىسىنداي تۇر ەكەن. ايەلى:

- ەشتەمە ەتپەيدى دەسەم، سەنبەي قويىپ ەدىڭ. ەندى الاڭسىز بولعان شىعارسىڭ؟ ەكەۋى سۇرىنە-قابىنا اۋەلگى جولىمەن قايتا قايتتى. ەسىكتەرىنىڭ الدىنا بارا بەرە، كوز الداعى جاعدايدى كورىپ جاعالارىن ۇستادى، ۇيلەرى قۇلاپ قالىپتى.