انا ارمانى

تارىققان وي مەڭدەتىپ «تاڭى اتىپ، كۇنى باتپاي»تاعاتى تاۋسىلعان گۇلجامي اپايدىڭ، ءار كۇنگى الاڭ ۋايىمى، رياسىز، ادال جۇرەگىنە قانشالىق جۇك تۇسىرگەنى وزىنە ءمالىم-دى.

ءيا، گۇلجامي اپاي كۇندەلىكتى قول بوساتپاس تۇرمىس كۇيبىڭىمەن قاجىپ قايراتى كەتە باستاسادا، بالالى ءۇيدىڭ بازارلى قىزىعىمەن بولىپ،  ورتاسى تولىپ، ءۇمىتى جانىپ جاتاتىن.

ۇلكەن ۇلى مارات بيىل 18 جاستا، ورتا مەكتەپتىڭ سوڭعى جىلدىعىندا وقيدى، ول ورتالاۋ وقىعانعا دەيىىن اۋىلداعى اتا-اپاسىنىڭ قولىندا وسكەن ەركە. ال، ەكىشى ۇلى ارمان 4 جاسقا شىققاندا قارىنداسى گۇلزات دۇنيەگە كەلدى. اقىلدى دا العىر، ەلگەزەك بوپ جەتىلگەن ارماننىڭ، گۇلزات دەسە جانى ءبىر ەدى. ارمان باردا شەشەسى گۇلزاتتان الاڭدامايتىن. ارماننىڭ باۋىرمال اقىلدىلىعى، قارىنداسىنا دەگەن قالتقىسز مەيىرى، ەلپەك-ەستىلىگى كورشى-قولاڭ، تۋىس-تۋعاندارىنىڭ تاڭدايىن قاقتىرىپ تامساندىراتىن، شىركىن سوندا بىرەۋدىڭ ءتىل سۇعى تيدى مە كىم ءبىلسىن.

انە، ماۋسىم ايىنىڭ العاشىعى سەنبىسى. گۇلزات پەن ارمان دالادا ويىننىڭ قىزىعىمەن مارە-سارە. قول بوساتپاس كۇندەلىكتى تۇرمىس كۇيبىڭىمەن قاربالاس جۇرگەن گۇلجامي اپاي، سول قۇلاعى شىڭ ەتىپ ءبيسىميللاسىن ۇيىردى دە ، شارۋاسىن شارۋالاي بەردى . بازاردان كەرەك-جاراق الىپ قايتقان اكەسىن كورگەن گۇلزات، اپىل-عۇپىل جولدىڭ ارعى جاعىنا قاراي جۇگىرە جونەلدى، وسى ءسات، يەن ماي جولدا ۇلكەن جۇك ماشينا دا قۇيعىتىپ كەلە جاتقان، جان دارمەن تۇرا ۇمتىلعان ارمان، گۇلزاتتى الىپ جول شەتىنە لاقتىرا بەردى دە، ءوزى دە ماشينا ەكپىنىمەن ايدالاعا ۇشىپ ءتۇستى.

جانى قالدى دەگەن بولماسا، باسىنا اسا اۋىر زاقىم كەلگەن ارماننىڭ، ەندىگى ءومىرى ەسالاڭ كۇيگە اۋىستى. شيپادا قونبادى. سان جىلدار بويى ەمحانادان-ەمحاناعا سۇيرەپ اكە-شەشەنىڭ جۇيكەسى دە، قالتاسى دا جوقارعان. اۋەلى ارمان ايعاي سۇرەن سالىپ، اۋىلدى ارالاپ قاڭعىپ كەتەتىندى تاپتى.

العاشقى كەزدە، ارماندى ىزدەپ اتا-اناسى ەمەس-اۋ، اۋىل بولىپ تىنشتارى كەتەتىن، كەيىن وعاندا ۇيرەنسپ، ءوزى ورالعانشا كوپ ىزدەمەيتىن بولعان. الايدا انا بايقۇس الاڭنان ارىلاما ءتايىر: الاعىزا ارپالسىپ، الۋان ويعا ءوتىپ، كوز الدىندا ارماننىڭ ءۇسىپ قوقيىپ قالعان بەينەسى، توپتى ادامنىڭ حابار ايتىپ توقتاۋ وتىنگەن شۋلى، قۇلاعىنا كەلە بەرىپ، جولداسى سەركەگە الاڭ كوڭىلىن ايتىپ،مۇقىم 2 كۇن بولعان ارماندى ىزدەۋدى ءوتىندى. باۋىر ەتىن باسقادان ارتىق كورمەس كىم بار، سەركەدە سەركەلدەڭ ويمەن قاي بەتالستان ىزدەۋدى ويلاستىرا بەرە، باي-بالالم داۋىس ەستىلدى.

ەكى بەتى دومبىققان ءۇستى-باسى بالشىق پا، شاڭ با ؟ كىر-قوجالاق شاشى دۋدىراپ، تۇتەسى شىققان اياعىنداعى پاتىڭكەنىڭ جۇلىعى اشىلىپ، مايى كوشىپ، سۇرەپەتى قاشىپ، ارمان جەتتى ايقايلاپ.

امان كەلگەنىنە گۇلجامي اپاي ەسى كەتە قۋاندى . قۇشاعىنا باسىپ شەرىن شىعارىپ جىلاپ جاتىر، جىلاپ جاتىر:

-ارمان دەپ اتىڭدى نەسىن قويدىق ەكەن؟، سەنىڭ امان بولۋىڭ مەن ادام بولۋىڭ ارمان بوپ قالدى-اۋ بىزگە. قۇلىنىم-اي امان جۇرشى ايتەۋىر، امان بولشى جانىم !-دەيدى زار شەككەن انا.

شينجياڭ قابا اۋدانى ساربۇلاق قالاشىق مەكتەبى