ءبىر نيەتپەن ىنتىماقتاسىپ، بولشەكتەۋشىلىككە قارسى كۇرەستىڭ تۇبەگەيلى جەڭىسىنە قول جەتكىزەيىك

ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشىسى ابدىسالام سادىق

قازىر كورىكتى ىلە اڭعارىنىڭ ەكونوميكاسى ۇشقان قۇستاي دامىعان، حالىق تۇرمىسى زور دارەجەدە جاقسارعان، اۋىل - قالادا زور وزگەرىستەر تۋىلىپ، ءار ۇلت حالقى ءبىر ءۇيلى جانداي ىنتىماقتاسقان جاعداي جارىققا شىقتى. الايدا ءبىز بولشەكتەۋشىلىككە قارسى كۇرەستىڭ كۇردەلى دە ماشاقاتتى مىندەتىنە ءالى دە ءدوپ كەلىپ وتىرمىز. ۇيعۇر پارتيالى كادر رەتىندە، مەن زورلىقتى كۇش لاڭكەستىك ەلەمەنتتەرىنە باستاماشىلدىقپەن سايىس جاريالايمىن، باستاماشىلدىقپەن باتىل ءۇن قاتىپ، قاتاڭ پوزيتسيا بىلدىرەمىن، قوعام ورنىقتىلىعىن قورعاۋ كۇرەسىنىڭ الدىڭعى شەبىنە باستاماشىلدىقپەن شىعىپ، ءىس جۇزىندىك ارەكەتىم ارقىلى «ءۇش ءتۇرلى كۇشكە» سايىس جاريالايمىن.

ىلەدە تۋىلىپ، بالا كەزىمنەن ەگىنشى - مالشى اراسىندا جاساپ، حانزۋ، قازاق، حۇيزۋ سياقتى تۋىسقان ۇلت باۋىرلاستارمەن بىرگە تۇرمىس كەشىرىپ، قىزمەتتە بىرگە بولىپ، بىرگە ەرجەتتىم. ءار رەتكى حاباردان حالىق بۇقاراسى مەن قوعام حاۋىپسىزدىگى حالىق ساقشىلارىنىڭ، نەگىزگى ساتىداعى كادرلاردىڭ زورلىقتى كۇش، لاڭكەستىك قيمىلدارىنىڭ كەسىرىنەن جارالانعاندىعىن، ءتىپتى، ومىرىنەن ايرىلعانىن كورگەندە، قايعىدان قان جۇتامىن؛ ۇيعۇر باۋىرلاستاردىڭ ءدىني ۇشقارى يدەيانىڭ ارباۋىنا تۇسكەنىن كورگەنىمدە، ىشتەي قاتتى ەزىلەمىن.

مەن ۇيعۇر باۋىرلاستارعا بىلاي دەپ ۇندەۋ تاستايمىن: ءبىز «ءۇش ءتۇرلى كۇشتىڭ» قىلمىستىق كەيىپ - كەسپىرىن ايقىن تانىپ جەتىپ، وتاندى بولشەكتەۋدى قيالداعان، ۇلتتار ىنتىماعىن بۇلدىرۋگە ۇرىنعان زورلىقتى كۇش لاڭكەستىك ەلەمەنتتەرىنە، ءسوزسىز، باتىل تۇردە سايىس جاريالاپ، زاڭعا قاساقانا قيعاشتىق ىستەپ، زورلىقتى كۇش، لاڭكەستىك قيمىلىمەن شۇعىلدانعان قىلمىستىق ەلەمەنتتەردى اياۋسىز قاتاڭ جازالاپ، استە كوڭىلشەكتىك ىستەمەۋىمىز؛ كورىنىستە ءبىر ءتۇرلى، كومەسكىدە ءبىر ءتۇرلى سويلەيتىن «ەكىبەتكەيلەردى» بايقاعان زامان اشكەرەلەپ، قاتاڭ جازالاپ، استە ىرقىنا جىبەرمەۋىمىز كەرەك.

ءبىز ۇلتتار ىنتىماعى مەن قوعام ورنىقتىلىعىنىڭ تاماشا جاعدايىن قاستەرلەپ، شينجياڭ قىزمەتىنىڭ باس نىساناسىن، پارتيانىڭ ۇلت، ءدىن ساياساتىن، ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، سونداي - اق ەكونوميكالىق، قوعامدىق دامۋداعى ەلەۋلى تابىستاردى ۇگىتتەۋىمىز؛ «ۇلتتار ىنتىماعىنىڭ بەرەكەلى شاڭىراعى» قيمىلىن تىڭعىلىقتى ورىستەتىپ، ۇلتتار ىنتىماعى، العاباسارلىعىنداعى ۇزدىك تيپتەردى ماراپاتتاپ، زورلىقتى كۇش لاڭكەستىك ەلەمەنتتەردىڭ ارام ويىن استە ىسكە اسىرماۋىمىز كەرەك.

ىلەدە تۋىلىپ، ەرجەتتىم، وسى مەكەندى قىزۋ سۇيەمىن؛ كوپ جىل پارتيانىڭ ءتالىم - تاربيەسىن كورگەن از ۇلت باسشى كادر رەتىندە، مەن، ءسوزسىز، پارتياعا العىس ايتىپ، پارتيانىڭ سوزىنە قۇلاق اسىپ، پارتياعا ىلەسەمىن، ءار ۇلت كادر، بۇقاراسىمەن بىرگە ساياسي سانادا سەرگەك بولىپ، ءتىل جاعىنداعى باسىمدىعىمدى، ۇلتتىق سۇيىسپەنشىلىك جاعىنداعى باسىمدىعىمدى جانە ءوز ۇلتىم اراسىنداعى بەدەلىمدى تولىق ساۋلەلەندىرىپ، ۇلتتار ىنتىماعى ۇگىت - تاربيەسىن، جەتەكشىلىك ەتۋ قىزمەتىن جاقسى ىستەپ، يدەيا مەن ءىس - ارەكەتتى باس شۋجي شي جينپيڭنىڭ شينجياڭ قىزمەتىن جاقسى ىستەۋ جونىندەگى ماڭىزدى بايىمداۋلارىمەن بىرلىككە كەلتىرەمىن، پارتيا ورتالىق كوميتەتىنىڭ شينجياڭنىڭ قوعام ورنىقتىلىعى مەن باياندى تىنىشتىق باس نىساناسى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرەمىن، ۇلكەن دۇرىس پەن ۇلكەن بۇرىس ماسەلەسىندە تۋىم ايقىن، تۇرعىم بەرىك تۇردە وتاننىڭ تۇتاستىعىن قورعاۋ، ۇلتتار ىنتىماعى مەن قوعام ورنىقتىلىعىن قورعاۋ قاسيەتتى بورىشىن سانالى تۇردە باتىل ارقالايمىن.

قىراعىلىقتى ارتتىرىپ، بولشەكتەۋشىلىككە قارسى كۇرەستىڭ ۇلى تۋىن ۇستاپ، «ءۇش ءتۇرلى كۇشتىڭ» سۇرقيا ارەكەتتەرىن باتىلدىقپەن اشكەرەلەيىك؛ ءبىر نيەت، ءبىر تىلەكپەن قاس جاۋعا كەكتەنە وتىرىپ، «ءۇش ءتۇرلى كۇشپەن» باتىل كۇرەسەيىك؛ جىلى ءجۇزدى بولۋ، شىنايى حال سۇراۋ، مەيىرىمدى بولۋ سىندى كىشى - گىرىم ىستەردەن باستاپ، ۇلتتار ىنتىماعىن امالياتتا ايگىلەۋدى شىنايى اتقارايىق!

شينجياڭ گازەتىنەن الىندى