« اقىرەتتىك دوس»

(ىلەزدىك اڭگىمە)

حۋاڭ جياۋلان

اۋىل قسىتاققا قايتالاي تاربيەگە تۇسكەندە، ول ەكەۋىمىز اقىرەتىك دوس بولعان ەدىك. قالاعا قايتىپ كەلگەن سوڭ، ومىرلىك دۇشپانعا اينالدىق. مەكەمەمىزدەن ءبىر ءبولىم باستىعى اۋىسىپ كەتتى دە، سونىڭ ورنىنا شىعىۋعا دىلگىر بولدىمدا قالدىم.

سونىمەن كونە دوسىمنان اقشا قارىز الىپ، مەكەمە باستىعىنىڭ كومەيىنە تىقپاشى بولىپ ەدىم، ادەتتە جومارت دوسىم اياق استىنان وسقىرىنىپ،« جىگىتىم، راسىندا ءبولىم باستعى بولۋعا تولىمدىلىعىم بار دەپ بىلسەڭ، ناق قابىلەتىڭمەن بارىپ تالاسقا ءتۇس، قارىز اقشا الىپ، پارا بەرەم  دەگنىڭە قول ءۇشىن بەرە المايمىن»-دەپ قولىن ءبىراق سىلتەدى.

تالەيىم بولعاندا مەكەمەدەگى باسقادا ءبىر توپ دوستارىمنىڭ كومەگىنىڭ ارقاسىندا كوزدەگەن ماقساتىمادا جەتتىم. مەكەمەمىزدىڭ ورىنباسار باستىعى دەمالسقا شىعا قالدى دا، ەندى سول ورىندى تولىقتاي قويسام دەگەن ويعا كەلدىم.

العاشتا جاسىرىن جۇمىس جاساپ جۇرگەنمىن، اناۋ قايدان ەستي قويعانىن بىلمەيمىن،« سەن سۇمەلەك ورىنباسار مەكەمە باستىعى بولۋعا تولمدى تاۋار بولساڭ، ناق قابىلەتىنىڭمەن بارىپ تالاسقا تۇسپەيسىڭ بە، ەگەر تاعى دا الدىڭعى جولعى ءبولىم باستىعىنا تالاسقان كونە سۇردەگىڭمەن جۇرمەك بولساڭ، بايقا ....»-دەپ ءسوزىنىڭ اياعىن ەسكەرتىپ تىندى.

ۇيىمداستىرۋدان مەكەمەمىزگە ادام كەلىپ اڭىس العاندا، تەك اناۋ عانا بوتەن كوزعاراستا بولعانىمەن، بوگەت بولماي تاعى دا ويلاعان جەرىمنەن شىقتىم.

اۋدانىمىز  كەزەك الماستىرىپ سايلاۋدا، ءبىر توپ مەكەمە باسشىلارىنىڭ اراسىنان  ءبىر ورىنباسار اكىمنىڭ كانديداتىن سارالاپ شىعاتىن بولدى. مەن اناۋ تاعى دا جاسىرىن شالىپ جۇرمەسىن دەپ  قورقىپ،  الدىن-الا ءوسىرۋ دەگەن اتپەن، نەگىزگى قاتتامداعى بولىمشەگە جاۋاپتى ەتىپ قويابەردىم. تاعى دا اسىعىم الشىسىنان ءتۇستى.

كەيىن، مەن قالاعا ورلەدىم. كوپ وتپەي، ولكە ورتالىعىنا ورلەدىم. ەڭ سوڭىندا، ودان دا الىس جەرگە كەتتىم......

مەن ءبىر كەزدەگى دوستارىمنان بارعانسايىن الىستاي بەردىم، ولاردا مەننەن بارعانسايىن الىستاي ءتۇستى. ءسۇيتىپ ەلى دە ، جەرى دە بەيتانىس ورتادا، جالعىسسىراپ قالا بەردىم. دوستارىمدى ەرەكشە ساعىندىم، ولاردىڭ ۋاقىت شىعارىپ  كەلىپ جۇزدەسۋىن ارماندادىم.

ولار  ءبىردە-ءبىر رەت كەلىپ جولىقپاعاندى بىلاي قويعاندا، تەلەفونمەن دە حابارلاسپادى.

كەرىسىنشە ، مەنىڭ مىيىم جەتپەيتىن شارۋا، الگى قاشاندا مەنىمەن تىلەگى تەرىس كەلىپ جۇرەتىن ومىرلىك دۇشپانىم،  اي سايىن  كەلىپ مەنىمەن جولعاسىپ تۇردى، ونىڭ ۇستىنە كوپەستىگى ۇستاپ، ءار جولى كوپتەپ كەرەك –جاراق الا كەلەدى.

ورتامىزدا قالىڭ اينەكتەن ورناتىلعان بولگىش، ول تەلەفوندا «كىم ەكەۋمىزدى اقىرەتتىك دوس بولسىن دەپتى» دەدى.