ەسىك سىرتىنداعى  اق قالاتتى ارۋ

وتكەن كۇنى كەشتە شەتەل ساۋداگەرى مەن كەلىس ءسوز وتكىزىپ قاتتى قالجىراعان ەدىم باستاماسى جاقسى بولعاندىقتان،ىشتەي قاتتى قۋاندىم.ساۋداگەردى جولعا شىعارىپ سالعاننان كەيىن، اينالا كوزگە تۇرتسە كورگىسىز قاراڭعى بولعاندىقتان، شوفەرىم شياۋ ۋاڭدى قايتارىپ جىبەرىپ،تاكسي توستىمدا شياۋ رونىڭ تۇراعىنا قاراي توتە تارتتىم.

ءبىر نەشە ايدىڭ الدىندا مەيمانحانا اشاتىن جاڭ قوجايىن بىرنەشە كاسىپتەسىن تاماققا ۇسىنىس ەتكەن،ىشىندە مەندە بار بولاتىنمىن،نەگە ەكەنىن بىلمەيمىن،سول جەردەگى سۇلۋدا بيازى داياشى قىزدى ءبىر كورگەننەن ۇناتىپ قالدىم.تازالىق ۇيىنە بارۋدى سىلتاۋ ەتىپ،ەشكىم جوق ورايدا شياۋ رونى توسىپ الىپ ،ءوز مەيمانحاناما ىستەۋگە ۇسىنىس ەتتىم.شياۋرو ەكى بەتى نارتتاي قىزارىپ تۇرا قاشتى.

كوپ وتپەي،شياۋ رونىڭ تىلدەسكىسىن قابىلدادىم،ول كەلۋگە قوسىلاتىنىن ايتتى.وعان جۇمىس ىستەتۋگە قايدان ءداتىم بارسىن،دەرەۋ ءبىر ءۇي ساتىپ الىپ،ايەلىمنەن جاسىرىپ ونى باعۋعا الدىم.ءبىر اي وتكەننەن كەيىن شياۋ رو بۇلاي جاسىرىن جۇرۋگە رازى ەمەستىگىن ايتىپ،كۇنى كەشكە دەيىن ايەلىمنەن اجىراسىپ ءوزىن الۋىمدى ءوتىنىپ قيعىلىق سالدى.بۇل مۇمكىنبە؟ ويلاعان سايىن كۇلكىم كەلدى.

شياۋ رو مەن ەكەنىمدى كورىپ،بۇرتيا تەرىس ايلاندى،اجىراسۋ ءىسىمدى سوزعاندىقتان كوڭىلسىز ەكەنىن بىلدىم."ءبىراز ۋاقىت بەر،اجىراسام دەپ اجىراسا سالۋ قايدا بار" دەدىم بۇرىنعىشا شياۋ رونىڭ بەلىنەن قۇشاقتاپ،ءتاتتى سوزدەرمەن ونى الداۋسىراتىپ.شىنىمدى ايتسام،لي لانمەن اجىراسۋدى ەش قاشان ويلاپ كورمەگەم،شياۋ رو مەن بىرگە بولۋىم تەك كوڭىل كوتەرۋ ءۇشىن عانا بولاتىن.

"مەنى تاعى الداماقسىڭبا؟" دەدى شياۋ رو قۇشاعىمنان سىتىلا قاشىپ، " مەن بۇگىن ءتۇن ساعان ولىگىمدى كورسەتىپ،سەنى ماڭگى باقي ازاپتايمىن" دەدى جانە داۋرىعا كۇش كورسەتىپ.كوڭىل كوتەرۋگە كەلگەن باسىم بۇنداي ءىستىڭ بولاتىنىن مۇلدە ويلاماپپىن،لەپىرگەن كوڭىل سۋ سەپكەندەي باسىلدى.ونىڭ ءسوزىن كاپەرىمە الماي الايا ءبىر قاراپ الدىمدا كىرەۋەتكە شىعىپ ۇيقىعا كەتتىم.

قاتتى ۇيىقتاپ كەتكەن ەكەم،ويانسام ءتۇن ورتاسى بولىپتى. كوزىمدى ارەڭ اشىپ قاراسام شياۋ رو قاسىمدا جوق ەكەن،تاڭىرقاي توسەكتەن تۇسىپ،ءۇيدى تىنتە ىزدەدىم.

تازالىق بولمەسىنىڭ ەسىگى اشىق تۇر ەكەن، يتەرە اشىپ،قوناق بولمەسىنىڭ ءالسىز جارىعىندا الدىما جالت قارادىمدا،شوشىعانىمنان تالىپ تۇسە جازدادىم.شياۋ رو اپپاق ۇيقى كيىمىن كيىپ،ەسىككە سىرتىن بەرىپ سىرىقتاي بوپ،توبەدەگى قارماقشاعا اسىلىپ تۇر ەكەن.اق جىبەك ۇيقى كيىمىن الدىنعى اپتادا عانا الىپ بەرگەن بولاتىنمىن.

قايتەرىمدى بىلمەي اڭىرىپ تۇرىپ قالدىم،ميىما تەك بۇنداي پالەلى جەردەن تەز كەتۋىم كەرەك دەگەن وي كىردى دە، كيىمىمدى الا سالىپ تۇرا قاشتىم.جىم-جىرت كوشەگە جەتىپ، سۋىق ىزعار بەتىمدى وپكەندە قاتتى وكىنىپ، بۇلاي قاشىپ كەتۋىم جاراماس، ەڭ بولماعاندا ءمايىتتى ءبىر جايلى ەتۋىم كەرەك قوي دەپ كىدىرە قالدىم.ادەتتەدە ءار قانداي ءىستى ابايلاپ ىستەيتىندىگىمنەن بولار شياۋ رو ەكەمىزدىڭ ارامىزداعى ءىستى ەشكىمگە سەزدىرمەگەم.وسىنى ويلاعاندا كوڭىلىم جاي تاپقانداي بولدى.

قالتىراي وتىرىپ ءبىر تەمەكى تۇتاتتىمدا ويلانا كەلىپ،ءبىر كومەكشى شاقىرىپ شيا ۋرونىڭ ءمايىتىن ەشكىمگە بىلدىرمەي جايلاۋ بەكىمىنە كەلىپ شوفەرىم شياۋ ۋاڭنىڭ تىلدەسكىسىن جالعادىم،شياۋاڭ مەنىمەن بىرگە قىزمەت ىستەگەلى ماعان توتەنشە ادال بولعاندىقتان وعان قاتتى سۇيىنەتىنمىن،ول وزىنە قاتىسسىز ىستەردى اركەز سۇراستىرمايتىن.

ا دەگەنشە شياۋ ۋاڭ اۆتوكولىكپەن جەتىپ كەلدى.مەن اۆتوكولىككە كىرىپ،شياۋ ۋاڭعا ۋاقيعانىڭ بارىسىن اڭگىمەلەپ بەردىم.شياۋۋاڭ ءوڭى بۇزىلىپ سويلەمەكشى بولىپ وقتالدى دا توقتاپ قالدى." جۇمىس بىتكەننەن كەيىن قارىمجسىن قايتارامىن،قالاي قارايسىڭ ،الاڭسىز بولدىڭبا؟" دەدىم كەۋدەمدى قاعىپ،مەن كەۋدەمدى قاققان سوڭ شياۋ ۋاڭ نە دەسىن؟ اۆتوكولىگىن ايداپ شيا ۋرونىڭ تۇراعىنا تارتتى.

ەسىك اشىلىسىمەن ءبىر سۋىق ىزعار بەتىمدى شالىپ،ونە بويىم قالتىراپ ەكى اياعىمنان دارمەن كەتە باستادى.مەن شياۋ ۋاڭدى الدىعا قاراي يتەرىپ جىبەرىپ جەرگە وتىرا كەتتىم،ەكى اياعىم ەرىك بەرەر ەمەس.

سالدەن سوڭ شياۋ ۋاڭنىڭ اقىرىن شىققان داۋسىن ەستىپ،ءوزىمدى جىگەرلەندىرىپ ىشكە قاراي جۇردىم.شياۋ ۋاڭ ءمايىتتى تۇسىرىپ توسەك جاپقىشپەن وراپ قويىپتى.ول ماعان كومەكتەسىپ سۇيرەسىپ جىبەر دەگەن يشارات بىلدىردى.ەڭكەيە بەرگەنىمدە بۇتىن دەنەم سىرەسىپ،قولىم مايىتكە تيگەندە ءتىلىم كۇرمەلىپ قالدى."ەشتەمە ەتپەيدى،كوزى جۇمىلماي قالىپتى" دەگەن شياۋ ۋاڭ قولىمەن ولىكتىڭ بەتىن سيپادى،شياۋ رونىڭ قوس جانارى جابىلدى.

شياۋ ۋاڭ ەكەمىز ءمايىتتى سۇيرەپ اۆتوكولىكتىڭ ارتقى ساندىعىنا سالىپ،اۆتوكولىكتى تەز قارقىنمەن ايداي جونەلدىك.جول ورتاعا كەلگەندە اۆتوكولىگىمىز ءبىر نارسەنى باسىپ كەتكەندەي قاتتى ءبىر سىلكىندى.شياۋ ۋاڭنىڭ شوشىعانىنان ءوڭى بوزارىپ كەتتى،اۆتوكولىكتى جول شەتىنە شورت توقتاتتى.

شياۋ ۋاڭ ەكەمىز ءبىر بىرىمىزگە قاراپ، قارسى جاقتىڭ ەڭ الدىمەن اۆتوكولىكتەن تۇسۋىن تىلەدىك،ءبىراق ەشقايسىمىزدىڭ الدىمەن تۇسۋگە باتىلىمىز بارمادى،اقىرى بىرگە تۇسۋدى اقىلداستىق.دوڭگەلەكتىڭ استىنا قاراساق ەشتەمە كورىنبەدى،بۇرىلىپ اۆتوكىلىك ارتىنا قاراعاندا بويىمىزدا جان قالمادى،ارتقى ساندىق اشىق قاپتى،ءمايىت كورىنبەيدى،تەك وراعان توسەك جاپقىش عانا جاتىر.

"اۆتوكولىك سىلكىنگەندە تۇسىپ قالعان جوقپا؟" دەگەندە داۋسىم وزگەرىپ كەتتى."مۇمكىن" دەدى شياۋ ۋاڭ باسىن يزەپ.ءبىز اۆتوكولىكتى اقىرىن الدىعا قاراي ايداپ ىزدەي باستادىق.جۇرە-جۇرە شياۋ رونىڭ تۇراعىنا كەلدىك،جول بويى مۇردە تۇرعوي قىلتان كورىنبەدى، تاپ-تازا.

قاتتى ءبىر سامال جەلپىپ ءوتتى،شياۋ ۋاڭ جانىمداعى اۆتوكولىك تەرەزەسىن نۇسقادى،كوزدەرى قورىققاننان الايىپ كەتىپتى،مەنىڭ دەنەم مۇزداپ ارتقا قاراۋعا دارمەنىم قالمادى.

شياۋ ۋاڭ اۆتوكولىكتى گۇر ەتكىزىپ،وتە تەزدىكپەن ايداي جونەلدى.قالاعا كەلگەندە تاڭ اتىپ كەتتى."مەن اۆتوكولىك تەرەزەسىنەن وزگەرىپ كەتكەن 

ادام بەتىن كوردىم" دەدى قورقىنىشتان ارىلا الماعان شياۋ ۋاڭ ماعان قاراپ.

بۇل ەكى كۇندى قالاي وتكىزگەنىمدى بىلمەدىم،كوزىمدى جۇمسام بولدى،شياۋ رونىڭ دوپ-دوڭگەلەك بوتا كوزى كوز الدىمنان كەتپەيدى.ءمايىت قالايدان قالاي جوق بوپ كەتتى؟ مەن جۇمىس بار دەگەن سىلتاۋمەن وسى ەكى كۇندە شەتەل ساۋداگەرلەرى مەن كورىسپەي،جالعىز ءوزىم قوناق سارايىنىڭ كەڭسەسىندە وسى ەكى كۇندە بەرىلگەن قابارلاردى كورىپ تاپجىلماي جاتتىم،عاجاپتانارلىعى سول ەشقانداي ادامنىڭ مۇردە جونىندەگى قابارىن ەستىمەدىم.

راسىندا باسقالار ايتقانداي شياۋ رونىڭ "مۇردەسى وزگەرىپ" كەتتىمە؟ مەنىڭ كوز الدىما شياۋ ۋاڭ ايتقان اۆتوكولىك تەرەزەسىنە جابىسقان وزگەرگەن بەت ەلەستەپ جۇرەگىم دىرىلدەپ دەنەم سۋىپ سالا بەردى.

ەكى كۇننەن كەيىن الارمان تاۋىپ،ءۇيدى ارزان باعادا ساتىپ جىبەردىم.قالعان كۇندەردە ەشقانداي عاجايىپ ءىس تۋىلمادى.مەن اقىرى الاڭسىز كۇيگە كوشىپ،بار زەيىنىممەن شەتەل ساۋدا كەلىسسوزىنە كىرىسىپ كەتتىم.كەلىسسوز ەگەر بۇگىن كەشتەگىدەي ءساتتى جۇرىلە بەرگەن بولسا جارىم ايدان كەيىن شەتەل الىپ ساتارلارىمەن بولعان سەلبەستىككە قول قويىلعان بولار ەدى، ءىس وڭىنا اينالسا ،شەتەل ساۋداگەرلەرىنىڭ قوسقان قارجىسىمەن مەنىڭ مەيمانحانام بۇتىن قالاداعى بىردەن ءبىر بەس جۇلدىز دارەجەلى مەيمانحانا بولعالى تۇرعان.

مەن قۋانا ۇيگە قايتىپ، جۇبايىم لي لاننىڭ بەتىنەن سۇيىپ ەركەلەتپەكشى بولدىم،لي لان اشۋلى وتىر ەكەن،ماعان الايا قاراعاندا جەپ جىبەرە جازدادى.

"الگى ءۇيدىڭ جاعدايى قالاي بولدى؟ ايتشى قانە تىڭدايىن" دەدى ليلان اشۋلى الپەتتە.

ءۇي ساتقان جاعدايدى ەشكىم بىلمەۋشى ەدى،لي لان قايدان ەستىدى ەكەن؟ تاڭ-تاماشا بولدىم."قازىر مەنى قۇرتقىسى كەلەتىندەر كوپ،ەلدىڭ وسەگىنە سەنبە" دەدىم ەشتەمەنى كاپەرىمە الماعان بەينەدە."ليۋ پاميلالى،ايتىپ قويايىن،كولگىرسىمە،ەل ءوزى كەپ ايتىپ كەتتى،ءشايتان ويناعى جايلاعان ءۇيىن ساتىپ بەرىپتى،نەدەگەن ءمورالسىز،قاي اقىماق قىلعانى دەپ " دەدى  قولىمەن كوزىمدى شۇقىپ تۇرىپ.

لي لاننىڭ بۇل سوزىنە قاتتى تاڭ قالدىم، "تۇرعان ۇيىمىز وتە كونەرىپ كەتكەندىكتەن سەنەن جاسىرىپ ءبىر ۇلكەن ءۇي العام،ونداعى ويىم سەنى تاڭ قالدىرۋ بولاتىن.ويلاماعان جەردەن ءبىر بالىگەر دوسىم، بۇل ءۇيدىڭ ورنى جامان ەكەن،جاقسىلىق اكەلمەيدى دەگەن سوڭ ساتىپ جىبەردىم،ەندى قايتا جاڭاسىنان الماقشىمىن "دەگەن ەدىم، لي لان ايتقانىمنىڭ ورىندى ەكەنىن ءبىلىپ قايتىپ ەشتەمە دەمەي،ەكى كۇننەن كەيىن الگى ءۇيدى بارىپ كورەتىنىن ايتتى.

ەرتەڭى  ەرتە تۇرىپ ءۇيىمدى ساتىپ العان ادامعا سالەمدەسە باردىم،ونىڭ ءوڭى قورقىنىشتان قۋارىپ كەتىپتى.ول ءار كۇنى ءتۇن ورتاسىندا ەسىك سىرتىنان ايەلدىڭ جىلاعان داۋسى ەستىلەدى،كەيدە ءتىپتى ءبىر جىلاپ ءبىر كۇلەدى،ۇنى قاتتى شىقپاعانمەن وتە قورقىنىشتى دەدى ۇرەيلى بەينەدە.

ۇرىنىڭ ارتى قۋىس دەمەكشى ەشتەمە دەمەستەن اقشاسىن قايتارىپ بەرىپ، ءۇيدى الىپ قالدىم.ەكىنشى كۇنى لي لان ءۇيدىڭ كىلتىن الىپ،ءادىرىسىن ۇعىسىپ ،اسىعىس-ۇسىگىس ءۇي كورۋگە كەتتى.ول ءۇيدى كورىسىمەن قاتتى ۇناتتى،ءارى كوشىپ كەلەيىك دەپ بايبالام سالدى.مەن قانشا قينالسامدا ايتا الماي امالسىز ءۇيدى كوشىرىپ كەلدىم.

سول كۇنى كەشتە ءبىر ىسپەن شەتەل ساۋداگەرىمەن ءبىر كۇن كەلىسە الماي قاتتى شارشادىم،كەشتە رەتتەيتىن ماتەريالداردى ويلاپ ۇيگە قايتپاي،مەيمانحاناعا جاتا كەتتىم. سول كۇنى تاڭ اتىسىمەن لي لان "كەشە تۇندە ءبىر ايەل سايتان كوردىم،تەز جەت"دەدى تىلدەسكى جالعاپ،جىلاپ تۇرعان سەكىلدى. ءبىر ءىستىڭ بولعانىن سەزىپ تۇرشىگىپ كەتتىم.

اسىعىس-ۇسىگىس ۇيگە كەلگەنىمدە،لي لان ۇرەيلى بەينەدە مەنى جانىنا تارتىپ، كەشە ءتۇن ورتاسىندا ەسىك سىرتىنان ءبىر ايەلدىڭ جىلاعانىن ەستىپ،توسەكتەن تۇسىپ،ەسىكتىڭ ساقتىق ساڭىلاۋىنان قاراسام، اق ۇيقى كيىمىن كيىپ، شاشىن جايعان جاس ايەل،قوس قولىمەن باسىن ۇستاپ،ەڭكەيىپ الىپ جىلاپ وتىر ەكەن دەدى ۇرەيلى بەينەدە.

مەن قورىققانىمنان سىلەيىپ تۇرىپ قالدىم،راسىندا سايتان بار بولعانىما؟ دەسەدە ءوز كوزىمەن كورمەگەن سوڭ تىم سەنىپ كەتپەدىم.كەشتە قاراڭعى تۇسكەندە  بارلىق قوناعاسىنى قايىرىپ تاستاپ،ۇيىقتاماي وتىرىپ زادى قانداي عالامات بولسادا كورۋگە بەكىدىم.

ءتۇن جارىمىنان اۋعان ساعات ەكى، ءۇش مەزگىلىندە وتىرىپ شىداماعاندىقتان قيسايا كەتىپ ۇيقىلى وياۋ جاتىر ەدىم كەنەت ەسىك سىرتىنان ءبىر سىبىس ەستىلدىدە،ىلە شالا سىڭسىپ جىلاعان داۋىس شىقتى.مەن سەلت ەتىپ توسەكتەن قارعىپ تۇستىم.

شىراقتى اشۋعا باتىنباي جۇرەگىمدى توقتاتىپ ەسىكتىڭ ساقتىڭ ساڭىلاۋىنان سىرتقا قارادىم،ەسىك سىرتى قاپ-قاراڭعى ەكەن ەشتەمەنى كورە المادىم.بۇل قالاي بولعانى،ەسىك سىرتىنداعى شىراق دىبىس بولسا جاناتىن سەزىمتال شىراق ،سوندا ول سايتانعا كەزىككەندە جانباي قوياما ؟ ونى ويلاعاندا بۇتىن دەنەم تىتىركەنىپ كەتتى.كەنەتتەن ەسىكتىڭ ساقتىق ساڭىلاۋىنان جارىق كورىندى،جارىققا باجىرايا قاراي قالعانىمدا ساڭىلاۋدىڭ ار جاعىنان قىپ-قىزىل بوپ قانتالاعان قوس جانار ماعان قادالىپ تۇر ەكەن.

شوشىعانىمنان ەسىم اداسىپ، دىبىسىم شىقپاي،شالقامنان تۇستىم،ايقايلاسامدا ۇنىم شىقپادى.لي لان قورىققانىنان جىلاپ قويا بەردى،ول ارى- بەرى كەۋدەمدى ۇرعىلاعاندا بارىپ ەسىمدى جيعانداي بولدىم.مەن ويلانا كەلىپ ەسىك ساڭىلاۋىنان تاعى قاراپ ەدىم،  اق كيىمدى ادام باسپالداق بۇرىشىنان جارىق ەتتىدە كورىنبەي كەتتى.

مەن دۇنيەدە سايتان بار دەگەنگە ەجەلدەن سەنبەيتىنمىن،ال مىنا جاعدايدى تۇسىندىرۋ شىنىندا قيىن.قورقىنىش بەينە كوكتەمگى جابايى شوپتەي كوڭىل تۇكپىرىمە قاۋلاي ءوربىدى.

قازىر ويدى شوعىرلاندىرىپ شەتەل ساۋداگەرىمەن كەلىسسوز جاساۋدان قالدىم،شياۋ رونى باعۋعا العانىمادا وكىنە باستادىم.كەشكە دەيىن لي لان ەكەمىز ءۇي كوشىرۋ ابىگەرىمەن بولدىق،قاتتى شوشىعان لي لان كونە ۇيگە قايتۋعا رازى بولدى؛ ال مەن ەسىك سىرتىنداعى جىلاعان ايەل سايتاننىڭ شىنىندا شياۋ رو ما ەمەسپە ەكەندىگىن انىقتاۋعا بەكىندىم.

بۇل ءتۇنى مەن شياۋ ۋاڭدى بىرلىكتە وسى سىردى اشۋعا شاقىردىم.

كەشەگىدەي ءتۇن جارىمىنان اسقان ساعات ەكى، ءۇش مەزگىلىندە ەسىك ساڭىلاۋىنان جىلاعان داۋىس شىقتى.شياۋ ۋاڭنىڭ سەرىك بولۋىندا قورقاقتى قۋا بەرسەڭ باتىر بولادى دەگەندەي باتىرسىپ،ەسىكتىڭ ساقتىق ساڭىلاۋىنان سىعىرايا سىرتقا قارادىم.ەسىك سىرتىندا اق قالاتتى ايەل دىزەرلەپ،وتىر ەكەن،ارت جاعىنان قاراعاندا شياۋ رودان اۋمايدى.

ايەل وزىنە ءبىر ادامنىڭ جاسىرىن قاراپ تۇرعانىن سەزگەندەي جىلاعانىن توقتاتىپ "قيق-قيق" ەتىپ كۇلە جونەلگەندە زارە-قۇتىم قالمادى.ول ورنىنان تۇرىپ،موينىن بۇرماستان قولىن بۇلعاپ:"كەل سۇيىكتىم ،ماعان ىلەس،مۇردەمدى تاۋىپ بەرەيىن" دەدى دە الدىعا ءبىراز جۇرىپ بارىپ،مەنى توسىپ تۇرعانداي توقتاي قالدى.

بۇل پالەدەن قاشىپ قۇتىلۋعا شاراسىز بولعاندىقتان ،مەن تاۋەكەلگە باستىم، ونانشا بۇل ايەلگە ەرىپ شياۋرونىڭ مۇردەسىن تاۋىپ ، جاقسىلاپ جەرلەسەم،بارلىق پالەدەن قۇتىلۋىم مۇمكىن دەگەن وي كەلدى.

مەن شياۋ ۋاڭعا قاراپ كوز قىستىمدا ەسىكتى اشىپ ايەلگە ەردىم.ايەل بەينە ارتىندا كوزى بارداي تەز جۇرسەك،تەز جۇرىپ،اقىرىن جۇرسەك اقىرىنداپ بىزبەن ارالىق ساقتاپ وتىردى.

جۇرە- جۇرە ءبىر ءۇيدىڭ الدىنا كەلدىك،بۇل ولىك ساقتايتىن ورىن ەكەن بويىمدا جان قالمادى.ايەل زارلەنە ءبىر كۇلدىدە كىرىپ كەتتى.شياۋ ۋاڭ ءوڭى سۇرلانىپ،جاقىن ماڭداعى ءبىر ۇلكەن اعاشتى كورسەتىپ:" قوجايىن،مەن جۇرە المادىم،انا جەردە توسا تۇرايىن" دەدى.مەن وعان الايا ءبىر قاراپ الىپ،"ۇجدانسىز"دەدىم ۇنسىز بوقتاپ.

مەن ايەلمەن ىلەسىپ تۇتانعىش تۇعىردىڭ جانىنا كەلگەندە،شياۋ رو اياعىنداعى شاقايدى تۇتانعىش تۇعىرعا قاراي لاقتىرىپ جىبەرىپ،"اقىرى ءوز ۇيىمە كەلدىم" دەدى كۇبىرلەپ،ىلە-شالا ماعان جالت ەتىپ قارادى دا ،ىرجيا كۇلدى،بەتىندە قان ءسول جوق ."ءدال شياۋ رونىڭ ءوزى" مەن ايعاي سالدىمدا تۇرا قاشتىم.

مەن ءمايت ساقتاۋ ورنىنان بىردەمدە قاشىپ شىعىپ،الگى ۇلكەن اعاشتىڭ تۇبىنە كەلىپ،شياۋ ۋاڭ قايدا دەپ ،جان-جاعىما تاقاتسىزدانا قاراپ تۇرعانىمدا " ءۇي نە بولدى ،مەنى نەگە باسا بەردىڭ،تاعى ءبىر رەت ولتىرمەكشىسىڭبە؟"دەگەن داۋىسپەن بىرگە باتپاق اراسىنان قاپ-قارا باس كورىندى.نۇرسىز كوزدەرى باجىرايىپ كەتىپتى،شياۋۋاڭ ەكەن.ول باتپاقپەن جاپىراق اراسىنان ەكى قولىن شىعارىپ، مەنى ۇستاماقشى بولعاندا جىرتىلعان ەكى جەڭى بورانمەن بىرگە جەلبىرەدى.اق دەگەنگە شامام كەلمەي،تالىپ تۇستىم.

ەكى كۇننەن كەيىن ايەلىم لي لان كوشەدە سەندەلىپ جۇرگەن مەنى تاۋىپ الدى،ال مەن اۋزى-مۇرنىم كىرقوجالاق ،الدە قاشان قۇتىرىپ كەتكەم،ۇيدەگىلەردى تاني المادىم.سول كۇنى تۇستەن كەيىن لي لان مەنى نەربى اۋىرۋلار شيپاحاناسىنا اپاردى.

مولشەرمەن ەكى كۇن ءوتتى، نەربى اۋىرۋلار شيپاحاناسىندا البا-جۇلبام شىعىپ تەلەديداردىڭ الدىندا مەڭىرەيىپ وتىرعام،كەنەت تەلەديداردان جاڭ قوجايىن مەن شەتەل ساۋداگەرىنىڭ  قول قويىسىپ بولعان كەسكىنى كورىندى،قول الىسىپ تۇرعان جاڭ قوجايىن قۋانىشتى بەينەدە:" ءاسىلى مەنىڭ ەڭ ءبىر مىقتى قىزىمەتتەسىم مەن سەلبەسبەكشى ەدىڭدەر،امال نە، ول بۇيرىقشا  قۇتىرىپ كەتتى.مەن ەڭ العاشقى مىنا ءبىر رومكانى قىزىمەتتەسىمنىڭ ەرتەرەك ساۋىعۋى ءۇشىن الدىرماقشىمىن!" دەدى ەش قايعىسىز بەينەدە  توسىت كوتەرىپ .

"دۇرىس ايتاسىڭ،دۇرىس ايتاسىڭ" مەن قۋانعانىمنان شاپالاعىمدى شارت ەتكىزدىم.كۇلكىم كەنەت شورت تيىلدى،الاقتاي الدىعا ۇمسىنعان مەن تەلەديدارداعى ەكى ادامدى نۇسقاپ:"انا سايتاندار مەنى ولتىرمەكشى" دەدىم داۋرىعا ايعايلاپ.

جاڭ قوجايىننىڭ ەكى جاعىندا تۇرعان ەكى ادامنىڭ ءبىرى شياۋ رو ەندى ءبىرى شياۋ ۋاڭ ەدى.ال مەن سورلى ولە-ولگەنشە تازالىق ۇيىندە اسىلىپ تۇرعان شياۋ رونىڭ سۋلياۋ مودەل ەكەنىن بىلمەي كەتەرمىن.

قابا اۋداندىق سۋ ىستەر مەكەمەسى