قوس بولاق
مۇرال جۇماقان ۇلى
جاساۋ كەرەك...
جاساۋ كەرەك،
اقىيقات پەن ار ءۇشىن ،
بيىك بولسىن وت جىگەرلى نامىسىڭ .
ادالدىقتى ءبىر باسىڭا ۇلگى ەتسەڭ ،
كورىنەسىڭ مىناۋ ەلگە نار ءمۇسىن .
جاساۋ كەرەك،
ەر مىنەزدى ايباتپەن ،
وتەم دەسەڭ ادامدىققا ساي بوپ سەن .
بەرەكەنىڭ ماپەلەدە باۋ-باعىن ،
ءۇيىر بولما وسەك-اياڭ، عايباتپەن .
جاساۋ كەرەك،
ادام دەگەن اتپەنەن ،
سەرتىڭ بولسىن مايىرىلماس اقبەرەن .
قۇلقىن ءۇشىن قۇلى بولما جالعاننىڭ ،
جولاماعىن دەسەداعى «تاق بەرەم».
جاساۋ كەرەك،
ۇرپاق ءۇشىن، ەل ءۇشىن ،
جالعاستىرما جەمقورلارمەن جەڭ ءۇشىن .
ازاماتتىق ارىڭا شەك كەلگەنىڭ ،
ءومىر سۇرسەڭ تىرلىگىڭدە جەۋ ءۇشىن .
جاساۋ كەرەك ،
ۇرپاق ءۇشىن ، ەل ءۇشىن !
قارت توراڭعى
جابىعىپ جازىق شولدە قارت توراڭعى،
قاسقايىپ قارسى تۇرعان قۇم تەڭىزە.
تالاي جىل جىعا الماعان كوپ بورانى،
دلسادا تابىيعاتىم سىن-تەزىنە.
ەلەمەي اپاتتاردىڭ ەشتەمەسىن،
وزىڭە كيە قونعان قارت توراڭعىم.
كاپەرسىز وڭ-سولىڭا تەڭسەلەسىڭ،
استىندا قالساڭداعى اق بواننىڭ.
ايىرىپ قابىعىڭنىڭ جىرتىپ ءبارىن،
دولدانىپ قۇمدى بوران ەلىرەدى.
توراڭعى بويىنداعى تىرتىقتارى،
سان عاسىر كۋاسىنداي كورىنەدى.
كۇرەسىپ تالاي-تالاي كەسەلدەرمەن،
داۋىلعا قارسى تۇرىپ كەلىپ ەدىڭ.
بۇرشاقتاپ جاۋىن قۇيسا نوسەرلەگەن،
قاۋقارسىز قاعازدارشا ەرىمەدىڭ.
قاسقايىپ قارسى تۇردىڭ مايىرلماي،
ءورلىگىن ايگلەپ سەن جۇرەگىڭنىڭ.
كەلەسىڭ سەنىمىڭنەن ايىرىلماي،
جۇڭحۋاداي سيمولىسىڭ ۇلى ەلىمنىڭ!
مەكەن جايى: قابا اۋدانى اشىلى مىس كەنى
加载评论内容,请稍等......