قاسەيىن قاليبەك ۇلىنىڭ قىزىقتارى
قاسەيىن قاليبەك ۇلى : قابا اۋداندىق 1- ورتا مەكتەپتىڭ قوجالىعىندا قىزمەتكەر بولعان ، قازىر زەينەتكەر.
▲ سەكسەنىنشى جىلداردىڭ ورتاسى بولسا كەرەك، جوعارى مەكتەپكە ەمتيقان تاپسىراتىن بالالاردىڭ اتا- اناسى، مەكتەپتەگى كوماسسىياعا كىرەدى- اۋ دەگەن ءبىرقانشا مۇعالىمدى قوناققا شاقىرعاندا قاسەكەڭدە ىلەسە بارىپتى ، بىرىنەن كەيىن ءبىرى قوناق قىلىپ ، اپتەن اۋزى مۇرنىنان شىعىپ تويعان قاسەكەڭ ، شىرەتپەن تۇرعان تاعى ءبىر ەكەۋىنە قارا:
- ەندىگىسى اقشالاي بولسا قايتەدى- دەگەن ەكەن .
▲قاسەكەڭنىڭ ءبىراز ءبورتىپ العاندا قۇراپ ولەڭ ايتاتىن ادەتى بار ەكەن ، سودان ايتادى دەيدى : «مەكتەپتە ەكى اقىن بار ، بىرەۋى شاقشالى اقىن ، ەندى بىرەۋى اقشالى اقىن» دەپ. سۇيتسە اقشالى اقىنى داۋىل تۋعانباي ۇلى ەكەن، توي باسقارىپ اقشا تاباتىن ،ال شاقشالى اقىنى ءوزى ەكەن شاقشادان بىرەر ءسارى تارتىپ العان سوڭ ولەڭ ايتاتىن .
▲ قاسەكەڭنىڭ اكەسى دۇنيەدەن ءوتىپ ءبىر جۇماداي سوڭعى جۇمىستارىن ىڭعايلاپ بولىپ قىزمەتىنە كەتىپ بارا جاتادى، جولىندا ماگەزين اشاتىن زامانداسى جولدان توسىپ الىپ:
-قاسەكە، شالىڭنىڭ دۇكەنگە جازدىرىپ قويعان از نەسيەسى بار ەدى ، بەرە سالاسىڭ با؟- دەگەندە قاسەكەڭ جايىن عانا :
-ەي سەن ءوزى جانازاعا بارماعانسىڭ با؟- دەپ سۇرايدى عوي ، زامانداسى سوندا :
- باردىم نەگە بارماسقا ، اۋىلىمىزدا ءبىر اقساقالىمىز اتتانىپ جاتسا،- دەمەيمە سوندا قاسەكەڭ:
- ونداي قارىزىڭ بولسا جانازا شىعارىلعاندا مولدا «مارحۇمدا قارىزدارىڭىز بارما ، بار بولسا ايتىڭدار ۇرپاقتارى قايتارادى» دەگەندە نەگە ۇندەمەدىڭ؟-دەپ جۇرە بەرگەن ەكەن.
▲ قاسەكەڭ مەكتەپتىڭ قاقپاسىنان كىرىپ كەلە جاتسا، قاقپا الدىندا تۇرعان ءوزى قۇرالىپتاس ءبىر نەشە ايەل قاراپ كۇلىپتى، بايقاسا ىشقىرى بوساڭقىراپ كەتكەن ۇقسايدى، سوندا قولما – قول:
- قالاي ەكەنىن بىلمەيمىن ايتەۋ، ايەلدەردى كورسەم بەلبەۋىم بوساپ كەتەدى- دەپ ىشقىرىن قاتايتىپ جاتىر دەيدى .
▲ قاسەيىن اعامىز مەكتەپ باستىعىمەن كورشى وتىردى ەكەن ، ءبىر جولى قاسەكەڭ جەكەلىك جۇمىسپەن بىرەر كۇن قىزمەت اقساتىپ قويىپ ، قاشقالاقتاپ جۇرگەن كەزىندە ، اياق استىنان ەكى ءۇيدىڭ ورتاسىندا باسەكەڭە ۇستالىپ قالىپ، سوگىس ەستىپ تۇرسا ، باسەكەڭنىڭ قورازى ءوز ۇيىنىڭ شىبيىن قۋىپ كەلە جاتادى، ءدال وسى كەزدى وراي ساناپ، باسەكەسىن كۇلدىرۋدى ويلاي قالعان قاسەكەڭ تومەنشىكتەپ مىڭگىرلەپ:
- وسى ءبىز قايتىپ ادام بولامىز،- دەپ جىلامسىراپتى ، باستىق «نە بولدى» دەپ سۇراسا:
- اتەشىڭىز شىبيىمىزعا كۇن كورسەتپەيدى ، ءوزىڭىز ماعان كۇن كورسەتپەيسىز،-دەگەندە قاتۋلانىپ تۇرعان باستىعى كۇلىپ جىبەرىپتى .
▲ قاسەكەڭ ءبىر كۇنى اپاق-ساپاقتا مەكتەپتەن ءبىر كاتەل ، ءبىر سىبىرتكىنى الىپ، ۇيىنە قاراي الىپ كەلە جاتسا مەكتەپ باستىعى الدىنان ۇشىراسىپ قالىپ « وي جىندى مۇنىڭ نە »-دەيدى عوي قاباعىن شىتىپ، سوندا ساسقالاقتاپ قالعان قاسەكەڭ:
- ە، ەندى قايتەمىز سىزدەرگە ەل اكەپ بەرەدى، بىزگە كىم اكەلىپ بەرەدى،- دەپ جالتارعان ەكەن.
جيناپ رەتتەگەن : سەرجان قابەت ۇلى
加载评论内容,请稍等......