جاراسىمدى جۇبايلار

( اڭگىمە )

اۋدارعان: سەرجان قابەت ۇلى

 يوحان. يوحانسۇن سونى بىلەدى، ول ءسوزسىز ايەلىن ءولتىرۋى كەرەك. بۇلاي ىستەمەسىنە امالى دا جوق. بۇل ونىڭ بىردەن ءبىر شىعار جولى. ول قالايدا سايدىس ۇشىن ويلانۋى كەرەك عوي.

   اجىراسۋ مۇمكىن ەمەس. وعان جىبى دۇزۋ سىلتاۋدا جوق. ماري بولسا ءوڭ دەسە ءوڭى بار، اقكوڭىل اشىق جارقىن ادام، ونىڭ ۇستىنە عۇمىرى وزىنەن باسقا ەركەك كىندىكتىگە كوز ءسۇزىپ كورگەندە ەمەس. وزىمەن باس قۇراعالى، ماري ونى ارتىق- اۋىس اۋىرە سارساڭعا سالىپتا كورمەپتى. قۋىرماش قۋىرۋدىڭ مايتالمانى، قارتانى دا اجەپ تاۋىر ويناپ قويادى، ول قالاشىقتاعى ەڭ قۇرمەتتى ايەل قوجايىن بولاتىن.

   ول ماريدىڭ كوزىن قۇرتپاۋىنا بولمايدى، بۇل راسىندا وتە وكىنىشتى- اق. الايدا، ماريعا ودان بولنبەكشى ەكەنىن ايتۋعا اۋزى بارمايدى، بۇل ماري ۇشىن ءوزىن قورلاعانمەن بارابار. ونىڭ ۇستىنە، ەكى ايدىڭ الدىندا عانا، ولار وزدەرىنىڭ نەكەلەنگەندىگىنىڭ جىيرما جىلدىعىن اتاپ وتكەن بولاتىن-دى، سوندا ءار ەكەۋىدە، وزدەرىن دۇنيەدەگى ەڭ باقىتتى جۇبايلارمىز دەسكەن ەدى.

 وزدەرىنە تابىنا قارايتىن ونشاقتى دوستارىنىڭ الدىندا، توس كوتەرىپ تۇرىپ، ۋادە بەرە ءسوز الىپ:«بارلىق ادام بالاسى ارمانداعانداي، بىزدە ءومىر بويى ءسۇيىسىپ وتەمىز، ءبىز ءبىر جىلدىڭ ءبىر ايىنىڭ ءبىر كۇنىندە تۋلۋدى تىلەمەيمىز، الايدا ءبىر جىلدا ءبىر ايدا ءبىر كوندە بىرگە كوز جۇمۋدى تىلەيمىز!»،- دەسكەن بولاتىن.

 وسىلاردىڭ بارلىعىن باسىنان كەشىپ وتىرعاندا، يوحان قايتىپ ەبەپ- سەبەپسىز ماريدى قۋىپ سالا الادى، ونداي بولسا تىم پاسىقتىق بولماي ما.

   يوحان بولماعان بولسا ماريدىڭ تۇرمىسى دا ماعاناسىز بولار ەدى، ارينە ماري دۇكەنىن اۋەلگىدەي اشا بەرەر، بۇل دۇكەن تىيجارات باستاعالى، ساۋداسى بۇگىنگە دەيىن وتە كۇسەت، الايدا ماري ارنايى كاسىپتىك ايەل ەمەس ەدى. بۇل دۇكەندى اشۋ بۇكىلدەي اينالش ەتۋ ۇشىن بولاتىن، كەزىندە بۇردىڭ ىرگەسىندەگى ۇيدى ساتپاقشى بولادى، سونىمەن ەكەۋى ساتىپ الاسالادى، ونى اشەكەيلەۋدىڭ دە قاجەتى جوقتى، تەك ەكى ۇيدىڭ اراسىنداعى تامدى تەسىپ، ەسىك شىعارسا جەتپ اساتىن. ماريدىڭ سوزىمەن ايتقاندا، سەمىيا جابدىقتار دۇكەنىن اشۋداعى ماقساتى سۇيكتى كۇيەۋى ۇيدە جوق كەزدە، ۋاقىت وتكىزۋ ءۇشىن عانا ەدى.

    جو. . جوق، يوحان وعان اجىراسۋ تالابىن قويۋىنا بولمايدى، بۇل ماري ءۇشىن ايتقاندا ونى قۇرلاۋمەن بارابار. ول قالايدا تاماشا جولمەن شەشىم تابۋى كەرەك.

   ەگەر يوحان«لەشىڭتومعا» ىسساپارمەن شىققان كەزدە، سايدىسكە جولقپاعان بولسا جاقسى- اق ەدى. ءبىراق ول دا ءبىر رەتكى ويلاماعان جولىعىۋ بولدى. وعان بولا قالاي وكىنبەك؟ سايدسپەن تانىسقاننان كەيىن عانا، ءوزىنىڭ ومىرشەڭدىك قۋاتى ارتا تۇسكەندەي سەزىندى. سايدىسپەن جولىققاننان كەيىن، ول بەينە سوقىر ادامنىڭ قايتا جارقپەن قاۋىشقانىنداي كۇي كەشتى. ال ادامدى قايران قالتىراتىنى، سايدىستە ونى قۇلاي ءسۇيدى، ونىمەن ۇيلەنۋ ءۇشىن تاقاتسىزداندى، ونىڭ باسى بوس ەدى، ەشقانداي كەدەرگى دە جوق بولاتىن.

 توسۋ باستالدى.

   قۋزاۋ باستالدى.

   يوحان ەندى ءسوزسىز ەبىن تاۋىپ ماريدىڭ كوزىن قۇرتۋى كەرەك، ءبىر رەتكى جازاتايىم ۋاقيعا قالپتاسترۋ ونشا قىيىندا ەمەس ەدى. وعان دۇكەننىڭ ءوزى ەڭ قولايلى ورىن بولماق، ونىڭ ءىشى ەرەكشە ءيىن تىرەسىپ تۇراتىن، انا زىلدەي تاس مۇسىندەر، اسپا شىراق، قابىرعا مەشتىڭ قاي- قايسىسىن پايدالانسادا، وپ-وڭاي عانا ءوزىنىڭ سۇيكتى ماريىنىڭ جانىن جالماۋعا بولاتىندى.

   - سۇيكتىم، سەن ءسوز جوق ايەلىڭە ايتۋىڭ كەرەك، قالايدا تەز ارادا اجىراسۋىڭ شارت، ءسوزسىز ارامىزداعى ءىستى جەتكىز- دەگەن ەدى سايدىس. ولار الدىڭعى جولى لەشىڭتومداعى ءبىر تۇسەلحانادا جولعاسقاندا، ونىڭ داۋسى قۇلاعىنا سىڭعىرلاي تىيگەن يوحان بالقي تۇسكەن.

 ءبىراق يوحان ماريعا سايدىس جايلى قالاي اۋىز اشپاق؟

 سول جولى، سايدىستى شاراپحاناعا ۇسىنىس ەتىپەكشى نىيەتىنە كەلە بەرگەندە، ول سات. فيسايمىڭنىڭ تۇسەلحاناعا كىرىپ، قىزمەت وتەۋ تۇعىرىنا قاراي جۇرگەنىن بايقاپ قالادى، سات. فىيسايمىڭ لەشىڭتومعا نە ىزدەپ كەلدى ەكەن دەشى؟

   ءار قانداي جەردەن تانىس ادامداردىڭ جولىعىپ قالۋى مۇمكىن، بۇل زاڭسىز كوڭىل قوسۋشىلاردىڭ ۇنەمى دۇپ كەلەتىن ماسەلەسى، ولار قانداي ۋاقىت، قانداي جەردە بولسن تۇبىندە بىرەۋدىڭ كوزىنە تۇسىپ قالۋى مۇندا تۇر. بۇل دۇنىيەدە، بالكىم ءار قانداي ورىنىڭ قاۋىپسىز بولۋى ەكىتالاي.

   ونىمەن قويماي، سات. فىيسايمىڭ يوحاننىڭ ەڭ كورگىسى كەلمەيتىن ادامى، ەگەردە ول يوحاننىڭ بوگدە ءبىر ايەلمەن بىرگە جۇرگەنىن كورىپ قالسا، ءسوزسىز ورشەلەنە وسەك تاراتۋى ايتپاسادا بەلگىلى، فىيسايمىڭ دەگەن مىنا وت اۋىز، ونىڭ ايەلى مەن دوستارىنا، شىيپاگەرىمەن دۇكەنشىسىنە، بانكەرى مەن ادىۋاكاتىنا جەتكىزۋى مۇمكىن.

 يوحان سايدىستىڭ قاسىندا تۇرىپ قىرىنان قىسىلدى. سات. فىيسايمىڭ ءالى دە قىزمەت وتەۋ تۇعىرىندا بىردەمەسىن ايتىپ جاتىر. يوحان بۇلايشا ءوزىن اشكەرلەپ الماۋى كەرەك، ەگەر سات ماڭايىنا كوز قىدىرتار بولسا بولدى، سايدىس ەكەۋىن كورىپ قالۋى مۇندا تۇر. يوحان كۇلكىلى بولسادا ءبىر سىلتاۋ تاۋىپ، جانىنداعى گازەت دۇكەنىنە سىپ ەتە ءتۇسىپ، جۇرنالمەن بەتىن قالقالاپ الدى، سودان سات تىزىمگە ءتۇسىپ بولعاننان كەيىن عانا اۆتوموتتى باسپالداق پەن ۇستىڭگى قاباتقا كوتەرىلدى.

 بۇلار ءساتى تۇسكەندە ونىڭ كوزىنەن تاسا قالدى، دەسەدە، وتە قاتەرلى، ول وزدەرىنىڭ ىلعىيدا وسىلاي جولدارى بولا بەرەتىنىنە كەپىلدىك ەتە المايدى دا.

 يوحان مىنا ءىستى وزدەرىنىڭ قاستەرلى سەزىمدەرىنە سۋ سەپكەندەي سەزىندى، ول ءبۇيتىپ توزە بەرۋگە شىداي المايدى. ءسوزسىز شاراسىن تاۋىپ، بۇل جۇمىستى ءبىر جولاتا شەشۋ كەرەك، الايدا، ماريدى دا ويرانداعىسى جوق.

 امەريكادا، ءار كۇنى تاڭەرتەڭ ورنىنان تۇراتىن ادامدار اراسىندا، مىڭداعان پەندە جەرگە جارىق تۇسەردەن بۇرىن جان تاپسىرادى ەكەن. شىركىن،  نە ءۇشىن ءوزىنىڭ سۇيكتى ماريى سونىڭ ءبىرى بولا قالمايدى ەكەن دەشى؟ نە ءۇشىن ول وزدىگىنەن و دۇنەلىك بولا قالمايدى ەكەن ءا؟

   يوحان سايدىسقا جاڭا ءوزىنىڭ نە ءۇشىن قوبالجىعانىن تۇسىندىرگەن كەزدە، سايدس سابىرمەن تىڭدادى، دەسەدە ەرەكشە اياپتا كەتتى.

   - سۇيكتىم بۇل رەتكى ويلاماعان ۋاقيعا مەنىڭ ايتقانىمنىڭ دۇرستىعىن دالەلدەمەدىمە. مەن باياعىدا ايتقان ەدىم عوي، سەن دەرەۋ ايەلىڭە ايتىۋىڭ كەرەك، ءبىز ەندى بۇلايشا بۇقپانتايلاپ جۇرە بەرۋىمىزگە بولمايدى. تۇسىنگەن شىعارسىڭ.

- سولاي، سۇيىكتىم، سەنىڭ ايتقانىڭ وتە ورىندى. مەن دەرەۋ شارا قولدانامىن.

- سۇيكتىم، سەن ءسوزسىز دەرەۋ شارا قولدانۋىڭ كەرەك، ەڭ جاقسىسى قازىر.

 قاجاپتانارلىعى، ماري. يوحانسۇندە يوحان. يوحانسۇن سىياقتى، وقساس ءبىر اۋەننىڭ الەگىندە ءجۇر ەدى. ول ماحاببات قاقپانىن باسۋدى قالامايتىن. شىنتۋايتىنا كەلسەك، ول ءوزى كۇيەۋىن قۇلاي سۇيەمىن دەپ ويلايدى. سول ءبىر كۇنى تاڭەرتەڭ، كەننەد ونىڭ دۇكەنىنە كەلىپ، ودان موزارتتىڭ جارىم دەنەلىك ويما مۇسىنى بار جوقتىعىن سۇرايدى، ماري سوندا عانا بايقايدى، ول ءوزى بۇرىن قاندايلىق اڭقاۋ ەدى. وندا ارىينە موزارتتىڭ جارىم دەنەلىك ويما مۇسىنى بار، ءتىپتى الدە نەشەسى بار ەدى؛ ايتا بەرسەڭ باسىكتىڭ، بەتحوۆيننىڭ، ۆەكتور. حۇگونىڭ، بالزاكتىڭ، چاشىبىيانىڭ، جورجى. ۋاشىنگۇتون مەن گەتەنىڭ جارىم دەنەلىك ءمۇسىنى دە بار ەدى.

ول ءوزىنىڭ اتى- ءجونىن تانىستىرعان، ادەتتە حاريدارلار ءوزىنىڭ اتى- ءجونىن ايتىپ جاتپايتىن، سونىمەن ماريدا ءوز اتى- ءجونىن ايتىپ وتكەن، ىلە-شالا، ماري ونىڭ قالاشىقتاعى اتى ايگىلى ۇي ءىشىن جوبالاۋشى ەكەنىن بايقاعان.

- ماعان سالسا، مەن ءۇي ىشىنە موزارتتىڭ جارىم دەنەلىك ءمۇسىنىن قويماقشى ەمەسپىن، ولاي بولعاندا ءۇي ءىشىنىڭ جالپىلىق كورىنىسىنە اقاۋ كەلتىرەدى، ءبىراق مەنى ۇسىنىس ەتۋشى وسىلاي ىستە دەپ تۇرىپ العانى، سىزدىڭ باسقا زاتتارىڭىزدى كورۋىمە بولاما ەكەن.

ماري ونى باستاپ دۇكەنىندەگى بارلىق زاتتارىن ارالاتقان. سودان كەيىن، ماري وزدەرىنىڭ قالايدان قالاي سەزىمنىڭ قۇلىنا اينالعانىن تىرسا ەسىنە كەلتىردى. كەننەد تۇسكە دەيىن ونىڭ دۇكەنىندە بولعان، ءتۇس الەتىندە، ونىڭ ارت جاقتاعى شاعىن بولمەگە ايرىقشا اڭسارى اۋعان، ول جەردە كوپتەگەن تارتپالى ىشكاپتار ءۇيلىپ تۇراتىندى-دى. ول قولىن سوزىپ تارتپانى اشپاقشى بولعاندا، ماريدىڭ قولىن ۇستاي العان ەدى.

- سەن نە ىستەمەكسىڭ؟ تاۋبا، ەگەر حاريدارلار كىرىپ كەلسە قايتەمىز؟- دەگەن ماريعا

    - ولار وزدەرى ارالاي بەرسە بولدى عوي!- دەگەن كەننەد

 ماري بۇل ءىستىڭ شىنىمەن ءجۇز بەرگەنىنە سەنۋدەن قورقادى، دەسەدە شىنىدا وسىلاي بولىپ قالدى. كەيىن كەلە، يوحان ءىسساپارعا شىققان كەزدە، ماري بۇرىنعىداي جالعىزسىرامايتىن بولعان، كەرىسىنشە ونىڭ ءىسساپارعا شىعۋىن ارماندايتىن.

    - مەن سەنى قۇلاي سۇيەمىن، بۇل جۇرەك ءسوزىم، مەنشە سەندە مەنى سۇيەسىڭ. بۇلايشا بۇقپانتايلاپ جۇرۋدەن ابدەن جالقتىم، ەندى توزە الاتىندا ەمەسپىن. سەن بىلەسىڭ بە؟ ءبىز قالايدا ۇيلەنۋىمىز ءتىيىس، كۇيەۋىڭە اجىراسام دەپ ايت،- دەگەن كەننەد.

    كەننەد اجىراس دەپ قاقساعانىن قويمادى، اجىراسۋ ونىڭ ويىنشا وپ-وڭاي شارۋا سەكىلدى ، بەينە ءتىس شىيپاگەرىنە بارىپ كورنۋدەي عانا جەڭىل قارايدى. ماري قالاي عانا جىيرما جىل بويى قۇلاي ءسۇيىپ كەلگەن كۇيەۋىمەن اجىراسا سالماق؟ ول قايتىپ عانا تاس باۋىرلىقپەن ونى باقىتىنان جۇرداي ەتپەك؟

 تەك يوحان كوز جۇمعاندا بولماسا...، ول نە ءۇشىن جۇرەك اۋىرۋى اياق استىنان ۇستاپ ءولىپ قالمايدى ەكەن دەشى؟ ءار كۇنى مىڭداعان ادام جۇرەك اۋىرۋىنان جان تاپسىرادى ەكەن، نە ءۇشىن وزىنىڭ سۇيكتى يوحانى اياق استىنان جۇرىپ كەتپەىدى ەكەن سولاي بولا قالسا، بارلىعىدا وپ وڭاي ءوز ورنىنا كەلەر ەدى.

    تەك ءبىر عانا امال بار. ول ءبىر ءارى تەز، ءارى ءونىمدى، ءھام كۇمانسىز ءتاسىل تاۋىپ يوحاننان قۇتىلۋى شارت، ونىڭ ۇستىنە تەز بولۋى كەرەك. كەننەدپەن بولعان ءبىر نەشە مىينوت، يوحانمەن بولعان ءبىر عۇمىردى جەڭىپ العان ەدى.

 يوحان ءىسساپاردان كەلگەن سول كۇنى كەش، ماري كوزىنە ەرەكشە سۇلۋ كورىندى. وسى قاس-قاعىم ساتتە، ول بۇل ومىرمدە ماريىم بولسا جەتىپ جاتىر عوي دەگەن سەزىمگە دە كەلدى. سوعان جالعاس سايدىستى ەسىنە الدى، دەسەدە ول مىناعان بەكىنگەن، سايدىسپەن بىرگە ءومىر كەشۋ ءۇشىن، نە ىستەۋگەدە پەيىل، قالايدا اۋەلگى جوسپارى بويىنشا ءىس كورۋى كەرەك.

 ول مۇمكىندىكتىڭ بارىنشا سىپايى جولمەن ماريدىڭ كوزىن قۇرتۋ كەرەك، ونىڭ ۇستىنە ءدال وسى كۇنى كەش بولۋى شارت. سونىمەن بىرگە ول ماريدىڭ وزىنە دايارلاعان ءدامدى كەشكى اسىنان قۇزىرلانباق. ادەپ ونى وسىلاي ىستەۋگە جەتەلەدى، ونىڭ ۇستىنە، قارنى راسىندا اشقان ەدى.

    ءبىراق، ول تاماعىن ءىشىپ بولسىمەن، قاسكويلىككە كىرسپەك، ءبىر جاعىنان ءبىر ايەلدىڭ وزىنە ارناپ دايارلاعان بال كۇلشەسىن جەي وتىرىپ، ءبىر جاعىنان ونى ولتىرۋگە دايارلانۋ، شىنىنا كەلسەك قاتىكەزدىك بولار ەدى، دەسەدە، ول استە مۇنداي راقىمسىز ەمەس ەدى، امالسىزدىقتان بولىپ وتىر عوي.

     ول ماريدىڭ كوزىن قالاي قۇرتۋى كەرەكتىگىن بىلمەي دال بولۋدا. بالكىم ونى انا جارىم دەنەلى مۇسىندەر ۇيلگەن بۇرىشىتا جايعاستىرارما ەدى، قانداي شارا تاباىلار ەكەن.

    ماري كۇلمسىرەي كەلىپ وعان ءبىر ىستاكان كوپە ۇسىندى.

- سۇيكتىم، وسىنشاما ۇزاق ساپاردى باسىپ كەلدىڭ، مەنشە كوبىرەك كوپە ءىشىۋىڭ كەرەك سەكىلدى.

    - سولاي، سۇيكتىم، مەنىڭ راسىندا كوپە ىشكىم كەلدى. راقىمەت ساعان.

 ول كوپەدەن ءبىر ۇرتتاپ قويىپ، ۇستەلدىڭ قارسىسىنداعى ماريعا ءبىر قاراپ قويدى. ونىڭ جۇزىندە ءبىر ءتۇرلى عاجايىپ بەينە بايقالدى، يوحان اڭكى- تاڭكى كۇي كەشتى. ەكەۋى بىرگە بولعالى تالاي جىل بولدى، ماري ءسوزسىز ونىڭ نە ويدا ەكەنىن اڭعارا الادى. نە ىستەمەك ەكەنىندە ءسوز جوق بىلەدى. وسى كەزدە، ماري جىمىيپ قويدى، بۇل ماريدىڭ شىرىن ايىن وتكىزگەننەن كەيىنگى ەڭ ءبىر جايدارى جىمىيسى ەدى. بارلىعى دا قالپتى سەكىلدى.

 - سۇيكتىم، مەن تىسقا شىعىپ كەلەيىن، دۇكەندە ىستەيتىن ءبىراز جۇمىس قالعانى ەسىمە كەلدى، دەرەۋ قايتىپ كەلەمىن- دەدى ماري

 سونان جىلدام اس ۇيدەن شىقتى دا، قۇناق بولمەدەن كەسىپ ءوتىپ، دۇكەنىنە كىرىپ كەتتى.

    ءبىراق ول ايتقان ۋادەسىندەي، دەرەۋ ورالا قويعان جوق. ەگەر ول تەز ورالماسا، يوحاننىڭ كوپەسى دە سۋىپ قالاتىنداي. ەكى ۇرتاپ قۇيدى، ونان سوڭ دۇكەنگە بارىپ، ونىڭ نە جۇمىسقا بولا اينالعانىن كورۋگە بەكىندى.

    ماري ونىڭ كىرگەنىن سەزگەن جوق. يوحان ماريدىڭ ورتا بولمەدە ەكەنىن بايقادى. يوحانعا تۋ سىرتىن بەرىپتى، ۇلكەن كروسولدا وتىر، ماڭايىنىڭ بارلىعى ويما ءمۇسىن قويلعان سورە، سورە تۇلى ويما مۇسىن.

 تاۋبا، بۇل ناعىز اساسىنان كەلگەن تاماشا وراي عوي. ماري ونىڭ ويىن بىلگەندەي. جاۋىرىنى بۇلك- بۇلك ەتەدى، وكسىك اتىپ وتىر. وزدەرىنىڭ جۇبايلىق ءومىرىنىڭ تەز ارادا اقىرلاساتىنىن بىلەدى. وسى كەزدە، يوحان ول بالكىم كۇلىپ وتىرعان بولۋى مۇمكىن دەپ ويلادى. جالعىز ءوزى كولگەن كەزدە، جاۋىرىنى دال وسىنداي بۇلكىلدەپ تۇراتىن. مەيلى ول نە قىلسا و قىلسىن، مەيلى كۇلسىن نە جىلاسىن، يوحاننىڭ ونى تۇسپالداپ تۇرۋعا ۋاقىتى جوق. مىناۋ ءبىر تاماشا وراي ەكەن، ءوتكىزىپ الۋعا بولمايدى. ول بۇعا قالدى، قارسى الدىندا ءدال ۋەكتو. ۋيگونىكى مە الدە بىمجەمىڭ. فيلانكىلىيندىكىمە ويما ءمۇسىن تۇر، اقىرىن عانا ىيتەرىپ قانا قالسا بولعانى، ءمۇسىن ءدال ماريدىڭ قارا قۇسىنان بارىپ تونگەلى تۇر.

 يتەرىپ قالدى.

 ەرەكشە وڭاي بولدى.

 سورلى ايەل. سورلى ماري.

 بۇل بارلىعى ءۇشىن جاقسى بولدى، ول بۇل ىسكە بولا ءوزىن جازعىرمايدى. دەسەدە، قايران قالدى، بۇل ءىستى ورىنداۋ وسىنشالىق وڭاي بولعانى ما؟ ەگەر وسىنشالىق وڭاي بولارىن ەرتە بىلگەن بولسا، بىرنەشە اپتانىڭ الدىندا- اق قول سالار ەدى عوي.

 يوحان ءوزىن ەرەكشە سابىرلى ۇستادى، سوڭعى رەت ماريعا ءبىر قارادى، ونان سوڭ اس ۇيگە كەلدى، كوپەسىن ءىشىپ الىپ، ارتىنان شىيپاگەرىنە تەلەفون بەردى، كۇمان جوق، شىيپاگەرى ساقشىعا حابارلايدى، مىناۋ ءبىر كەزدەيسوق ۋاقيعا. كەيبىر كىشكەنتاي بۋىندارى بولماسا، يوحاننىڭ وتىرىك ايتۋىنىڭ دا قاجەتى جوق. ول تەك ماري قوزعالعان كەزدە ءمۇسىندى سوعىپ قۇلاتىپ الدى دەسە عانا بولعانى.

    ونىڭ كوپەسى ءالى جىلى ەكەن. اسىقپاي ءىشىپ وتىر. سايدىستى ەسىنە الدى، وعان تەلەفون سوعىپ، وزدەرىنىڭ ەندى ماڭگى بىرگە بولاتىنىن، ءبىراز ۋاقىت وتكەننەن كەيىن، باس قۇراۋىنا بولاتىنىن ايتقىسى كەلدى. دەسەدە، ازىرشە بۇل قاتەرگە بارماۋعا بەكىندى. ۋاقىتشا سايدىسكە تەلەفون بەرمەي تۇرا تۇرماقشى بولدى.

    ولءوزىن كوڭىلدى ءارى ورنىقتى كۇيدە سەزىندى. ەجەلدەن مۇنداي جەڭىلدەپ كورمەگەن بولاتىن. بۇل جەڭىلدەۋ ونىڭ جاڭاعى ىسىنەن تۋىنداعانى، ايتپاسادا بەلگىلى ەدى. اۋەلى ازداپ ۇيقى باسقانداي سەزىندى. ەجەلدەن مۇنداي ۇيقى باسىپ كورمەپ ەدى. قوناق بولمەدەگى كروسولعا بارىپ جاتا تۇرعانى ءجون سىياقتى. بۇل شىيپاگەرىنە تەلەفون سوعۋدان دا ماڭىزدى ەدى. ءبىراق كىروسولعا جەتۋگە ۇلگىرمەدى. باسىن تاماق ۇستەلىنە قويعان قالپى، ەكى قولى سالدىراپ بوس قالدى.

    ماري مەن يوحاننىڭ دوستارى قاتار تۋىلعان تىراگەدياعا ەشقانداي كۇدىك كۇمانمەن قاراعان جوق. ولار جىڭىشكەلەي وي جۇگىرتىپ، دۇكەن ءىشى ءىيىن تىرەسكەن قاتەرلى ورىن، سول كۇنى كەش، ماري ابايسىزدىقتان، ويما مۇسىندى باسىنا قۇلاتىپ العان. يوحان ونىڭ جان ۇزگەنىن كورىپ، قاسىرەتتەن تۇيققا تىرەلگەن. سونىمەن ماري جوق جەردە ءومىر سۇرە المايتىنىن سەزىپ، تورىعىۋمەن كوپە ىشىنە كوپ مولشەردە ۇيقى دارىسىن سالىپ، وزىن جازىم قىلعان بولدى دەپ توپشىلادى.

دوستارىنىڭ بارلىعىنىڭ ەسىندە، ماري مەن يوحان وزدەرىنىڭ باستارىنا شاڭىراق كوتەرگەن كۇنىن ەسكە ءتۇسىرۋ كەشىندە، ەكەۋى دە ءبىر جىل، ءبىر اي ، ءبىر كوندە دۇنىيەدەن وتەمىز دەگەن بولاتىن. شىنىدا دۇنيەدەگى ەڭ ءبىر جاراسىمدى جۇبايلار. 

« ماري مەن يوحاندى ەسكە الار بولساڭ، اسەرلەنبەي تۇرا المايسىڭ. مىناۋ جالعاندا، ولاردىڭ تەرەڭ ماحابباتىنان اسەرلى ەشتەمە جوق شىعار. بەينە ولار وزدەرى ارمانداعانداي، ءبىر كەشتە بىرگە كوز جۇمدى، راسىندا وتە اسەرلى- اق،- دەسىپ جاتتى جىيىلعان جۇرت.

 ( سوڭى )