گازەتىمىزدىڭ جالپىلىق اقپارات قۇرالدارى تىلشىلەرى باي جىيۇي، جاۋ چۇنحۋا، حى ليڭ

10 - ايدىڭ 29 - كۇنى تۇستەن بۇرىن كونەءشار اۋدانى وپال اۋىلى قۇمباق قىستاعىنىڭ تۇرعىنى ءمامتىمىن ابدوللا مەن ۇيىندەگىلەر اتىز باسىندا قاربالاس جۇمىس ىستەپ جاتتى. تۇسكى اس مەزگىلىنە تاياعاندا، ءمامتىمىن قول تەلەفونىن الىپ، ءۇنحاتىن اشىپ، قىستاقتاعى ”كەل، دوستار“ شارۋالار شاتتىعى ساياجايىنىڭ قوجايىنى نۇرمامەت قادىردىڭ اتىن تاۋىپ، جاتىق قيمىلمەن دىبىستىق حابارلاما جىبەرىپ، سوڭىنان تاعى 45 يۋان اۋدارىپ جىبەردى.

نۇرمامەت ءۇنحات حابارلاماسىن العان سوڭ، دەرەۋ ايەلى ءپاريدا اليگە 105 تۇشپارا پىسىرتتى. قوراپقا سالىپ، وراپ، ەلەكتروسيكلدىڭ جۇك ساندىعىنا سالىپ، نۇرمامەت ەلەكتروسيكلگە مىنە سالىپ، انە - مىنە دەگەنشە ءمامتىمىننىڭ اتىزىنا جەتىپ باردى. جارتى ساعاتقا جەتپەيتىن ۋاقىتتا، ءمامتىمىن وتباسىنداعىلاردىڭ الدىندا بۋى بۇرقىراعان ىستىق تۇشپارا تۇردى.

”ەت وراعان ناننىڭ ءبىرى 15 يۋان، لاعىمان مەن قۋىرماشتى كۇرىشتىڭ ەكەۋى دە 10 يۋان، تۇشپارانىڭ 25 تالى 12 يۋان، 35 تالى 15 يۋان. تاعامداردىڭ باعاسى بازارداعىمەن بىردەي، باعاسى ءتيىمدى، ونىڭ ۇستىنە تەگىن جەتكىزىپ بەرەمىز“، - دەيدى ءمامتىمىن، كەيدە ءبىر ءۇيلى جان ۇزاقتى كۇن قاربالاس ءجۇرىپ، ۇيگە قايتىپ تاماق ىستەۋگە شىنىمەن دارمەن قالماعاندا، نۇرمامەتتەن تاماق الدىرادى، جاقسىراق تاماق جەگىلەرى كەلگەن كەزدە دە، ودان تورە تاباق تاۋىق ەتىن الدىرادى ەكەن.

”باسىندا كوبىنەسە جاقىن ماڭداعى وقىتۋشىلار نەمەسە كادرلار قىزمەتتەرى قاتتى قاربالاس بولىپ، كەلىپ تاماقتانۋعا ۋاقىتى بولماي قالعان كەزدە، تاماقتى دايىنداپ اپارىپ بەرىپ ءجۇردىم“. تاماق جەتكىزىپ بەرۋمەن شۇعىلدانۋ تۋرالى باستاپقى ماقساتى جايلى نۇرمامەت بىلاي دەيدى: الارماننان سۇرانىس بولدى، مەنىڭ دە ساۋدامدى وتكىزگىم كەلدى، سونىمەن تاماقتى تەگىن جەتكىزىپ بەرۋ قىزمەتى پايدا بولدى. ”كوپ دەگەن كەزدەردە، ءبىر جولدا 30 ادامدىق تاماق دايىنداپ، 400 نەشە يۋانعا ساتتىم، ەلەكترسيكلمەن ارلى - بەرلى نەشە شاپقىلاپ اپارىپ بەردىم“.

تاماق جەتكىزىپ بەرۋ شارۋالار شاتتىعى ساياجايىنىڭ ساۋداسىنا اسەر ەتپەي مە؟ بۇل سۇراۋعا نۇرمامەت ىڭعايسىزدانا جاۋاپ قاتتى: ”’كەل، دوستار‘شارۋالار شاتتىعى ساياجايىن بىلتىر 8 - ايدا باستاپ اشقام، قازىر ءالى تيجاراتتىڭ العاشقى مەزگىلىندە تۇر، تاماق جەتكىزىپ بەرۋ دە ساۋدانى كوبىرەك وتكىزسەم دەگەن ويدان تۋدى، قازىر ساۋدام بارعان سايىن كۇسەت بولىپ كەلەدى“.

تاماق جەتكىزىپ بەرۋ ساۋداسى بارعان سايىن جاقسارا تۇسكەندىكتەن، شارۋالار شاتتىعى ساياجايىنىڭ جۇمىسىن نۇرمامەت پەن ايەلى جۇرگىزۋدەن سىرت، ولار تاعى 3 ادامدى كومەككە شاقىرعان، ولاردىڭ ءبىرى كەدەي وتباسى ەكەن. ”مەن ولارعا اي سايىن ۋاقىتىنا قاراپ ەڭبەكاقى بەرەمىن، ساۋدا جاقسى كەزدە ولارعا سيلىق اقشا دا تاراتامىن“، - دەيدى نۇرمامەت.

ساۋدا جاقسارىپ، نۇرمامەت جۇمىسقا بۇرىنعىدان دا پەيىلدەنە ءتۇستى. نۇرمامەتتىڭ تىلشىگە ايتۋىنشا، ونىڭ اۋلاداعى ءبىر بوس جەرگە سۋبۇرقاق جاساپ، شارۋالار شاتتىعى ساياجايىنىڭ تاماقتانۋ ورتاسىن اناعۇرلىم جاقسارتۋ ويى بار ەكەن. ءبىراق ونىڭ ايەلى بالالار كەلىپ وينايتىن جەر بولسا، كەيىن كەلۋشىلەر كوبەيە تۇسەدى دەگەن ويمەن بۇل جەرگە ءبىر بالاباقشا سالعىسى بار كورىنەدى. ”مەيلى قالاي بولسا دا وي جۇگىرتىپ، ەڭبەكتەنە بىلسەك، ءبىزدىڭ ساۋدامىز، ءسوز جوق، بارعان سايىن جاقسارا تۇسەدى، ول كەزدە ءبىز شارۋالار شاتتىعى ساياجايىن مۇنان دا ۇلكەيتىپ، اناعۇرلىم كوپ قىستاق تۇرعىندارىن كەدەيلىكتەن ارىلۋعا، بايۋ جولىنا تۇسۋگە باستايتىن بولامىز“.