جاقىندا جاس اقىن ورال قۋانعان ۇلىنىڭ ۇيىمداستىرۋىمەن قابا اۋدانىنداعى ادەبيەت اۋەسكەرلەرىنىڭ ولەڭ جازۋ قيمىلىن الىپ بارعان ەدىك، سول قيمىلدا الدىمىزعا كەلىپ تۇسكەن شىعارمالاردان سارالاپ ءبىرقانشا اۆتورلاردىڭ ولەڭدەرىن نازارلارىڭىزعا ۇسىنىپ وتىرمىز.
-جاس قانات رەداكسياسى
ءسابي ءيسى
ايگۇل سۇلەيمەن قىزى
انا بولىپ ەڭ العاش مويىنداعام ،
ءساتتى كۇن ءسابىيىمدى قويىنعا العان.
ول مەنىڭ ءبىر باقىتتى شاعىم ەدى،
كۇزەتىپ شىلدەحانا تويىم بولعان.
بوبەگىم جۇپار شاشقان جاتتى ىرگەم دە،
ءسابي ءيسى باعالى اتىردەن دە.
ەلجىرەتكەن، يىتكەن جان مەيىرىن،
اڭساعان باقىتتىمدى تاپتىم مەندە.
تۇسىنبەسەم باقىتتى ساناما سىن،
باقىت بولماس بۇدان ارتىق اناعا شىن.
ءسابي ءيسىن بالاعا باسىرە ەتكەن،
الەمدى مىڭ ايلانساڭ تابا الماسسىڭ.
جىيى يسكەپ جۇرەمىن ءيت جەيدەڭدى،
كوز الدىمدا كورگەندەي ءتۇس بەينەلى.
سەن ومىرگە كەلگەندە بال بوبەگىم،
زور قۋانىش تولقىتقان ىشتەي مەنى.
بۇلدامايمىن قارىز عىلىپ ەڭبەگىمدى،
اقتادىڭ سەن اق ءسۇتتى ەمگەنىڭدى.
شاڭ تيگىزبەي قاستەرلەپ ساقتاعانمىن،
بەس تۇلەتكەن بەسىكپەن جورگەگىڭدى.
ساعىم ۋاقىت جىلىستاپ ەسكىرگەلى،
بارى ەسىمدە وشپەگەن ەشبىر بەلگى.
سودان بەرى جىيرما التى جىل اۋىناپتى،
قۇلىنىمنىڭ كىندىگىن كەستىرگەلى.
سول ءيسىڭدى ساعىندىم سارايدى اشقان،
قۇشىرلانا قۇشاققا تالاي باسقام.
بەسىگىڭدى تەربەتىپ بەتتەن ءوبىپ،
وتىرعاندا ماقپال تۇن تاڭعا ۇلاسقان.
سالماقتى بوپ ساراڭداپ ەركەلىگىڭ،
اقىل ويدان ەمەسسىڭ كەلتە بۇگىن.
ەرجەتسەدە ءۇي بولىپ وتاۋ ۇستاپ،
ساعىندىم سول ءبىر ءيسىن، تەنتەگىمنىڭ.
حان تاڭىرى
ءاليا قابدوللا قىزى
قۇزار باسىن قۇشاقتاعان كوك اسپان ،
اسقاقتىعى التىن كۇنمەن تالاسقان .
الىپ ەلدىڭ ، سالتاناتىن اسىرعان ،
حان تاڭىرى ايبىنىم بوپ جاراسقان .
اي تۇنەگەن اسقارىنان اسا الماي ،
كۇن قۇلاعان سۇيىنىشىن باسا الماي .
الىپ - اسقار ازيانىڭ شوقتىعى ،
كوك كۇنبەزگە قاداپ قويعان نايزاداي .
ورلىگى بار ، وزگەگە باس يمەيتىن ،
سەنى كىم بار ،جۇرەگىمەن سۇيمەيتىن .
قۇزارىڭدى قۇشاقتاسا كۇن قۇلاپ ،
باۋرايىڭدا بايتاق ولكە گۇلدەيتىن .
قۇشاعىندا تاريحتىڭ حاتتارى ،
كوپ سىرلارعا جۇكتى بولعان قاتپارى.
كوك ورمانمەن كومكەرىلگەن قويناۋى ،
قارت بابامداي قاسقايىپ تۇر باس جاعى.
قاتالدىعى جاۋعا سىلتەر قانجارداي ،
اسقاقتىعى ازعىندارعا ايبارداي.
كەڭ قولتىعى كەنىشى ۇلى ەلىمنىڭ ،
بيىك بارما؟ ءدال وزىڭدى الارداي .
اسقان ەمەس شىڭىن قۇشپاي كەرىم كۇن،
رۋحى بار بۇلدىراماس سەنىمنىڭ.
حان تاڭىردىڭ بىيىگىنە قاراسام ،
سيمولىنداي ۇلى جۇڭحۋا ەلىمنىڭ.
ناۋرىز
ءيدىرىپ جەر انانىڭ ومىراۋىن ،
ەسەدى ەركە تاڭنان قوڭىراۋ ۇن.
بالقىتىپ ەركەلىگى ەسكەك جەلدىڭ،
قاراشى كۇرتىك قاردىڭ بوبىراۋىن.
قوناقتاپ تال باسىندا ەركە كوكتەم ،
كۇنگەيدە قىلتىيادى جاپ-جاڭا وركەن.
تەڭەلىپ كۇن مەن تۇننىڭ ەسەسى دە،
ىزعارى قايىتتى قىستىڭ جان جۇدەتكەن.
جىل كەلدى ناۋرىز كەلدى كوكتەم كەلدى،
قۇس ءۇنى كەرنەپ باراد كوكپەن جەردى.
ەرىتتى سامارقاننىڭ كوك تاسىندا،
كوكتەمنىڭ جايما شۋاق، ەسكەن جەلى.
جايىلدى اق داستارقان اق تىلەۋمەن،
ابىز قارت ىقىلاستى باق تىلەگەن.
ءار ۇلتتىڭ بەرەكەسى بەكەم بولىپ،
شىرقالسىن شات زاماندا شاتتىق ولەڭ.
ولەڭ عوي
قاسىم دالەلقان ۇلى
جابىرقاسا جانىمدى،
ەرمەن جىرمەن ەمدەدىم.
اشتى- تۇشتى تاعدىرمەن،
سىنالاتىن پەندەمىن.
كوتەرىلەد كوڭىلىم،
جازا السام جىر جالىندى.
كيەسى عوي ونەردىڭ،
جادىراتقان جانىمدى.
جاسىمايمىن جانامىن،
بەرسە تاعدىر قىرسىعىن.
كەۋدەمدە جىر اشادى،
كوكتەم سىندى بۇرشىگىن.
اقيقتاي اسپاننان،
قۇز- قيانى كوزدەيمىن.
ولەڭسىز كۇن ءبىر ءتيىن،
وندا مۇلدە توزبەيمىن.
بويىمداعى قاسيەت،
قونعان وسى ونەر عوي.
اقىن ۇشىن بارىنەن،
ەڭ قىمباتى ولەڭ عوي.
انام قايدا
كۇناي بازيوللا قىزى
انام قايدا، سۇم تاعدىر نەگە الاسىڭ؟!
سابيىننەن اشاسىڭ نەگە اراسىن؟
قارا جەرگە قيماعان قىمباتتىم ەڭ،
تابىلارما ىزدەسەم ەل اراسىن.
جاتقانىمدا شىرىلداپ جورگەكتە مەن،
قيالىنا انامنىڭ كوز جەتپەگەن.
بال بوبەگى بالدىرعان باۋىر ەتىن،
اق ءسۇت بەرىپ قاي انا تەربەتپەگەن؟!
انام قايدا، سۇم تاعدىر، انام قايدا،
انامدى ىزدەپ تاعدىر- اي بارام قايدا؟
مەيىرىڭدى اڭساعان بالا كۇنىم،
انام بولسا جۇرەگىم الاڭدارما.
بەرە المادىم اناجان قول ۇشىمدى،
ماڭگىگە تۇراق ەتىڭ قونىسىڭدى.
ارتىڭدا جىلاپ انا، قالابەردىم،
بالالىق اقتاي الماي بورىشىمدى.
سەنىڭ كۇلكىڭ
باقىتبەك قابانباي ۇلى
اينالايىن ءاپپاق ايىم گۇل جايناعان جامالىڭ،
قاراقاتتاي مولدىرەگەن تۇنىق قالقام جانارىڭ.
سەنىڭ كۇلكىڭ اي ساۋلەسى جانىما نۇرقۇياتىن،
سول كۇلكىڭە عاشىق بولىپ ورتەنىپ مەن بارامىن .
سەنىڭ عانا كوزدەرىڭنەن سەزەم باقىت تاڭدارىن،
شۋاق بولىپ سەزىلەدى ءسال جىميساڭ الدا كۇن.
سەنىڭ كۇلكىڭ ەستىلگەندە بار قايعىمدى ۇمىتام.
جانىم مەنىڭ - نۇر جۇزىڭە ەشقاشاندا الما مۇڭ.
سۇلۋ كوركىڭ، ءپاك جۇرەگىڭ مەنى وزىڭە باۋراعان،
سەنسىز ماعان ەلسىز يەن سەزىلەدى بار عالام.
سەنىڭ كۇلكىڭ باقىتىمنىڭ سەمولىنداي سەزىلەد،
جانىم سۇيگەن جارىم سەنسىڭ بۇل ءومىردە تاڭداعان.
加载评论内容,请稍等......