اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «دارىندىلاردى  دامىتۋ ءتۇزىلىس مەحانيزمى رەفورماسىن تەرەڭدەتۋ  جونىندەگى اتقارۋ پىكىرىن» تاراتتى

رايونىمىزداعى دارىندىلاردىڭ جاڭالىق اشۋ، جاسامپازدىق، شارۋاشىلىق قۇرۋ ومىرشەڭدىك كۇشىن تاسقىنداتۋعا كۇش سالادى

ءوز حابارىمىز. جۋىقتا اۆتونوميالى رايوندىق پارتكوم، اۆتونوميالى رايوندىق حالىق ۇكىمەتى «دارىندىلاردى دامىتۋ ءتۇزىلىس مەحانيزمى رەفورماسىن تەرەڭدەتۋ جونىندەگى اتقارۋ پىكىرىن» جاريالادى (تومەندە قىسقارتىلىپ «اتقارۋ پىكىرى» دەلىندى)، تولىق ءماتىنى 8 بولىمنەن، 31 تارماقتان قۇرالعان، رەفورما مازمۇنى دارىندىلاردى باسقارۋ ءتۇزىلىسى مەن دارىندىلاردى جەتىلدىرۋ، ەنگىزۋ، اۋىس - كۇيىس جاساۋ، باعالاۋ، ىنتالاندىرۋ، قامتاماسىزداندىرۋ، ت.ب قىزمەت مەحانيزمىنە سايادى، قازىر جانە الداعى ءبىر مەزگىلدە رايونىمىزدىڭ دارىندىلار قىزمەتىنىڭ ماڭىزدى جەتەكشى سيپاتتى حۇجاتى.

«اتقارۋ پىكىرى» «ورتالىقتىڭ دارىندىلاردى دامىتۋ ءتۇزىلىس مەحانيزمى رەفورماسىن تەرەڭدەتۋ جونىندەگى پىكىرىنىڭ» رۋحىن دايەكتىلەندىرىپ، شينجياڭنىڭ ءىس جۇزىندىك جاعدايىمەن ۇشتاستىرىپ، دارىندىلاردى دامىتۋعا تۇساۋ بولاتىن يدەيالىق تانىمدار مەن ءتۇزىلىس مەحانيزمى جاعىنداعى بوگەتتەردى تالقانداۋدى، دارىندىلاردىڭ ومىرشەڭدىك كۇشىن ازات ەتۋدى جانە نىعايتۋدى كوزدەگەن. دارىندىلاردى باسقارۋ ءتۇزىلىس رەفورماسىندا ازايتۋ امالىن قولدانىپ، دارىندىلاردى باسقارۋ تاراۋلارىنىڭ ۇكىمەت قۇرىلىمدارىن ىقشامداپ، ۇقىقتى تومەنگە بەرۋىن ىلگەرىلەتىپ، ادام ىستەتەتىن سۋبيەكتىنىڭ ءوزىن - ءوزى باسقارۋ ۇقىعىن تياناقتاندىرىپ، دارىندىلاردى باسقارۋدىڭ بازارلانعان، قوعامدانعان قىزمەت ەتۋ جۇيەسىن ورناتۋدى؛ دارىندىلاردى جەتىلدىرۋ، ەنگىزۋ جاعىندا قوسۋ امالىن قولدانىپ، دارىندىلاردى جەتىلدىرۋدىڭ «تيانشان جوسپارىن» جانە دارىندىلاردى ەنگىزۋدىڭ «بوعدا كولى جوسپارىن» كۇش سالا جاساپ، ءتۇرلى دارىندىلار قوسىنىن ورنىقتىرۋدى جانە زورايتۋدى؛ دارىندىلاردان پايدالانۋ جاعىندا كوبەيتۋ امالىن قولدانىپ، باعالاۋ، ىنتالاندىرۋ، قامتاماسىزداندىرۋ جاعىندا قيىن تۇيىندەردى شەشىپ، مەحانيزم ورناتۋعا كۇش سالىپ، ومىرشەڭدىك كۇشتى تۋىنداتاتىن «كوبەيتكىش اسەرىن»، ءمورالىنا، قابىلەتىنە، ەڭبەگىنە ءمان بەرەتىن جانە دارىندى قۇنىن جۇزەگە اسىراتىن بەتالىستى قالىپتاستىرۋدى؛ دارىندىلار اۋىس - كۇيىسى جاعىندا ءبولۋ امالىن قولدانىپ، دارىندىلاردىڭ ءوڭىر، تاراۋ، كاسىپ سالاسىن، مەنشىك ءتۇزىمىن اتتاعان جىلجۋ ارناسىن كۇش سالا ىركىلىسسىزدەندىرىپ، دارىندىلار بايلىعىنىڭ رايونىمىز ىشىندە ۇيلەسىمدى اۋىس - كۇيىس جاساۋىن، ورنالاسۋىن جەبەۋدى ءتۇيىن ەتكەن.

«اتقارۋ پىكىرىندە» مىنالار العا قويىلدى: رەفورمانى تەرەڭدەتۋ ارقىلى دارىندىلاردى دامىتۋدىڭ عىلمي، جۇيەلى، اشىق، قامتىمالى، جۇمىس جۇرگىزۋى ءونىمدى جونگە سالۋ جۇيەسىن كۇش سالا ورناتۋ كەرەك. 2020 - جىلى اۆتونوميالى رايوننىڭ دارىندىلاردى دامىتۋ ءتۇزىلىس مەحانيزمىندەگى ماڭىزدى سالالار مەن شەشۋشى بۋىنداردا زور ىلگەرىلەۋشىلىككە قول جەتىپ، دارىندىلاردى باسقارۋدىڭ سۋبيەكتتىك ءىس جاۋاپكەرشىلىگى ايقىن، دارىندىلاردى جەتىلدىرۋ، ەنگىزۋ، ادام ىستەتۋ مەحانيزمى ءتىپتى دە كەمەلدى، دارىندىلاردىڭ اۋىس - كۇيىس جاساۋ ارناسى ىركىلىسسىز، ءتارتىپتى بولىپ، پارتيانىڭ دارىندىلاردى باسقارۋ جاعدايى ءتىپتى دە كۇشەيىپ، ءتۇرلى دارىندىلاردىڭ كوپتەپ شىعۋىن جەبەۋگە ءتيىمدى، ءتۇرلى ىستەردىڭ دامۋىمەن سايكەسەتىن دارىندىلار ءتۇزىم جۇيەسى نەگىزىنەن قالىپتاسادى.

«اتقارۋ پىكىرىنىڭ» اتقارىلۋعا جاريالانۋى پارتيا 18 - قۇرىلتايىنىڭ جانە پارتيا 18 - كەزەكتى ورتالىق كوميتەتىنىڭ ءۇشىنشى، ءتورتىنشى، بەسىنشى، التىنشى جالپى ماجىلىستەرىنىڭ رۋحىن جاپپاي دايەكتىلەندىرۋ، باس شۋجي شي جينپيڭنىڭ ماڭىزدى سوزدەرىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ىشكەرىلەي دايەكتىلەندىرۋ، ج ك پ اۆتونوميالى رايوندىق 9 - قۇرىلتايىنىڭ شەشىمدەرىن، ورنالاستىرۋلارىن جاپپاي تياناقتاندىرۋ، دارىندىلار جاعىندا قۋاتتى رايون ستراتەگياسى مەن دامۋعا جاڭالىق اشۋ ارقىلى دەم بەرۋ ستراتەگياسىن جەدەل ىلگەرىلەتۋ، دارىندىلاردىڭ جاڭالىق اشۋ، جاسامپازدىق، شارۋاشىلىق قۇرۋ ومىرشەڭدىك كۇشىن بارىنشا تاسقىنداتۋ، ىنتىماقتى، جاراسىمدى، گۇلدەنىپ - كوركەيگەن، باي، وركەنيەتتى، العا باسقان، حالقى الاڭسىز تىرشىلىك ەتەتىن جۇڭگوشا سوتسياليستىك شينجياڭدى جەدەل قۇرۋ جونىنەن توتەنشە ماڭىزدى ستراتەگيالىق مانگە جانە رەال مانگە يە.

شينجياڭ گازەتىنەن الىندى