سەگىزباي قارقابات ۇلى

ەكى ولەڭ

جاستارعا


ول باسقا، سەن دە باسقا، تاعدىر باسقا،
تۇرمايدى باي، كەدەيلىك ماڭگى باستا.
قۇلشىن، ۇيرەن، ەڭبەكتەن جانتالاس تا،
اتاق قۋىپ، باسەكەمەن باق تالاس پا.

بويكۇيەز، جالقاۋلىقتى مۇلدەم تاستا،
ۇنەمدە، قولداعىڭدى توگىپ-شاشپا.
قول جەتپەس ەڭبەكتەنبەي دايار اسقا،
بۇل ءبىر سىن، نامىسى بار ءاربىر جاسقا.
ەستە بولسىن “جاس ءوسىپ، جارلى باييد”،
“ءبىر تەرىدە سەمىز دە تالاي اريد”.
قايراتقا ءمىن ەڭبەكپەن وزگەرد جايىڭدى،
الاقان جايىپ، تىلەمە ەلدەن قايىردى.

دامەلەنبە تۇسەر دەپ كوكتەن دايىندى،
ادامزاتقا جالقاۋلىق جاۋ عوي بايىرعى.
“قورقا جەسەڭ قويىڭدى، تارتا جەسەڭ تايىڭدى”،
قاجىرلى بولساڭ ساعان دا جازعان بايۋدى.


اتا مەكەن


اسقار تاۋ، تەرەڭ شاتقال، اساۋ وزەن،
قاراعاي، تەرەك، قايىڭ، ارشالى كەزەڭ.
تاۋەشكى، ارقار، بۇعى، ايۋ، كۇزەن،
قىرعاۋىل، ۇلار، بۇركىت، اققۋ، قازىڭ.

نۋ ورمان، جاسىل القاپ، ءمولدىر بۇلاق،
جايقالعان سازداۋىتىڭ گۇل مەن قۇراق.
ءتورت تۇلىك قويناۋىندا جاتقان شالقىپ،
بۇل ءبىزدىڭ تۋىپ-وسكەن ءجاننات تۇراق.

بۇلدىرگەن، قاراقات پەن توشالاسى،
ادامعا ءومىر سيلار تازا اۋاسى.
ماساتىداي قۇلپىرعان تاۋ-دالاسى،
ورتاسى بۇزىلماعان جەر ساراسى.

اق وردا شاعالاداي كول بەتىندە،
قاراساڭ كوزىڭ تويماس كەلبەتىنە.
ءتاڭىرىم سيعا بەرگەن جەر بەتىنە،
ءان سالعان الپەنشەكتە تەربەتىلە.

قوبىزى، سىبىزعى مەن دومبىراسى،
اۋجار، جار-جار، ايتىسى، سىڭسىماسى.
ايگولەك، قاراجورعا ءبي مۇراسى،
نەدەگەن قاسيەتتى جەگەن اسى.
قازى-قارتا، جال-جايا، باس پەن جانباس،
بال قايماق، ىرىمشىك-قۇرت، استان قالماس.
سارى ماي، قىمىز، ءشۇبات الدا سىرباز،
قاراشى تۇرمىسىندا ءبىر ءمىن بولماس.

باقىتتى جاساپ جاتىر قازاق حالقى،
بەيزاتتىق مۇرا بولدى اتا سالتى.
ءدانىشپان پارتيانىڭ باستاۋىندا،
الەمگە ايگىلى بوپ اتاق-داڭقى.

انا – وتان، ءوزىڭ ءۇشىن ماقتانامىن،
بويىما اتا سالتىن ساقتاعامىن.
ارىمدى داق تۇسىرمەي الۋەتتەپ،
اق ءسۇتىن انامىزدىڭ اقتاعانىم.

(قوبىقسارى اۋداندىق ساياسي كەڭەس)
رەد: ريزابەك قاسەنوۆ

«التاي اياسى» جۋرنالىنا جازىلىڭىز، شىعارما جولداڭىز! «التاي اياسى» جۋرنالىنىڭ شىعارما قابىلداۋ ەلەكتروندى حات ساندىق ءادرسى: altayayase@qq.com

ەسكەرتۋ: جازبا «التاي اياسى» جۋرنالى رەداكسياسىنىڭ رۇقساتىمەن جاس قانات تورابىنا شىعارىلىپ وتىر. جاسامپازدىق تۋىندىلارىڭ بارلىق باسپا ۇقىعى قورعالادى ،كەلىسىمنەن وتپەگەندە كوشىرىپ پايدالانۋعا بولمايدى.