8-ايدىڭ 4-كۇنى، شينجياڭ باعراش اۋدانى باعراش كولىندەگى «روك، ءان-ءبي مەرەكەسى» باعراش اۋدانى داحىكوۋ كورىنىس رايونىندا شىمىلدىعى اشىلدى. روك مۋزىكا توبى، ءبيشى ارۋلار، الۋان ءتۇستى شارلار ساياحاتشىلارعا ەستەن كەتپەس كوڭىلدى ءسات سيلادى.

بۇل كورىنىس رايونىنىڭ قۇرىلعىلارى تولىق بولىپ، قايراڭداعى دەمالىس رايونى، قايراڭداعى سپورت رايونى، وتباسى قيمىلى رايونى، قايراڭداعى مالتاۋ الاڭى رايونى بار، جۇردەك قايىق، ماتورلى قايىق قاتارلى سۋ ءۇستى قيمىل تۇرلەرى مەن قايراڭدا ۆاليبول ويناۋ، قايراڭدا ۆەلوسيپەد ءمىنۋ، قايراڭداعى موتوتسيكل قاتارلى كوڭىل كوتەرۋ تۇرلەرى ورنالاستىرىلعان. ساياحاتشىلار بۇل اراعا كەلگەندە، قالا مەن كول سايكەسكەن، سۋ مەن جاسىلدىق توعىسقان ەكولوگيالىق ورتادان ءلاززات الىپ، باعراش كولىنىڭ كوركى مەن باقىتتى تۇرمىستى سەزىندى.