ۇلى وتانىمىز- رەفورما جاساپ، ەسىك اشقاننان بەرگى 40 جىلدا ۇشقان قۇستاي دامىپ، دۇنيەنىڭ الدىڭعى لەگىنە قادام تاستادى. مىنە وسى تەلەگەي تابىستاردى جىرلاۋ ءۇشىن قاباداعى جاس اقىندار قولدارىنا قالام الىپ، جۇرەك جاردى جىرلارىن ورتاعا سالعان ەدى، اقىن توقان تاشقىنباي ۇلى، ساتيرك جەڭىس تولەۋباي ۇلى قاتارلى اعالارىنىڭ ساراپتاۋىمەن سول جىرلاردىڭ اراسىنان ءبىر قانشا ولەڭدەردى جۇرتپەن جۇزدەستىرىپ وتىرمىز.
-جاس قانات رەداكسياسى
جاسا ماڭگى ۇلى انام
اقىنبەك قازەز ۇلى
شۇعىلاسىن شاشقان شۇلەن قىرىق جىل،
جۇرەكتەردى ايمالايدى بۇگىن نۇر.
وگىز اربا ويىمىزدان ەلەس بوپ،
ۇشاقپەنەن كوكتە سامعاپ ۇلىڭ ءجۇر.
رەفورما رەڭ بەرىپ وڭىرگە،
ەسىك اشىپ شىراق جاقتى كوڭىلگە.
وزىق ەلمەن تەرەزەنى تەڭ ۇستاپ،
وزگەشە ءبىر قادام باستىق ومىرگە .
وزەك ەتىپ بۇقارانىڭ مۇدەسىن،
ءاربىر ادام تۋرا تانىپ ۇلەسىن.
قىرىق جىلدا قىرقالاردان مۇدىرمەي،
جەڭىس تاپتى قاجىماعان كۇرەسىڭ.
جاڭا داۋىر جالپى حالىق قامىن جەپ،
جۇرەكتەردى جىلتى سولاي جالىندى وت.
جەمقورلاردىڭ جەلكەسىنەن بالعا ۇردى،
ءادىل باسشى، پاك پرەنسپ، عادىل سوت.
بۇل قىرىق جىل بەيبىت ەلدىڭ جەمىسى،
دامۋشىلىق قايدا بارساڭ ەل ءىشى.
كومپارتيام توقسانىندا تولىسىپ،
جەلبىرەدى بايراق بولىپ جەڭىسى.
ۇلى جۇڭحۋا بارلىق ۇلتتىڭ بەسىگى،
ەلى ءۇشىن ەڭبەكتەندى ەسىلى.
ۇستانىمى ءبىر جولمەنەن ءبىر بەلدەۋ،
دوس ەلدەردىڭ كىرىپ شىعار ەسىگى.
نامىس بەرمەس قۋاتتى ەلىمىز جات ەلگە،
جەتپىس جىلدا ءبىز اينالدىق باس ەلگە.
حالىقارانى تۋرا جولى شۇلعىتقان،
ۇلى ەلىمنىڭ دومالاي بەر تاسى ورگە.
مالشىلارى بەيقۇت ۇيگە جايعاسقان،
بالا قويشى موتو ءمىنىپ قوي باققان.
ەگىنشىسى التىن ءدانىن ساپىرىپ،
تاقىمىندا تەمىر تۇلپار ويناتقان.
مىنە، مەنىڭ جاڭا داۋىر باقىتىم،
قادىرلى ەلىم مەرەيىمىز تاسىسىن.
بارىمىزدە بورىشتارمىز دەپ بىلەم،
وتانىمنىڭ جالعىز ءتۇيىر تاسى ءۇشىن.
سىندار ازبا جولدارىڭ دا سىناعان.
سان كۇدىردە يرادامدى شىڭداعام،
كەلەشەگىم ءتىپتى نۇرلى سەنەمىن،
جاسا ماڭگى ۇلى جۇڭحۋا-ۇلى انام.
التاي ايماعى قابا اۋدانى سارتام اۋىلدىعى
اتا مەكەن اقشيىم
ەربولات قىيلىمبەك ۇلى شارىمحانوۆ
باقىتتى كۇندەر بار الاپ قانداي،
كوزىڭدى سۋار ارالاپ قانباي.
ەلۋ جىلدا ەل جاڭا دەگەن،
قاناتىن قاقتى بيىككە تالماي.
كەشۋدە -كەشۋ زاماندا انا،
جۇرەككە مۇڭ مەن تارالعان نالا.
شۇبىرىندى كۇندەردە سوناۋ،
مۇڭايعان انا، جىلاعان بالا.
ازاتتىق تاڭى ارايلاپ اتقان،
جەرىمە مىناۋ شۇعىلا تاراتقان،
الەمدىگى الىپ ۇلى وتانىم،
ادىلدىگىمەن مۇعجيزا جاراتقان،
بەلبەۋىندەي دارقان دالانىڭ،
اسفاليت جولدار قارقىنداعانىڭ،
جۇيتكىگەن تەمىر تۇلپارلارىمنىڭ،
تابانىندا قالسىن قۇرعىر نالا-مۇڭ.
ەلەكتر نۇرى جايناعان ولكەم،
باقىتتىڭ باعى تايماعان ولكەم،
ورتامىز تىنىش، حالقىمىز بەيبىت،
شاتتىقتىڭ قۇسى سايراعان ولكەم.
تىڭ يگەرۋدەن قوزعاعان ۇران،
ەڭبەكپەن تالاي سومداعان ۇلان.
جايقالعان اتىز بارلىققا كەلدى،
بودانبايدىڭ* بوز قاراعانىنان،
قوزداعان ءداۋىر جورىقتى جاڭا،
وزگەردى سولاي بورىقتى دالا.
ات بويى قالىڭ شي وسكەن جەردەن،
بوي سوزدى كوككە كورىكتى قالا.
ادا ەتىپ حالقىم سەرتپەن سەنىمدى،
ماڭداي تەرىمەن وزگەرتتى ءوڭىردى،
ات سالىپ وتكەن ەرتس، قابادان،
كورىكتى كوپىرلەر ايداي كەرىلدى،
سايا ساتپەن ساياحات دامىپ،
بارىمەن ءمازىر باياشات حالىق،
كەنشتى ولكەدە موشكەدەي ءيىپ،
كوركەيدى قابا عارشتاپ دامىپ،
وزىڭدە ءوتسىن ءتاتتى كۇندەرىم،
وتانعا ماداق شاتتىق ۇندەرىم،
القابى ءداندى اۋماعى مالدى،
اتا مەكەن اقشيىم مەنىڭ،
*- جەر اتى
وتانىم
كادىربەك ابزالقان ۇلى
وتباسىم وتانىمنىڭ ءبىر بولشەگى،
بەرەكە-بىرلىكپەنەن نۇرلى ەرتەڭى.
ءار ۇلتتىڭ قۇپ جاراسقان ىنتىماعى،
وتاندى كوركەيتەدى، گۇلدەنتەدى.
وتانىم- ەلۋ التى ۇلىت باس پاناسى،
ايبىندى ۇلى بيجيڭ استاناسى.
ورناعان مىزعىماستاي بەرىك سەنىم،
شىرقايدى ۇلى ەلىم دەپ جاس بالاسى.
وتاننىڭ مەيىرىمدى قۇشاعىندا،
بار حالىق بولاشاققا كۇش الۋدا.
كەشەگى جالعىز اتقا زار كەدەيىڭ،
وتىرىپ جول الادى ۇشاعىڭ دا.
جاقىنعى قىرىق جىلىم جەمىس بەرىپ،
ءبىر بەلدەۋ ءبىر جولىڭمەن ءورىس كەڭىپ.
دامىدى ۇشقان قۇستاي تەزدىك پەنەن،
ءار سالا ءار كاسىبىڭ تەڭ ىستەلىپ.
حالقىما ۇيتقى بولىپ ءتوراعامىز،
عاسىرلارعا سەنىممەن جول الامىز.
ۇلى جۇڭحۋا نۇرلى وتان قۇشاعىندا،
وركەندەگەن باقىتتى ەل بولا الامىز.
جۇرەكتە وتان دەگەن باتىل ءۇنىم،
سۇيۋگە ۇلى وتانىم قاقىلىمىن.
ءنار العام سەنىڭ عانا قاسيەتىڭنەن،
جىرلايتىن ءبىر ءوزىڭسىڭ تاقىرىبىم.
وتانىم ۇلى كەمە
نۇربولات بايدوللا ۇلى
ارايلى تاڭ شۇعىلاسىنا بولەنگەن،
باقىت بەرگەن ۇرپاعىنا تەرەڭنەن،
ەلۋ التى ۇلت بەرەكەلى بىرلىكتە،
العا تارتتىڭ جۇڭحۋا دەيتىن كەمەمەن.
ۇلى كەمە، ۇلى جوسپار ءۇنى بۇل،
حالىققا پاك كوزقاراستىڭ قۇنى بۇل،
دامۋ داۋ جوق دەگەن ءسوزدىڭ دالەلى،
رەفورما العا تارتقان قىرىق جىل،
كوش باسشىمىز جاڭا جولعا باستاعان،
جاڭا داۋىر جاڭا تۇرمىس شات زامان،
ۇلىلاردىڭ يدەياسى ۇلى كوش،
ۋا! سۇيىكتى وتان انا استانام،
سول قىرىق جىل رەفورما جاساعان،
ۋاقىتپەنەن تاي-تالاستى قاشاعان.
عىلىممەنەن ۇدىرە العا تارتتىق تا،
كۇندەر قالدى ميمىرت تىرلىك بوشالاڭ،
قىرىق جىلدىق كىلەڭ العا دامۋىڭ،
جاۋ كۇشتەردى ويسىراتتى ادۋىن.
وتانىمنىڭ شەگاراسىن قورعاعان،
جاۋىنگەرلەر سەرت ۇستاندى قارۋىن.
جىبەك جولىن دۇنيەگە ەلگە جالعادىڭ،
كۇلى الەمدى جالت قاراتتى تالعامىڭ،
قاسيەتتى كومپارتيام دانىشپان،
ادامزاتتىڭ بولاشاعى تالعامىڭ.
بارلىق ۇلتقا باعىت سىلتەپ جاڭاشا،
بالىق گۇلدەر شەشەك اتتى تالاسا،
ەسكى كەزدە ەزگى كورگەن قارتتارىم،
قارىق بۇگىن، ءماز بولادى بالاشا.
كومپارتيا سەن دەپ انگە باسامىن،
حالىققا كوپ تيىمدىلىك جاسادىڭ،
سۋسىندادى مالشى ديقان مەكتەپتەن
ۇلى وتان انام ماڭگى جاساسىن!،
شۇعىلالى قىرىق جىل
باقىتبەك قابانباي ۇلى
كەڭگە جايىپ قاناتىن رەفورما،
باستايتىن جەڭىستەرگە كۇرەس الدا.
"قوس 100جىلدىق نىسانا" قۋات سيلاپ،
ورىندايمىز جۇڭگو ارمانىن ىلەسە العا.
وتانىم سەنىڭ شاتتىق تابىستارىڭ،
ورناتتى ەلىم ساناعا انىق تانىم.
بەرەكەنى ۇنىنە ارقاۋ ەتكەن،
پارتيامىز ويلادى حالىق قامىن.
ءادىل دە بەرەكەلى ساياساتىڭ،
بالىق ۇلتقا سيلادى جاڭاشا كۇن.
قىرىق جىلدا يەلەپ زور تابىستى،
دالەلدەدى جۇڭحۋا ەلى پاراساتىن.
جول ءتۇستى اۋىلدارعا تارامدالىپ،
بەيقۇت ۇيمەن ورتامىز جاڭاردى انىق.
ساۋلەلەنىپ وتانشىل ەل رۋحى،
كوڭىلدەرى پاكتىكپەن تازاردى انىق.
ۇيرەنىپ وتان ءتىلىن دۋماندى ەلىم،
سۇيۋگە بورشتى ۇرپاق تۋعان جەرىن.
كومپارتيا حالىقپەن شىن ەتەنە،
ىنتىماققا جول نۇسقاپ بۋعان بەلىن .
سيلادىڭ ەلگە جارىق نۇردى كوپتەن،
ساياساتىڭ جاساسىن شىندىق ەسكەن.
ءار سالادان تيىمدىلىك حالىق كوردى،
بەرەكەلى ەل داميدى بىرلىك ەتكەن.
وتانىم جاسا ماڭگى عاسىرلارعا،
جەڭىستىڭ تۋىن تىككىن اسۋلارعا.
ەلدىڭ قامىن ويلاعان ەر تۇلعالى،
قۇرمەتىم وسى ارناۋىم اسىلدارعا.
جىرلاسام ءتىلىم جەتپەس ءار ىسىڭدى،
باياشاتتى قوعامىڭ باق ۇسىندى.
جاساي بەر وتان انام كوركەيە بەر،
قىرىق جىلدىق قۇتتىقتاپ تابىسىڭدى !
加载评论内容,请稍等......