«ءۇش ءتۇرلى كۇش» وتاندى بولشەكتەۋ قىلمىستىق ماقساتىنا جەتۋ ءۇشىن، ءدىن قاعيدالارىن بەتالدى وزگەرتىپ، تەرىس ۋاعىزدى ويدان قۇراستىرىپ، ءدىني ۇشقارى يدەيا تاراتىپ، شينجياڭنىڭ «ءتورت تاريحىن» بۇرمالاپ، زورلىقتى كۇش، لاڭكەستىك دەلولارىن تۋدىرىپ، شينجياڭنىڭ قوعام ورنىقتىلىعىن، ەكونوميكالىق دامۋىن، ۇلتتار ىنتىماعىن ءبۇلدىرىپ، ءار ۇلت حالقىنىڭ باقىتتى تۇرمىسىن ءبۇلدىرىپ، شينجياڭدى ۇلى وتان قۇشاعىنان ءبولىپ اكەتۋگە ۇرىندى. «ءۇش ءتۇرلى كۇش» − شينجياڭداعى ءار ۇلت حالقىنىڭ ورتاق جاۋى. 

وتاننىڭ مۇددەسىنە سۇعاناقتىق جاساۋعا بولمايدى، شەكارا ءوڭىردىڭ ورنىقتىلىعىن بۇلدىرۋگە بولمايدى. ءبىز، ءسوز جوق، تاباندىلىقپەن شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، ۇلكەن دۇرىس پەن ۇلكەن بۇرىس الدىندا جۇرەكتىلىكپەن باتىل ءۇن قاتىپ، ايقىن پوزيتسيا ءبىلدىرىپ، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جاساپ، وتان تۇتاستىعى مەن ۇلتتار ىنتىماعىن تاباندىلىقپەن قورعاپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى «كەشەندى شارالارىن» ناقتى ارەكەتىمىزبەن ويداعىداي تياناقتاندىرىپ، قالىڭ كادرلار مەن جۇمىسشى - قىزمەتكەرلەردى ىنتىماقتاستىرىپ جانە باستاپ، تىنىش، جاراسىمدى، كورىكتى شينجياڭ قۇرۋعا ۇلەس قوسۋىمىز كەرەك.

　　شينجياڭنىڭ ءتول تۋماسى بولعان مەن پارتيا ۇيىمىنىڭ قامقورلىعى مەن باۋلۋىندا بىرتىندەپ جەتىلىپ، قازىرگى قىزمەت ورنىما كوتەرىلدىم. وسىنىڭ ءبارى پارتيانىڭ باۋلۋى مەن تاربيەسىنىڭ جەمىسى. مەن كىشكەنتايىمنان حانزۋ، موڭعۇل، ۇيعۇر سياقتى ءار ۇلت دوستارىممەن بىرگە ويناپ، بىرگە ۇيرەنىپ، بىرگە ەسەيدىم، كوپشىلىك ءوزارا كومەكتەسىپ، جاردەمدەسىپ، ءبىر ءۇيدىڭ ادامدارىنداي بولىپ كەتكەنبىز. سول ىستىق مەيىرگە تولى شاقتار كۇنى بۇگىنگە دەيىن كوز الدىمنان كەتەر ەمەس. سوڭعى جىلداردان بەرى، ىلگەرىندى - كەيىندى بىرنەشە جەردە قىزمەت ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىندا، پارتيانىڭ ۇلت ساياساتىنىڭ شۇلەن شۇعىلاسىندا، شينجياڭداعى ءار ۇلت بۇقاراسىنىڭ وندىرىسىندە، تۇرمىسىندا جويقىن وزگەرىستەردىڭ تۋىلعاندىعىن، شينجياڭنىڭ قالا، اۋىلدارىنىڭ بەت - بەينەسىندە شىت جاڭا وزگەرىستەردىڭ بولعاندىعىن، حالىق بۇقاراسى يگىلىكتەنگەن تيىمدىلىكتەردىڭ بارعان سايىن كوبەيگەندىگىن، ەكونوميكالىق، قوعامدىق دامۋدىڭ بارعان سايىن تەزدەگەندىگىن ءوز باسىمنان كەشىردىم جانە وعان كۋا بولدىم. شينجياڭنىڭ تەز قارقىنمەن دامۋى پارتيانىڭ ءدانىشپان باسشىلىعىنان ايرىلا المايدى، وتان ۇلى شاڭىراعىنىڭ پارمەندى قولداۋىنان ايرىلا المايدى، شينجياڭداعى ءار ۇلت بۇقاراسىنىڭ ىنتىماقتاسا كۇرەس جاساۋىنان ايرىلا المايدى. «ءۇش ءتۇرلى كۇش»، «ەكىبەتكەيلەر» ءدىني ۇشقارى يدەيا تاراتىپ، ءپانىسلاميزم، پانتۇركيزم يدەياسىن ۋاعىزداپ، ءتۇرلى قاسكۇنەمدىك، ءبۇلدىرۋ ارەكەتتەرىمەن اينالىسىپ، شينجياڭنىڭ گۇلدەنىپ - كوركەيگەن، دامىعان اسا تاماشا جاعدايىن كورگىسى كەلمەدى. ءبىز ولاردىڭ شينجياڭنىڭ ورنىقتىلىعىن بۇلدىرۋىنە، ءبىزدىڭ كوركەم بولاشاعىمىزدى ويرانداۋىنا استە جول بەرمەيمىز. بارلىعىمىز تۇرعىمىزدا بەرىك تۇرىپ، ايقىن تۋ ۇستاپ، «ءۇش ءتۇرلى كۇشكە»، «ەكىبەتكەيلەرگە» قارسى باتىل كۇرەس جاساپ، قوعام ورنىقتىلىعىن قورعاۋداي اۋىر مىندەتتى سانالىلىقپەن ارقالاۋىمىز كەرەك.

كەلۋ قاينارى : شينجياڭ گازەتىنەن