ىستاكانمەن سۋ ءىشىپ كورگەن بولارسىڭ . الايدا ، ىستاكان مەن سۋدىڭ اڭگىمەسىن ەستىپ كورىپ پە ەدىڭ ؟

جالعىزدىقتان جابىرقاعان ءبىر ىستاكان بولىپتى . ول سۋدىڭ ءوزىن ىزدەپ كەلۋىن سونشاما اڭساپتى . ماحاببات پىرىنە ، تەك سۋ ءوزىنىڭ قۇشاعىنا قۇلاسا بولعانى،سول مەزەت ءولىپ كەتسەدە ريزا ەكەنىن ايتىپ تىلەك تىلەپتى .

ونىڭ تىلەگى قابىل بولىپ ، ىپ – ىستىق سۋ ىستاكانعا قۇيىلىپ، اڭساعان ماحابباتقا دا  قولى جەتىپتى .

سۋدىڭ ىستىقتىعىنان ىستاكان ءوزىنىڭ ەرىپ كەتۋگە شاق قالعانىن سەزىپتى . ەرەكشە شاتتىققا بولەنگەن ول ىشىنەن، جاراتقانعا راقىمەت، ەرتەگىلەردە ايتىلاتىن ۇلى ماحاببات دەگەن وسى بولار- اۋ دەپ ويلاپتى . ازدان سوڭ سۋ جىلى كۇيگە ءوتىپتى ، بۇعان ىستاكان سونداي راحاتتانىپتى . بۇل تۇرمىستىڭ باعىشتاعان مەيىرىمى بولسا كەرەك دەپ ويلاپتى  . تاعى از ۋاقىت وتكەن سوڭ سۋ سۋىي باستاپتى . بۇنى بايقاعان  ىستاكان قورقىپتى ، تەگى نەدەن قورقىپ تۇرعانىن ءوزى دە بىلمەپتى ، تەك ماحاببات نەلىكتەن بۇلاي بولادى دەگەن ءبىركۇدىك ويدىڭ قۇرساۋىندا قالىپتى ،  تاعىءبىر ازدان سوڭ سۋ مۇلدە سۋىپ قالىپتى ، ىستاكان ۇمىتسىزدەنە باستاپتى ، سىرتىنا شىعارىپ ايتا الماعانىمەن ىشتەي « بۇنداي تۇرمىسقا ەندىگارى توزە الماسپىن ، ەش جالىنى ، ەش مەيرىمى  جوق ، بۇل تەگى مىناۋ تىرلىكتەگى مازار ، توزاق قوي . بۇيتكەنشە ءولىپ قالعانىم  جاقسى »- دەپ كۇيگەلەكتەنىپتى .

جۇرەگىن مۇزداي سۋىق سۋ باسىپ العان ىستاكان ءوزىنء تىرى ولىكتەي سەزىنىپتى دە ،  بۇنداي تۇرمىستان ءبىر جولاتا قۇتىلىعىسى كەلىپ بار كۇشىمەن قوزعالا باستاپتى ،  ول اقىرى قۇتىلىپتى ،  ول ۇستەل ۇستىنەن جەرگە قۇلاپ تۇسكەنگە دەيىنگى ءبىر مينوت 13 تاقىل ۋاقىت ىشىندە سۋ اقىرى ىستاكاننان اجىراپ كەتىپتى ،بۇعان ىستاكان قۋانىپتى.  ارتىن الا ءوزى دە  قۇلاپ كۇل-پارشاسى شىعىپ قۇردىمعا كەتىپتى .

جان ۇزەر الدىندا، كەنەت ،ول ءوز دەنەسىنىڭ سىنعانءارتال پارشاسىنان سۋ داقتارىن بايقاپتى ، ءدال وسى ساتتە عانا ول ءوزىنىڭ سۋدى بارىنشا سۇيەتىنىن، سۋدىڭ ءوز جۇرەگىندەگىءىزىن ماڭگى وشىرە المايتىنىن سەزىپتى . ول جىلاپتى ،ىستاكاننىڭ كوزىنەن تامعان تامشى جاس سۋمەن بىتە قايناسىپ كەتىپتى ... ... 

بۇل ءسىرا نە ؟ مەنشە ،  مىنە بۇل ماحاببات ! ارينە ،بۇل ەرلەردىڭ ماحابباتىنا ۇقساپ كەتسە كەرەك .

ال ،وندا  ايەلدەردىڭ ( قىزداردىڭ ) ماحابباتى قانداي ؟

لاۋلاعان وت تام تۇبىندە جاتقان اعاشقا عاشىق بولىپتى . ول بار ىقىلاسىمەن ماحابباتقا بەرىلىپتى . الايدا ،كوڭىلىن بىلدىرۋدەن ۇيالىپتى، تەك ،  ىنتىققان پەيىلىمەن اعاشقا تەلمىرىپتى ، وتتىڭ وزىنە تەسىلگەن قىزۋلى جانارىن بايقاعان اعاش وعان ، « مەنى ۇناتاتىنڭدى بىلەمىن،  بەرى كەلىپ مەنى قۇشاعىڭا ال ! » دەپتى .  

سونىمەن ، وت اعاشتى قۇشاعىنا قىسىپتى ، الايدا ،اعاش وتقا ورتەنىپ كەتكەن ەكەن .

بۇعان وت  كوز جاسىن كولدەتىپ جۇرىپ ءوزى دە ءسونىپ قالىپتى .

اعاش پەن وت ورتتەنىپ جاتىپ  ماحابباتتى نەگە عانا ارماندايدى ەكەن دەشى ؟ بارلىق شىن جۇرەكتەن بەرىلگەن بوداۋعا  تەك قاسىرەتپەن قارجىمى قايتارىلاتىنى قالاي ؟  شاماسى ،بۇل ايەلدەردىڭ ماحاببات ماسەلەسىندە ۇنەمى باسىن قاتىراتىن ىستەرى بولسا كەرەك . 

ارينە ، ماحاببات قاقىنداعى بۇنداي تۇسىندىرۋىمدى  قۇپتاماۋىڭ دا مۇمكىن ، الايدا ، ەجەلگى گرەتسيانىڭ ءبىر فيلوسوبى ايتقاندايىن « تۇبى ولارمەن جۇزدەسەسىڭ ،ونىڭ ءبىرى ماحاببات ، ەندى ءبىرى ءولىم ! » .

اللاعا شۇكىر ،قازىرگە ولىممەن جۇزدەسپەدىك ، بولماسا ، ماحابباتتى ويلاۋعا مۇرسات تابا الماس ەدىك . وسى ماحاببات دەگەنگە  كەزدەسىپ كوردىڭ بە ،جوق ؟ ەگەر كەزدەسكەن بولساڭ ، وندا ونىڭ عاجايىپ نارسە ەكەنىن سەن قالايدا جاقسى بىلەسىڭ . مىناداي ءبىر ايتىلىم بار ، اللا ومىردەگى سىڭارىڭدىءوزىڭ تابۋىڭءۇشىن  ادامدى ەكىگە ءبولىپ ادامدار اراسىنا تاستايدى-مىس . ماڭىزدىسى ،  ونى تابا الدىڭ با ؟ تاۋىپ الىپ قايتادان جوعالتىپ الدىڭ، سولاي ما ؟  ەگەر سولاي بولعان بولسا ، وندا مەنىڭشە بولعاندا ،قايعىرۋدىڭ قاجەتى شامالى . ويتكەنى ماحاببات مىنە وسىلاي . بەينە ، اعاش جاپىراعىن جايسادا، جاپىراقتىڭ ساباعىنان ۇزىلەر شاعى بولاتىنداي؛ اتا قارلىعاش ۇشىپ كەتكەندە انا قارلىعاش دودەگەدە سايراپ قالاتىنداي ؛ تىرشىلىك كوكتەمنىڭ دە سولار شاعى بولاتىنداي ءىس .  ماڭگىلىك بولا الماسادا ،شىنايى تەرەڭ سۇيسپەنشىلىككە يە بولۋ ەڭ ماڭىزدى . ،سونداي ماحاببات عانا  بەينە ، ماقپال تۇندەگى بولىمسىز جۇلدىز ساۋلەسىندەي  الەمنىڭ تۇكپىرىندەگى ، ۋاقىت اعىىنىنداعىءبىر ميلليون جارىق جىلىنان دا ارى  الىس ارالىقتان كوز الدىمىزعا ەلەستەي الادى !