لاڭكەستىككە قارسى تۇرىپ، ورنىقتىلىقتى قورعاۋدا اتويلاپ الدا ءجۇرىپ، بۇقارانى جەتەلەپ، ۇلگى بولامىن

«ءۇش ءتۇرلى كۇش» گۇلدەنىپ - كوركەيگەن، باي، جاراسىمدى، ورنىقتى شينجياڭدى كورگىسى كەلمەيدى، ولار سۇرقيا ماقساتىنا جەتۋ ءۇشىن ۇلت، ءدىن تونىن جامىلىپ، ۇلتتىق وشپەندىلىككە ايتاقتاپ، ءدىني اپتىقپالىق تۋدىرىپ، ادامگەرشىلىكتەن جۇرداي، جانتۇرشىگەرلىك زورلىقتى كۇش، لاڭكەستىك دەلولارىن ارت - ارتىنان تۋدىردى. ءاربىر ۇيعۇر باۋىرلاس قىراعىلىقتارىن ارتتىرىپ، «ءۇش ءتۇرلى كۇشتىڭ» شىنايى كەيىپ - كەسپىرىن جىعا تانۋى ءتيىس، ولار مۇلدە ءبىزدىڭ تۋىسىمىز ەمەس، دوسىمىز ەمەس، ءبىزدىڭ ۇيعۇر ۇلتىنا مۇلدە ۋاكىلدىك ەتە المايدى، ولار ءدىن تونىن جامىلعان ۋلى جىلان، ناعىز سۇرقيالار، قالىڭ حالىق جۇرتشىلىعى كەشىرمەيتىن، ولىسپەي - بەرىسپەيتىن قاس دۇسپان.

ۇيعۇر پارتيالى كادرى بولعان ءبىز ءوزىمىزدىڭ ۇلت، سۇيىسپەنشىلىك، ءتىل جاعىنداعى ەرەكشە باسىمدىعىمىز بەن وزگەشە رولىمىزدى تولىق ساۋلەلەندىرىپ، قاراپايىم دا ۇعىنىقتى تىلمەن ءدىني ۇشقارى يدەيانىڭ كەرتارتپا ءمانى مەن حاۋىپ - قاتەرىن جىعا تانىتۋىمىز، تۇبەگەيلى ۇعىندىرۋىمىز، ءار ۇلت جۇرتشىلىعىنىڭ كىمنىڭ بۇقاراعا شىن نيەتپەن ناقتى ءىس، جاقسى ءىس ىستەپ بەرىپ جاتقانىن، كىمنىڭ ۇيعۇر ۇلتى جۇرتشىلىعىن زۇلىمدىقتىڭ شىڭىراۋىنا يتەرمەلەپ جاتقانىن تۇسىنۋىنە مۇمكىندىك جاساۋىمىز؛ بۇقارانى «ءۇش ءتۇرلى كۇشپەن» باتىل كۇرەس جۇرگىزۋگە كەڭ كولەمدە جۇمىلدىرۋىمىز، «ءۇش ءتۇرلى كۇشتى» بارار جەر، باسار تاۋى قالمايتىن بەيشارا كۇيگە ءتۇسىرۋىمىز كەرەك. 

ءبىز پارتيا ورتالىق كوميتەتىنىڭ شينجياڭدى جونگە سالۋ جالپى جوباسى مەن اۆتونوميالى رايوننىڭ لاڭكەستىككە قارسى تۇرىپ، ورنىقتىلىقتى قورعاۋداعى كەشەندى شارالارىن مۇقيات دايەكتىلەندىرۋىمىز، قىزمەت ورنىمىزدى تياناق ەتىپ، جاۋاپكەرشىلىكتى ارقالاپ، ورنىقتىلىقتى قورعاۋ قىزمەتىن باتىلدىقپەن، بۇلجىتپاي، ۋاقىتتى ۇتا وتىرىپ، بار كۇشپەن تىڭعىلىقتى ىستەۋىمىز؛ ماڭايىمىزداعى ادامداردى ويداعىداي يگەرۋدەن باستاۋعا تاباندى بولىپ، ۇيعۇر كادر - جۇرتشىلىعى وزگە ۇلت كادر - جۇرتشىلىعىمەن، پارتيا، ۇكىمەت، ارميا، ساقشى، بيڭتۋانمەن بىرگە قۇلشىنىپ، قۇدىرەتتى بىرىككەن كۇش قالىپتاستىرىپ، ءاپ - ساتتە كۇل - تالقان ەتەتىن ارىنمەن، بوگەۋ بەرمەس تەبىنمەن، قاتاڭ سوققى بەرۋ، رەتتەۋدى ۇزبەي، ىشكەرىلەي قانات جايدىرۋىمىز، زورلىقتى كۇش لاڭكەستەرىنە استە تىنىستار وراي بەرمەۋىمىز، ءتۇپ - تامىرىمەن قوپارىپ، سۇرقيالىقتى الاستاۋ بورىشىمىزدى ادا ەتۋىمىز كەرەك.

ءبىز «ءۇشتىڭ ءبىر - بىرىنەن ايرىلا الماۋى» يدەياسىنىڭ، «5 ورتاق تانىمدى» كوكەيىمىزگە ۇيالاتۋىمىز، ناقتى ارەكەتپەن ۇشتاستىرۋىمىز؛ «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى دوستىق قيمىلىن باستاماشىلدىقپەن قانات جايدىرىپ، شىنايى تۋىس بولىپ، شىنايى كومەكتەسىپ، شىنايى سۇيەمەلدەپ، شىن نيەتپەن كۇش جۇمساپ، تاباندىلىقپەن يگەرىپ، باۋىرلاستىق سۇيىسپەنشىلىكپەن، ءبىر - بىرىمىزگە قول ۇشىمىزدى بەرىپ، ءار ۇلت جۇرتشىلىعىنىڭ جۇڭحۋا ۇلتى ۇلى شاڭىراعىنىڭ ەتەنە تۋىسقاندىق سۇيىسپەنشىلىگىن شىن مانىندە سەزىنۋىنە مۇمكىندىك جاساپ، وڭايلىقپەن قولعا كەلمەگەن تاماشا جاعدايدى بىرگە قورعاۋىمىز كەرەك.

ءبىز سانالى تۇردە قىزمەت ورنىمىزدى شەپكە بالاپ، قىزمەتتى ءىس رەتىندە يگەرىپ، ۇلەس قوسۋدى بورىش ساناپ، شىنايى كىرىسىپ، كوڭىل كۇيدى ورنىقتىرىپ، تۇبەگەيلى تامىر تارتىپ، ناقتى سويلەپ، ناقتى كۇش سالىپ، ناقتى شارا قولدانىپ، ناقتى ءىس ىستەۋىمىز؛ نەگىزگى ساتىعا بارىپ تەكسەرۋ - زەرتتەۋ جۇرگىزۋ، تۋىس بولىپ، كومەك كورسەتۋ قيمىلىن وراي ەتىپ، بۇقارانىڭ ءسوزىن سويلەپ، بۇقارامەن قول ۇستاسىپ، بۇقارانىڭ وتباسىنا بارىپ، بۇقارامەن ارقا - جارقا كەڭەس قۇرىپ، اۋىل - قىستاقتىڭ ءوندىرىس، تۇرمىس شارت - جاعدايىن جاقسارتۋعا بايلانىستى نىسانداردى كوبىرەك اتقارىپ، ەگىنشى - مالشىلاردى يگىلىككە كەنەلتەتىن ناقتى ىستەردى كوبىرەك ىستەپ، نەگىزگى ساتى جۇرتشىلىعىنىڭ ويىندا جۇرگەن ماسەلەلەردى كوبىرەك ءبىر جايلى ەتىپ، جۇرت قالاۋى ءبىزدى، ەل تىلەگى پارتيانى جاقتايتىن تاماشا جاعدايدى تىنباي بەكەمدەۋىمىز كەرەك. 

ءبىز ءتالىم - تاربيە كوزقاراسىندا بۇرىلىس جاساۋىمىز، وتباسى تاربيەسىنە ءمان بەرۋىمىز، ءتالىم - تاربيە ءتاسىلىن جاقسارتۋىمىز، تاماشا وتباسى داعدىسى ارقىلى تاماشا وتباسى سالتىن جەتىلدىرۋىمىز، تاماشا وتباسى سالتى ارقىلى جاقسى پەرزەنت تاربيەلەۋىمىز، باۋلۋىمىز كەرەك. ءبىز تاماشا وتباسى سالتىنا مۇراگەرلىك ەتىپ، ونى ويداعىداي ساۋلەلەندىرىپ، پەرزەنتتەرىمىزدى ۇشقارىلىقتان اۋلاق بولۋعا تاربيەلەۋىمىز؛ بۇكىل قوعامدا عىلمدى ۇيرەنۋ، عىلىمدى ءسۇيۋ، عىلىمدى دارىپتەۋ، عىلىمنان پايدالانۋ ورلەۋىن كوتەرىپ، جالپى حالىقتىڭ عىلىم ساپاسىنىڭ تۇلعالىق جاقتان جوعارىلاۋىنا قوزعاۋشىلىق ەتىپ، ءدىني ۇشقارى يدەيانىڭ ءسىڭىپ كىرۋىنەن ساقتاناتىن يدەيالىق «قورعان» سوعۋىمىز كەرەك.

شينجياڭ گازەتىنەن الىندى